Wanzole wa Tusansu 8:1-18
8 Kuna mfoko a mvu 20 mina Solomo katunga e nzo a Yave ye nzo andi,*+
2 Solomo otungulwidi mbanza zina Kirami+ kavana kwa Solomo, osidi mo Aneyisaele.*
3 I bosi, Solomo wele nuanisa Kamati-soba, obakidi yo.
4 Otungidi* Tademo muna makanga ye mbanza zawonso za malundilu+ katunga kuna Kamati.+
5 Otungidi* mpe Bete-korone ya Ntandu+ ye Bete-korone ya Yanda,+ mbanza zangolo zazungwa e yaka, mavitu ye mbindi,
6 Balati+ ye mbanza zawonso za malundilu ma Solomo, mbanza za makalu ma vita,+ mbanza z’akwa mvalu ye mavata mawonso mana Solomo kazola tunga muna Yerusaleme, muna Lebanone ye muna nsi yawonso ya luyalu lwandi.
7 Vo i awonso ana basala muna Anekete, Aneyamore, Aneperese, Anekivi ye Aneyebuse,+ ana ke bakala nkangu a Isaele ko,+
8 wan’au ana basala muna nsi—ana ke bafukiswa ko+ kwa Aneyisaele—Solomo ubabundwini muna salu yangolo yamu unu kiaki.+
9 Kansi, o Solomo kasidi bunduna muntu ko muna Aneyisaele muna salu kiandi,+ kadi yau bakala se makesa mandi, mfumu za mbanda-mbanda zandi ye mfumu za anati a makalu mandi ma vita ye akwa mvalu.+
10 Vakala ye 250 ma mfumu z’akengi a salu kia Solomo wa Ntinu, yau batuminanga asadi.+
11 Solomo okatwidi mwan’ankento a Faro+ muna Mbanz’a Davidi, unete muna nzo ina kantungila,+ kadi wavova vo: “Kana una vo nkaz’ame, kalendi kala muna Mbanz’a Davidi wa Ntinu a Isaele ko, kadi e fulu yawonso yateka kala e Nkel’a Yave, yavauka.”+
12 I bosi, Solomo okelele Yave yimenga ya ngioka+ vana ziku+ dia Yave dina katunga vana ntwal’a veta kia mwelo.+
13 Walandanga nkubika za lumbu ke lumbu mun’owu wa nkanikinu a Mose mu kuma kia Lumbu ya Vundu,+ nzangama za ngonde,+ nkinzi tatu muna mvu+—Nkinzi a Mbolo Zakondwa Mfuna,+ Nkinzi a Lumingu+ ye Nkinzi a Sudi.*+
14 Mun’owu wa luludiku lwa Davidi wa se diandi, Solomo osolele buka y’anganga+ yo kubasia muna salu yau, osolele mpe Anelevi yo kubasia muna fulu yau, kimana bakembelelanga Nzambi+ yo sala vana vena anganga mun’owu wa salu ya lumbu ke lumbu, ayingidi a mavitu muna buka yau ya mavitu maswaswana,+ kadi i wau kakanikina o Davidi wa muntu a Nzambi aludi.
15 Ke bavengomoka ko muna nkanikinu a ntinu una kavana kwa anganga yo Anelevi yovo muna konso diambu ngatu muna malundilu.
16 E salu kiawonso kia Solomo kiatoma kubikwa, tuka muna lumbu kiasiwa e nkubilwa ya nzo a Yave+ yavana yafokoka. E nzo a Yave imanisi o tungwa.+
17 I bosi, Solomo wele kuna Esio-ngebe+ ye kuna Elate+ vana kumu dia kalunga, muna nsi a Edome.+
18 O Kirami+ untwikidi e nzaza ye ntaudi zandi ana bakulukilwa e salu kia kalunga. Bele ye ntaudi za Solomo kuna Ofire,+ babongele ko 450 ma talanta* za wolo,+ batwese zo kwa Solomo wa Ntinu.+
Mvovo vana yand'a lukaya
^ Yovo “lûmbu lwandi.”
^ Mvovo wa sina: “wan’a Isaele.”
^ Yovo “Otungulwidi.”
^ Yovo “Otungulwidi.”
^ Yovo “Saba ya Zingila mu Kolo Kiakete.”