Amose 2:1-16
2 “I wau wuwu kavovele o Yave,‘“Muna kuma kia mavangu matatu ma ukolami wa Moabe,+ muna kuma kia mavangu maya, kivutuka manima ko,Kadi wayoka visi ya ntinu a Edome muna vanga e mpemba.
2 I dianu vo, tiya itwika muna Moabe,
Twabomona e nzo zangolo za Keriote;+
O Moabe ofwila vana kati kwa nkindu,
Muna kazu kia vita, muna zú dia mpungi.+
3 Katula ikatula nyadi* vana kati kwandiIkumvonda ye akuluntu andi awonso,”+ u kavovele o Yave.’
4 I wau wuwu kavovele o Yave,‘Muna kuma kia mavangu matatu ma ukolami wa Yuda,+ muna kuma kia mavangu maya, kivutuka manima ko,Kadi babembwele nsiku a Yave,Ke balundidi nkanikinu miandi ko;+Kansi, bavukumwinu muna luvunu lwau, luna balanda mase mau.+
5 I dianu vo, itwika tiya muna Yuda,Tubomona nzo zangolo za Yerusaleme.’+
6 I wau wuwu kavovele o Yave,‘Muna kuma kia mavangu matatu ma ukolami wa Isaele,+ muna kuma kia mavangu maya, kivutuka manima ko,Kadi batekele nsongi muna palata,Ye nsukami muna nsampatu.+
7 Badiatakese ntu mia asakaladi vana mbundukutu a ntoto,+Bakakididi e nzila ya alembami.+
O se ye mwan’andi bele vukana ye mwan’a ndumba mosi,Basafwidi nkumbu ame avauka.
8 Balele vana ndambu a maziku mawonso+ muna mvuatu mina batambwidi se nsimbi;+Benuanga e vinyu muna nzo* a nzambi zau, ina besumbilanga muna nzimbu za nkanu befutisanga kwa wantu.’
9 ‘Kansi, mono yafwasa Nyamore vana ndose au,+Ona wakala ye ntela wanda nze nti wa nsedele, e ngolo zandi zafwanana ye nti wa terebinte;Yafwasa bundu yandi vana ntandu ye mianzi miandi muna nsi.+
10 Mono yanuvaikisa muna nsi a Engipito,+Yanufila muna makanga mu mvu 40,+Kimana nuavua e nsi ya Aneyamore.
11 Mono yasola ankaka muna wan’eno amakala se angunza+Matoko meno mankaka se Avambuki.+
Nga ke wau ko, e yeno nkangu a Isaele?’ u kavovele o Yave.
12 ‘Kansi, oyeno nuvene e vinyu kwa Avambuki, banua,+Nuakanikina angunza vo: “Ke nusakula ko.”+
13 Ozevo, ikunukosomona vana fulu kieno,Nze una kalu dizele ye ntete mia masa didiatakesanga e lekwa ina kuna nsi.
14 O nkwa nswalu ke kala ye fulu kia tinina ko,+O nkwa ngolo ovidisa ngolo zandi,Kavena kesa ko ovuluza moyo andi.
15 O nkwa mfumba ke telama ko,O nkwa malu ma nswalu ke vuluka ko,O nkwa mvalu ke vuluza moyo andi ko.
16 Kana nkutu ona osundidi unkabu vana vena makesaKimpene ketina muna lumbu kiakina,’+ u kavovele o Yave.”
