Amose 6:1-14
6 “Tâtu kwa awana bekuyibundanga e vuvu kiasaka muna Zione,Awana bamwene vo mu luvuvamu bena vana mongo a Samaria,+Wantu atunda muna zula isundidi o mfunu,Awana e nzo a Isaele ivavilanga lusadisu!
2 Nusauka kuna Kalene, nuamona.
Tuka kwakuna nuenda kuna Kamati Yanene,+Nukulumuka kuna Ngati ya Afelesetia.
Nga oyau basundidi o wete ke mu yintinu* yayi ko,Yovo e zunga kiau kiviokele sanzuka ke mu zunga kieno ko e?
3 Nga nukatwidi e lumbu kiampasi muna ngindu zeno+Yo twasa kintinu* kia nsoki?+
4 Belekanga muna mfulu za meno ma nzamba+ yo lambalala vana kunda yambote-mbote,+Bedianga wan’a mameme muna makambi ye wan’a ngombe a mazi;+
5 Bekubikanga nkunga muna zú dia kokolo,+Nze Davidi, besokanga nkunga muna masikilu;+
6 Benuinanga vinyu muna mbungwa zanene+Yo kuyikusa mazi matoma solwa.
Kansi ke betokanenanga* mpasi za Yosefe ko.+
7 Muna kuma kiaki, yau i wantu antete bekwenda muna kinkole,+E lambu dia awana balambalele vana kunda difokoka.
8 ‘Mfumu Yave odidi e ndofi muna yandi kibeni,’+ u kavovele o Yave wa Nzambi a vu,‘“Mbengene lulendo lwa Yakobo,+Mbengene nzo zandi zandá zangolo,+Yekola iyekola e mbanza ye yawonso ina mo.+
9 “‘“Avo musala kumi dia wantu muna nzo mosi, fwa befwa.
10 Vekwiza yitu* kimosi kababonga yo kubayoka mosi-mosi. Ovaikisa visi yau muna nzo; i bosi oyuvula kwa ndiona okala muna fulu yabatakana ya nzo vo: ‘Nga muntu diaka una yandi mwamu?’ Ovutula vo, ‘Ve!’ I bosi, okumvovesa vo, ‘Sia pi-i! Kadi eyayi ke ntangwa yavovela nkumbu a Yave ko.’”
11 Kadi Yave ovana nkanikinu,+E nzo ampwena ikosomonua,E nzo yakete ibâkuka.+
12 Nga mvalu milundumukina vana nsenzele,Yovo muntu kavatila vo ye ngombe?
Kadi oyeno nukitwidi unsongi se nti wampondi,E bundu kia ziku se ndudi.+
13 Nuyangalelanga edi diakondwa o mfunu,Yo vova vo: “Nga ke mu ngolo za yeto kibeni ko tukitukidi akwa nkuma?”*+
14 I dianu vo, e nzo a Isaele, ikunutwasila e zula kikunutelamena,’+ u kavovele o Yave wa Nzambi a vu,‘Bekunubangika tuka kuna Lebo-Kamati*+ yakuna Ndimb’a Araba.’”
Mvovo vana yand'a lukaya
^ Nanga kintinu kia Yuda ye kia Isaele.
^ Mvovo wa sina: “kunda.”
^ Mvovo wa sina: “ke bayelele ko mu kuma kia.”
^ Mvovo wa sina: “mpangi a se diandi.”
^ Mvovo wa sina: “tubakidi e mpoka.”
^ Yovo “fula dia Kamati.”
