Nkung’a Solomo 7:1-13
7 “Ekwe o wete wa tambi yaku muna nsampatu,E mwan’ankento a zitu!
Mabuku-buku* maku mambote-mbote nga nsanga mia viengesela nitu,Salu kia moko kia nkwa umbangu.
2 O nkumb’aku i mbungwa yazietomoka.
Ina ke ikondwanga vinyu ko.
E vumu kiaku i kunku kia witi,Kiazungwa kwa lenge-lenge.
3 E mayene maku mole mena nga wana wole a mvanda,Nga mapasa ma nsesi.+
4 E nsingu aku+ ina nga nzo yandá ya meno ma nzamba.+
O meso maku+ mena nga maza ma Kesebone,+Vana ndambu a vitu dia Bate-rabimi.
O nzunu aku una nga nzo yandá ya Lebanone,Eyi italanene ye Damaseke.
5 O ntu aku una nga mongo a Kamele,+E nzinga za nsuki zaku+ zina* nga nlele a mika mia se kia nduwa.+
O ntinu obakamene* muna nzinga za nsuki zaku zivevomokanga.
6 Kieleka u mote, wavienga kikilu,E ndumb’a nzolwa, olutidi e ma yawonso yantomo!
7 O ntel’aku una nga ba,O mayene maku mena nga kangi kia bundu ya dinsongwa.+
8 Mpovele vo: ‘Manta imanta kuna baYasimba e nsinga mia bundu yandi.’
Yambula mayene maku makala nga kangi kia uva,E fulumwinu kiaku kiakala nga mazi mansunga ma pome,
9 O nu’aku* nga vinyu isundidi o wete.”
“Yambula yalelomoka kuna kwa nzolw’ame,Yakukula malembe vana befo ya awana balele.
10 Omono i wa nzolw’ame,+E tima diandi kwa mono dina.
11 Wiza, e nzolw’ame,Twenda kuna nzanza;Twaleka vana vena e nti mia ena.+
12 Yambula twasikama muna mene yo kwenda kuna mpatu za vinyuMu tala kana vo nsing’a vinyu umenene,*Kana vo e mvuma ziziukidi,+Kana vo e nti mia nganata* mivaikisi e mvuma.+
I kûna ikusongela e nzol’ame.+
13 E mandrangore+ mamweng’e nsunga zandi zambote;Vana mwelo eto vena ye mpila zawonso za bundu isundidi o wete.+
Yampa ye yankulu,E nzolw’ame, ilundidi yo.
Mvovo vana yand'a lukaya
^ Yovo “Matanganga.”
^ Yovo “okangamene.”
^ Yovo “O ntu aku una.”
^ Mvovo wa sina: “E ndambu yantandu ya kati kwa nu’andi.”
^ Yovo “uvaikisi o ntu.”
^ I sia vo, bundu kina nze ngavua yovo mfuluta.
