Nkung’a Solomo 1:1-17
1 O nkunga usundidi e nkunga miawonso,* una vo wa Solomo:+
2 “Umfiba ye mfibu za nu’aku,Kadi e mvovo miaku mianzola misundidi e vinyu o wete.+
3 E nsunga za mazi maku zambote.+
E nkumbu aku ina nga mazi mansunga mayitilu vana ntu.+
Kiaki i kuma e ndumba bekuzolelanga.
4 Undata;* twatikuna kumosi.
O ntinu unkotese muna masuku mandi!
Yambula twayangalala yo mona e kiese kumosi.
Yambula twakembela* e mvovo miaku mianzola, emi misundidi e vinyu o wete.
Ke nkatu ko oyau* bekuzolelanga.
5 E wan’amakento a Yerusaleme, omono i ndombe kwame, kansi i mote,Nze saba ya Keda,+ nze nlele mia saba+ kia Solomo.
6 Nuyambula kuntungununa wau mpiukidi,Kadi o mwini umpiukisi.
O wan’amakala a ngudi ame bamfungidi o makasi;Bansidi se nyingidi a mpatu za vinyu,Vo i mpatu ame a vinyu, kilendele yo yingila ko.
7 Unzayisa, ongeye itoma zolanga,*Akweyi okwenda vungulwilanga e kambi diaku?+
Akweyi okubavundisilanga muna midi?
Ekuma mfwete kadila nga nkento uyifukidi e fukwa*Vana vena makambi ma akundi aku?”
8 “E ndumba isundidi o wete, avo kuzeye ko,Landa e ntambi za kambiYo vungulwila wan’aku a nkombo vana ndambu a saba ya avungudi.”
9 “E nzolw’ame, itezanese yo mvalu* ankento vana vena makalu ma vita ma Faro.+
10 Mabundi maku mambote-mbote avo ovuete nlunga,*E nsingu aku avo ovuete nsanga.
11 Tukuvangila nlunga miawolo*Mialamikwa matadi makete-kete ma palata.”
12 “Ekolo ntinu kafongele vana meza mandi,E nsunga za mazi*+ mame zimwangane.
13 Kuna kwa mono, o nzolw’ame una nga finkutu fia mô+ ansungaIna ilekanga vana kati kwa mayene mame muna fuku.
14 Kuna kwa mono, o nzolw’ame una nga saki kia mvuma za ena+Vana vena e mpatu za vinyu za Engedi.”+
15 “U mote kikilu, e nzolw’ame.
U mote. Meso maku mena nga meso ma mayembe.”+
16 “Ongeye u mote, e nzolw’ame, wavienga kikilu!+
E mfulu eto ya makaya mankunzu.
17 E miangu mia nzo eto* mia nti mia nsedele,E mvuambu zeto za nti mia sipelese.
Mvovo vana yand'a lukaya
^ Mvovo wa sina: “Nkung’a nkunga.”
^ Mvovo wa sina: “Untunta oku nim’aku.”
^ Yovo “Twavovela.”
^ I sia vo, e ndumba.
^ Yovo “fukwa kia kimfwidi.”
^ Yovo “ongeye moyo ame utoma zolanga.”
^ Yovo “mvalu ame.”
^ Nanga, “vana kati kwa nsuki zakangwa.”
^ Yovo “kolowa.”
^ Mvovo wa sina: “nardu.”
^ Yovo “nzo eto anene.”
