Nkung’a Solomo 3:1-11
3 “Vana mfulu ame muna fuku,Mvavidi ndiona izolanga.*+
Imvavidi, kansi kinsolwele ko.+
2 Itelama yo kwend’akangadi muna mbanza;Muna zibala-bala ye muna ntanda,*Ngiend’avavi ndiona izolanga.*
Imvavidi, kansi kinsolwele ko.
3 Ayingidi bekwenda zietinge muna mbanza bansolwele.+ Ibayuvuidi vo:
‘Ndiona izolanga* nga ke numwene ko e?’
4 Vava mviokele kaka ayingidiNsolwele ndiona izolanga.*
Insimbinini, kizolele kunyambula koYavana inkotese muna nzo a ngudi ame,+Muna suku dia ndiona wangimita.
5 Inudisisi e ndofi, e wan’amakento a Yerusaleme,Muna nkayi ye muna mvanda mia nzanza:
Ke nutezi sikamesa ko yovo yangumuna e nzola omu mono yavana yau mosi isikama.”+
6 “Nki kiokio kikwiza tombokinge nga malunzi ma mwisi tuka muna makanga,Kitanga e nsunga za mô ye ndumbu a nti a lebona,Ye mfumfu zawonso za nsunga za nkiti e?”+
7 “Tala! I kipoyo* kia Solomo.
Kizungilu kwa mabamba-ngolo makumasambanu,Muna mabamba-ngolo ma Isaele,+
8 Yau awonso ye nsosolo miau,Yau awonso balongwa nuana e vita,Konso muntu yo nsosolo andi muna luketoMuna kuyitanina muna vonza ya fuku.”
9 “I kipoyo* kia kimfumu kia Ntinu SolomoKina kayivangila muna nti mia Lebanone.+
10 O malunzi mandi mu palata kavangila mo,E sikinua yandi mu wolo.
E vuandilu kiandi kia nlele a mika mia se kia nduwa;Muna kati kwandi mwatoma viengeswaKwa wan’amakento a Yerusaleme muna zola kwawonso.”
11 “Nuvaika, e wan’amakento a Zione,Nutala Solomo wa NtinuOvuete kolowa* ya lukazalu ina kavangilwa kwa ngudi andi+Muna lumbu kia lukazalu lwandi,Muna lumbu kia kiese kia ntim’andi.”
Mvovo vana yand'a lukaya
^ Yovo “moyo ame uzolanga.”
^ Yanzala kiakutakenanga nkangu mu teka, sumba lekwa yo tela mambu.
^ Yovo “moyo ame uzolanga.”
^ Yovo “moyo ame uzolanga.”
^ Yovo “moyo ame uzolanga.”
^ I sia vo, kunda kiasiwa nludi ye nlele miayengalala, kiasadilwanga mu natina nkwa tunda.
^ I sia vo, kunda kiasiwa nludi ye nlele miayengalala, kiasadilwanga mu natina nkwa tunda.
^ Yovo “kolowa ya mvuma.”
