Amose 9:1-15
9 Mbwene Yave+ otelamene vana ntandu a ziku, ovovele vo: “Wanda vana ntandu a malunzi, e masina ma malunzi mezakama. Tolola mo kuna ntandu, ndiona osala muna nkangu ikumvondela muna nsosolo. Kavena mosi ko otina, ndiona ovava tina ke lenda ko.+
2 Avo batimini Ziami* bayisweka,O koko kwame kukubatombola;Avo batombokele kuna zulu,Ikubakulumuna ko.
3 Kana baswekamene vana ntandu a mongo a Kamele,Ikubavava kwakuna yo kubabaka.+
Avo baswekamene meso mame muna nsi a kalunga,Ikanikina nioka yabatatika kwakuna.
4 Avo mbeni zau zibanete kuna kinkole,Ikanikina nsosolo wabavondela kwakuna;+O meso mame mekubatala mu mpila yambi, ke mu mpila yambote ko.+
5 Kadi Mfumu Yave a vu, yandi oviakane e nsi,I dianu izelokele,+ nkangu wawonso wa nsi udila;+E nsi yawonso izala nze Nile,Yo kuluka nze Nile a Engipito.+
6 ‘Ona otunganga sikad’andi kuna zuluYo sikidisa tungwa yandi ova ntoto;Ona obokelanga maza ma kalunga,Yo yitila mo vana ntoto+—Yave i nkumbu andi.’+
7 ‘Nga yeno ke luna nze wan’a Kuse ko kwa mono, e nzo a Isaele?’ u kavovele o Yave.
‘Nga kiavaikisa Isaele muna nsi a Engipito ko,+
Ye Afelesetia muna Kerete+ ye Suria muna Kire?’+
8 ‘Nutala, meso ma Mfumu Yave mena muna kintinu kia nsumuki,Ofukisa kio vana ndose a ntoto.+
Kansi, kifukisa mvimba nzo a Yakobo ko,’+ u kavovele o Yave.
9 ‘Kadi nkanikini,Imwanganesa nzo a Isaele muna zula,+Nze una usakilwanga yungulu,Kana ngenza imosi ke isotoka vana ntoto ko.
10 Asumuki awonso a nkangu ame mu nsosolo befwila,Ana bevovanga vo: “E mpasi ke zikutufinama ko ngatu kutulwakila.”’
11 ‘Muna lumbu kiakina, itelamesa saba* kia Davidi+ kina kiabwa,
Londa ilonda e mpwasi andi,Yo tungulula mazumbu mandi;Itungulula kio nze muna lumbu ya nz’ankulu,+
12 Kimana babaka ina isala muna Edome,+Muna zula yawonso ina yayikilwa e nkumbu ame,’ u kavovele o Yave, ona ovanganga diambu diadi.
13 ‘Muna lumbu ikwiza,’ u kavovele o Yave,‘Vava mvati a nsengo kebaka nsâdi,Ye ndiona odiatanga uva kebaka o nkuni;+E vinyu ampa isonsa muna miongo+Yo kukula muna kundubulu yawonso.+
14 Ivutulwisa abakami a nkangu ame Isaele,+Betungulula mbanza zina zakituka se mfuta yo zingila mûna;+Bekuna mpatu za vinyu yo nua vinyu au,+Bekuna mpatu yo dia mbongo au.’+
15 ‘Ikubakuna muna nsi au,Ke bevuzwa diaka koMuna nsi ina yabavana,’+ u kavovele o Yave wa Nzambi aku.”
Mvovo vana yand'a lukaya
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “sudi.”
