Amose 1:1-15
1 Miami i mvovo mia Amose,* ona wakala mosi muna awana batwelanga mameme kuna Tekoa,+ e mvovo mina katambula muna mona-meso mu kuma kia Isaele muna lumbu ya Uziya wa Ntinu+ a Yuda, muna lumbu ya Yerobame+ wa mwan’a Yoase,+ wa ntinu a Isaele, mvu miole vitila kiabwa nzakam’a ntoto.+
2 Ovovele vo:
“Yave okwita muna Zione nze nkosi,Otatula ndinga muna Yerusaleme.
Madilu ma avungudi mu kifwidi mekala,E bata dia mongo a Kamele diyuma.”+
3 “I wau wuwu kavovele o Yave:
“‘Muna kuma kia mavangu matatu ma ukolami wa Damaseke, muna kuma kia mavangu maya, kivutuka manima ko,Kadi bakosomwene Ngiladi muna bundilwa kia masa kia sengwa.+
4 I dianu vo, tiya itwika muna nzo a Kazaele,+Tubomona nzo zangolo za Bene-adadi.+
5 Tolola itolola e mbindi za Damaseke;+Ifwasa nkangu a Bikate-aveneYe ndiona oyalanga* Bete-Edene;O nkangu a Suria ukwenda muna kinkole kuna Kire,”+ u kavovele o Yave.’
6 I wau wuwu kavovele o Yave,‘“Muna kuma kia mavangu matatu ma ukolami wa Ngaza,+ muna kuma kia mavangu maya, kivutuka manima ko,Kadi babonga e buka kiamvimba kia awana banatwa muna kinkole,+ babayekola vana moko ma Edome.
7 I dianu vo, tiya itwika muna yaka ya Ngaza,+Tubomona nzo zandi zangolo.
8 Ifwasa nkangu a Asedode+Ye ndiona oyalanga* Asekelone,+Yo vilula koko kwame muna Ekerone;+Afelesetia ana basala befwaswa,”+ u kavovele o Mfumu Yave.’
9 I wau wuwu kavovele o Yave,‘Muna kuma kia mavangu matatu ma ukolami wa Turo,+ muna kuma kia mavangu maya, kivutuka manima ko,Kadi bayekola buka kiamvimba kia awana banatwa muna kinkole kwa Edome,Kadi ke basungamena kangu dia kimpangi ko.+
10 I dianu vo, tiya itwika muna yaka kia Turo,Tubomona nzo zandi zangolo.’+
11 I wau wuwu kavovele o Yave,‘Muna kuma kia mavangu matatu ma ukolami wa Edome,+ muna kuma kia mavangu maya, kivutuka manima ko,Kadi walakama mpangi andi ye nsosolo,+Kazola kumfwila nkenda ko;Muna makasi mandi okwamanene kubatiazuna,Wakinu kubafungila makasi.+
12 Dianu vo, tiya itwika muna Temane,+Tubomona nzo zangolo za Bozera.’+
13 I wau wuwu kavovele o Yave,‘“Muna kuma kia mavangu matatu ma ukolami wa Aneyamone,+ muna kuma kia mavangu maya, kivutuka manima ko,Kadi batiazwini e vumu y’akento ayimita a Ngiladi muna sietola mwingilu a zunga kiau.+
14 Dianu vo, ikwika o tiya muna yaka kia Raba,+Tubomona nzo zandi zangolo,Ye kazu kia vita muna lumbu kia vita,Ye tembwa muna lumbu kia kimbongela.
15 O ntinu au mu kinkole kekwenda kumosi ye mfumu zandi,”+ u kavovele o Yave.’
Mvovo vana yand'a lukaya
^ Ina ye nsasa vo: “Zitu” yovo “Nata Zitu.”
^ Mvovo wa sina: “ndiona osimbidi mvual’a.”
^ Mvovo wa sina: “ndiona osimbidi mvual’a.”
