Kuna Kwa Ayibere 13:1-25
13 Yambula e nzolani eno a ungudi yakwamanana wokela.+
2 Ke nuvilakani e fu kia zola nzenza ko,+ kadi akaka i wau batambulwila ambasi lembi wo zaya.+
3 Nusungamena awana bena muna pelezo,*+ nze yeno nuakangwa yau kumosi,+ ye awana bemweswanga e mpasi, wau vo yeno kibeni mpe nuakinu muna nitu.*
4 O longo yambula lwazitiswa kw’awonso, e mfulu a longo yambula yakondwa usafu,+ kadi Nzambi ofundisa minta-zumba,* diakala ana basompa ye ampumpa.+
5 Yambula e zingu kieno kiakondwa zola muna nzimbu,+ nuyangalelanga ina nuna yau.+ Kadi edi kavova vo: “Kikuyambula nkutu ko, ngatu kubembola.”+
6 Kimana twakala yo unkabu yo vova vo: “Yave* i nsadisi ame; kimona wonga ko. O muntu adieyi kalenda kumpanga?”+
7 Nusungamena awana bevitanga o ntu vovo nuina,+ ana bekunusamunuinanga e diambu dia Nzambi, wau numonanga e nluta mia kadilu kiau, nutanginina lukwikilu lwau.+
8 O Yesu Kristu ke sobanga ko, o zono, o unu, yamu mvu ya mvu.
9 Ke nubendomonua kwa malongi ma mpila mu mpila ko ye ma nzenza, kadi diambote o ntima wakumamena muna nsambu za Nzambi ke mu madia ko,* mana ke matwasa nluta ko kw’awana bakivana muna mambu mama.+
10 Tuna ye ziku dina vo awana besalanga e salu kiavauka muna saba ke bena yo nswa ko wa dia ina ikelelwanga vo.+
11 Kadi e bulu ina yakatulwanga o menga mana ngang’ambuta kanatanga muna fulu kiavauka nze lukau lwa sumu, kuna mbazi a ndo yayokelwanga.+
12 Ozevo, o Yesu mpe i kuma kamwena e mpasi kuna mbazi a vitu dia mbanza,+ kimana kavaulwila nkangu muna menga mandi.+
13 Ozevo, yambula twenda kuna mbazi a ndo, twanata luvezo lwandi,+
14 kadi ovava ke tuna ye mbanza ko isikila yakwele mvu, kansi mbanza ina ikwiza tuvavanga.+
15 Yambula twakwamanana tambika lukau lwa lusanisinu kwa Nzambi muna nzil’a Yesu,+ i sia vo, mbongo a nua mieto+ mina mivovelanga e nkumbu andi kw’akaka.+
16 Vana ntandu, ke nuvilakani vanga o wete ko yo kayila ankaka ina luna yau,+ kadi o Nzambi tukau twa mpila yayi keyangalelanga.+
17 Nulemvokelanga awana bevitanga o ntu vovo nuina+ yo kubasakalela,+ kadi beyingilanga e mioyo mieno ye mbalu betela dio;+ kimana bavanganga wo kuna kiese, ke ku bumu ko, kadi ediadi ke ditwasa nluta ko kwa yeno.
18 Nusambanga muna wete dieto, kadi tutomene wo zaya vo tuna ye ntona zambote, tuzolele kala akwa ziku muna mambu mawonso.+
19 Kansi inudodokele kikilu nuasambanga kimana yavutulwa kwa yeno mu nzaki.
20 O Nzambi a luvuvamu, ona wafutumuna muna mafwa o Mfumu eto Yesu wa mvungudi anene+ a mameme, muna menga ma kangu dia mvu ya mvu,
21 yambula kanufwanisa muna mambu mawonso mambote kimana nuavanga luzolo lwandi. Muna Yesu Kristu okutusadisanga twavanga oma ma luyangalalu vana meso mandi. Kuna kwa yandi nkembo yamu mvu ya mvu. Amen.
22 Inukasakese ampangi, nusia e sungididi muna diambu diadi dialukasakeso kuna luzindalalu, kadi mambu makete inusonekene.
23 Nzolele nuazaya wo vo Timoteo wa mpangi eto wavaikisu muna pelezo. Avo ovita kwiza, se ngiza yandi vava ikwiza kunutala.
24 Nuvana mavimpi kw’awonso bevitang’o ntu vovo nuina ye avauki awonso. Awana bena kuna Italia+ banutumini mavimpi.
25 E nsambu zakala yo yeno awonso.
Mvovo vana yand'a lukaya
^ Mvovo wa sina: “awana bakangwa; awana bena mu tuvambu.”
^ Nanga, “nze yeno numonanga e mpasi kumosi yo yau.”
^ Tala Nsas’a Mvovo, “Mavangu ma Zumba.”
^ I sia vo, nkanikinu mu kuma kia madia.
