Nkung’a Solomo 4:1-16
4 “U mote kikilu, e nzolw’ame.
U mote.
O meso maku kuna nsi a fukwa mena nga meso ma mayembe.
E nsuki zaku zina nga kambi dia nkomboDikulumukanga e miongo mia Ngiladi.+
2 O meno maku mena nga kambi dia mameme matukidi sakwa e mikaMetombokanga tuka kuna mele sukulwilwa,Mawonso ye mapasa mau,Ke mosi ko ovidisi o mwan’andi.
3 E befo yaku ina nga nsing’ambwaki,E mpov’aku yambote-mbote.
Nze tini ya nganata*I una wina mabundi maku kuna nsi a fukwa kiaku.
4 E nsingu aku+ ina nga nzo yandá ya Davidi,+Yatungilwa mu nlonga mia matadiMuna mumanikwanga funda dia ngubu,E ngubu zawonso zazietomoka za makesa.+
5 E mayene maku mole mena nga wana wole a mvanda,Nga mapasa ma nsesi,+Ana bedianga vana vena lenge-lenge.”
6 “Yavana mupepe a lumbu uvevomoka malembe-malembe,* e yini yavila,Ikwenda kuna mongo a môYe kuna kundubulu kia ndumbu a nti a lebona.”+
7 “Ngeye awonso u mote, e nzolw’ame,+Omu nitu aku ke muna fu ko.
8 Kulumuka yame tuka kuna Lebanone, e nzitikil’ame,Kulumuka yame tuka kuna Lebanone.+
Kulumuka tuka vana mbat’a Amana,*Tuka vana mbat’a Seni, e mbat’a Keremone,+Tuka muna malekelo ma nkosi, tuka muna miongo mia ngo.
9 Ongeye oyiyidi o ntim’ame,+ e nsang’ame, e nzitikil’ame,Oyiyidi o ntim’ame muna ntala mosi ya meso maku,Muna tadi dimosi diyengalele muna nsang’aku a nsingu.
10 E mvovo miaku mianzola miambote-mbote,+ e nsang’ame, e nzitikil’ame!
E mvovo miaku mianzola misundidi e vinyu o wete,+E nsunga za mazi maku zisundidi ezi za lekwa yawonso yansunga!+
11 E befo yaku, e nzitikil’ame, isonsanga wiki wa sasala.+
Wiki ye kimvumina kina kuna nsi a lubini lwaku,+E nsunga za mvuatu miaku zina nga nsunga za Lebanone.
12 E nsang’ame, e nzitikil’ame, una nze mpatu yabindikwa,Mpatu yabindikwa, nto a maza yafukilwa.
13 E ntombo za mpatu aku* i paradiso* ya nganata*Ina ye bundu isundidi o wete, kumosi ye nti mia ena ye nti mia nadu,
14 E nardu+ ye safoni, kane*+ ye kinamone,+Ye nti mia mpila zawonso mia ndumbu, mô ye alowe,+Kumosi yo mazi mawonso masundidi e nsunga.+
15 Ongeye u nto a mpatu, sima kia maza mavelela,Nkoko mikukulanga tuka kuna Lebanone.+
16 Sikama, e mupepe a node;Kota, e mupepe a sude.
Vevomoka malembe muna mpatu ame.
Yambula e nsunga zandi zamwangana.”
“Yambula o nzolw’ame kakota mu mpatu andiKadia e bundu isundidi o wete ya mpatu.”
Mvovo vana yand'a lukaya
^ I sia vo, bundu kina nze ngavua yovo mfuluta.
^ Mvovo wa sina: “Yavana e lumbu kifulumuna.”
^ Yovo “Anti-Lebanone.”
^ Nanga, “O nkand’a nitu aku.”
^ Yovo “mpatu.”
^ I sia vo, bundu kina nze ngavua yovo mfuluta.
^ Tutu diansunga.
