Amose 4:1-13
4 “Nuwá diambu diadi, e yeno ngombe za Basani,Zina vana mongo wa Samaria,+Yeno akento nuvunanga minkondwa nsadisi+ yo kosomona asukami,Yeno nuvovele kwa akazi eno vo: ‘Nututwasila malavu twanua!’
2 E Mfumu Yave odidi e ndofi muna vauka kwandi vo:‘“Nutala, nulwakilwa e lumbu ina nuzangulwilwa muna luvakuAna besala bezangulwilwa muna ndobo.
3 Nuvaikila muna mpwasi za yaka, konso muntu muna mpwasi ina kuna ntwal’andi;Nutubwa kuna Kamone,” u kavovele o Yave.’
4 ‘Nuiza ku Betele, nuasumuka,+Nusakisa osumuka muna Ngilengale!+
Nutwasa yimenga yeno+ muna mene-mene,
Ye tini ya kumi+ muna lumbu kiatatu.
5 Nuyoka mbolo za siwa e mfuna se kimenga kia matondo;+Nuboka nkoki a tukau twa mvevo!
Kadi i diau nuzolanga vanga, e nkangu a Isaele,’ u kavovele Mfumu Yave.
6 ‘Vo i mono, nkitwidi o meno meno se mavelela mu kuma kia kondwa madia,* muna mbanza zeno zawonsoYo kondwa madia muna nzo zeno zawonso;+Kansi oyeno ke nuvutukidi kwa mono ko,’+ u kavovele o Yave.
7 ‘Mono mpe yanukakidila e mvula mu ngonde tatu vitila nkutika;+Yanokesanga mvula mu yaka mbanza, kansi muna mbanza yankaka mvula nkatu.
Muna yaka mpatu mwanokanga e mvula,Kansi muna mpatu yankaka e mvula nkatu, mwayuma.
8 O nkangu a mbanza zole yovo zitatu bekwenda tungiananga muna mbanza mosi mu nua e maza,+Kansi bakinu ye vuina;Oyeno ke nuvutukidi kwa mono ko,’+ u kavovele o Yave.
9 ‘Ngwende mbangazi ye mbumbu muna mbongo aku.+
Oyeno nuwokese mpatu zeno ye mpatu za vinyu,E makonko madidi nsanda mieno ye olive;+Kansi, oyeno ke nuvutukidi kwa mono ko,’+ u kavovele o Yave.
10 ‘Ntwikidi vuku vovo nuina nze kina kia Engipito.+
Mpondele matoko meno muna nsosolo+ yo baka mvalu mieno.+
Ntombwele nsudi a ndo zeno muna mazunu meno;+
Kansi, oyeno ke nuvutukidi kwa mono ko,’ u kavovele o Yave.
11 ‘Ntwese lufwasu vovo nuinaNze lufwasu lwa Sodoma ye Ngomora luna katwasa Nzambi.+
Oyeno lwakala nze sinza kia tiya kikatwilu vana tiya,
Kansi, oyeno ke nuvutukidi kwa mono ko,’+ u kavovele o Yave.
12 Ozevo, ediadi i diau ivanga kwa ngeye, e Isaele.
Wau vo diambu diadi ivanga kwa ngeye,Kubama mu wanana yo Nzambi aku, e Isaele.
13 Kadi yandi wasikidisa miongo+ yo vanga e tembwa;+Ozayisanga e ngindu zandi kwa muntuOkitulanga mene-mene se tombe+Odiatanga muna fulu yazanguka ya ntoto;+Yave wa Nzambi a vu i nkumbu andi.”
Mvovo vana yand'a lukaya
^ Yovo “Vo i mono, kinuvene madia ko.”
