Wantatu wa Yoane 1:1-14
1 Mono mbuta muntu,* kuna kwa Ngayo, wa nzolwa, ona itoma zolanga.
2 E nzolwa, isambanga kimana wakwamanana nungunuka muna mambu mawonso, wakala mpe yo vimpi wambote, wauna onungunukini owau.
3 Kadi ntomene yangalala vava ampangi bayizidi yo sia umbangi wa ludi kina osimbininanga, wau okangalelanga muna ludi.+
4 Kina ye kiese* kisundidi kiaki ko: kia wá vo o wan’ame muna ludi bekangalelanga.+
5 E nzolwa, kwikizi osonganga muna mana ovanganga mu kuma kia ampangi, kana una vo kubazeye ko.+
6 Besianga umbangi wa zola kwaku muna nkutakani. Avo se bekwenda kwau, vanga mawonso wabasadisa mu mpila iyangidika Nzambi.+
7 Kadi mu kuma kia nkumbu andi bayizila koko, ke batambwidi lekwa ko+ kuna kwa esi zula.
8 I dianu vo, tufwete tambulanga wantu awaya kuna zola,+ kimana twakala asadi kumosi muna ludi.+
9 Diambu nsonekene kuna kwa nkutakani, kansi Dioterefe ona ozolanga fulu kiantete vana bena,+ ke tambulwilanga kuna luzitu ko mana tuvovanga.+
10 Dianu vo, avo ngizidi, isenzeka mavangu mandi wau kekutukumbanga.*+ Ke diadi kaka ko, ke zolanga mpe tambula ampangi+ kuna luzitu ko; awana bazolele kubatambula, okubasimanga yo kubayinga muna nkutakani.
11 E nzolwa, kutanginina mambu mambi ko, kansi tanginina kaka mambu mambote.+ Ndiona ovanganga mambu mambote, muntu a Nzambi.+ Ndiona ovanganga mambu mambi, kazeye Nzambi ko.+
12 Demeterio umbangi wambote kesilwanga kwa mpangi zawonso kumosi ye zingu kiandi kina ngwizani ye ludi. Yeto mpe tukunsilanga umbangi, ozeye wo vo umbangi weto waludi.
13 Mambu mayingi ngina mau muna kusonekena, kansi kizolele mo soneka mu lusala ye tinta ko.
14 Kansi, ngina ye vuvu vo ke kolo ko se yawanana yaku, twamokena mantalani.
Luvuvamu koko wina.
Akundi batumini mavimpi. Vana mavimpi kwa akundi, konso muntu muna nkumbu andi.
Mvovo vana yand'a lukaya
^ Yovo “nkuluntu.”
^ Nanga, “kuma kia vutulwila matondo.”
^ Mvovo wa sina: “kekutuvovelanga e mbi.”
