Nkung’a Solomo 8:1-14
-
Ndumba (1-4)
-
“Ekwe kele vo ongeye wakala nze mpangi ame” (1)
-
-
Mpangi za ndumba (5a)
-
‘Nani ndioyo oyekamene o nzolw’andi?’
-
-
Ndumba (5b-7)
-
“E nzola ivuidi ngolo nga lufwa” (6)
-
-
Mpangi za ndumba (8, 9)
-
“O nsang’eto avo yaka, . . . kansi avo nsang’eto mwelo, . . . ” (9)
-
-
Ndumba (10-12)
-
“Omono i yaka” (10)
-
-
Mvungudi (13)
-
‘Yambula yawá nding’aku’
-
-
Ndumba (14)
-
“Zabuzioka nze nsesi”
-
8 “Ekwe kele vo ongeye wakala nze mpangi ame,Ona wayema mayene ma ngudi ame!
Ozevo, vava yadi kuwana kuna mbazi, yadi kufiba,+Ke muntu ko wadi kumveza.
2 Omono yadi kufila;Yadi kukotesa muna nzo a ngudi ame,+Ona wandonga.
Yadi kuvana vinyu ansunga wanua,Yo malavu manzenzo ma nganata.*
3 O koko kwandi kwalumonso kwadi kala kuna nsi a ntu ame,O koko kwandi kwalunene kwadi kumbimbakana.+
4 Inudisisi e ndofi, e wan’amakento a Yerusaleme:
Ke nutezi sikamesa ko yovo yangumuna e nzola omu mono yavana yau mosi isikama.”+
5 “Nani ndioyo okwiza tombokanga tuka muna makanga,Oyekamene o nzolw’andi?”
“Isikamese kuna nsi a nti a pome.
Ikûna o ngudi aku kabakamena nsongo aku.
Ikûna kakadila ye nsongo ndiona wawuta.
6 Unsia se dimbu vana ntim’aku,Se dimbu vana koko kwaku,Kadi e nzola ivuidi ngolo nga lufwa,+E kwikizi kilakamanga nze Ziami.*
E nlaku miandi mina nga tiya twambomoni, o nlaku a YA.*+
7 O maza menikukanga mu ngolo ke malendi zima nzola ko,+Kana nkutu nzadi ke zilendi yo kukulwisa ko.+
Avo muntu ovene mavua mawonso ma nzo andi mu kuma kia nzola,Mevezwa* kikilu.”
8 “Tuvuidi nsang’eto anleke,+Kamenene ntete mayene ko.
Adieyi tuvanga kwa nsang’etoMuna lumbu kelombwa vo bansompa?”
9 “O nsang’eto avo yaka,Tutunga yaka* kia palata vana ntandu andi,Kansi avo nsang’eto mwelo,Tukunkakila muna baya dia nsedele.”
10 “Omono i yaka,O mayene mame mena nga nzo zandá.
Ozevo, vana meso mandi nkitukidiNga muntu una mu luvuvamu.
11 Solomo wakala ye mpatu a vinyu+ kuna Bale-amone.
Wavana e mpatu a vinyu kwa avati* balunga-lunga yoKonso muntu wantwasilanga funda dia sekele za palata mu kuma kia bundu yandi.
12 Omono mvuidi mpatu a vinyu ya mono kibeni ova ngina.
E funda dia palata* dia ngeye, e Solomo,E nkama zole, za awana belunga-lunganga e bundu yandi.”
13 “E ngeye ozingilanga muna zimpatu,+Akundi bewanga e nding’aku.
Yambula mpe omono yawá yo.”+
14 “Tikuna, e nzolw’ame,Zabuzioka nze nsesi+Yovo mwan’a mvanda akoko.
Vana miongo mia titi yansunga.”
Mvovo vana yand'a lukaya
^ I sia vo, bundu kina nze ngavua yovo mfuluta.
^ Yovo “Seol,” i sia vo, ziami kia wantu awonso. Tala Nsas’a Mvovo.
^ “YA” i mpila yankufi ya yikila e nkumbu Yave.
^ Nanga, “Ovezwa.”
^ I sia vo, yaka kikakidilanga muntu kuna nludi kalembi bwa.
^ Yovo “ayingidi.”
^ Mvovo wa sina: “E funda.”
