Nkung’a Solomo 2:1-17
2 “Kansi omono i safoni ya Saroni,*Lenge-lenge a ndimba.”+
2 “Nze lenge-lenge vana vena e nsendeI wina o nzolw’ame vana vena wan’amakento.”
3 “Nze nti a pome vana vena nti mia mfinda,I wina o nzolw’ame vana vena wan’amakala.
Ngina ye tima diayingi dia fonga vana kini* kiandi,E bundu kiandi kianzenzo omu nu’ame.
4 Unkotese muna nzo ya nkinzi,*Awonso bamwene vo e nzol’andi omu mono ina.
5 Nunsiamisina muna yimbolo-mbolo ya bundu ya vinyu yayuma;+Nunkumikina muna pome,Kadi kimbevo kia nzola iyela.
6 O koko kwandi kwalumonso kuna oku nsi a ntu ame,O koko kwandi kwalunene kumbimbakene.+
7 Inudisisi e ndofi, e wan’amakento a Yerusaleme,Muna nsesi+ ye muna mvanda mia nzanza:
Ke nutezi sikamesa ko yovo yangumuna e nzola omu mono yavana yau mosi isikama.+
8 Ngwidi nding’a nzolw’ame!
Tala! Yandi ona okwizanga,Mu tomboka kena e miongo, otakuziokanga vana kundubulu.
9 O nzolw’ame una nga nkayi, nga mwan’a mvanda a koko.+
Yandi ona, otelamene kuna nim’a yaka kieto,Otalanga vana zianela,Okengelelanga muna mavundu.
10 O nzolw’ame ovovele, umpovese vo:
‘Telama, e nzolw’ame,E mote ame, wiza twenda.
11 Tala! E kintombo kiviokele.*
E mvula zikiele, zele kwandi.
12 E mvuma zivaikidi omu nsi,+E ntangw’a vangila e nti ifwene,+O nkung’a mbwela uwakane omu nsi eto.+
13 E bundu yantete ya nti a nsanda ibweke;+E nsinga mia vinyu mivaikisi e mvuma yo mwanga e nsunga zandi.
Telama, e nzolw’ame, wiza.
E mote ame, wiza twenda.
14 E yembe diame, muna nduka mia matadi,+Muna mbamvu za miongo,Yambula yamona yo wá e nding’aku,+Kadi e ndinga aku yalembama, e mpw’aku yambote-mbote.’”+
15 “Nutubakila e mfwenge,E mfwenge zakete zifwasanga e mpatu za vinyu,Kadi e mpatu zeto za vinyu zivaikisi e mvuma.”
16 “O nzolw’ame i wame, omono i wandi.+
Oyandi ovungulwilanga e kambi+ vana vena e lenge-lenge.+
17 Yavana mupepe wa lumbu uvevomoka malembe-malembe,* e yini yavila,Vutuka mu nzaki, e nzolw’ame,Nze nsesi+ yovo mwan’a mvanda akoko+ vana ntandu a miongo mina va kati kweto.*
Mvovo vana yand'a lukaya
^ Yovo “safoni a kumu dia mbu dialelama.”
^ Yovo “ninga.”
^ Mvovo wa sina: “nzo a vinyu.”
^ Yovo “E nsungi a mvula.”
^ Mvovo wa sina: “Yavana e lumbu kifulumuna.”
^ Nanga, “vana ntandu a miongo miapasuka.” Yovo “vana ntandu a miongo mia Betere.”
