Kuna kwa Esi Efeso 1:1-23
1 Paulu, wa ntumw’a Kristu Yesu muna luzolo lwa Nzambi, kuna kw’avauki muna Efeso,+ akwa kwikizi muna Kristu Yesu:
2 Yambula nuakala ye nsambu yo luvuvamu lutuka kwa Nzambi wa Se dieto ye Mfumu Yesu Kristu.
3 Yambula kakembelwa Nzambi wa Se dia Mfumu eto Yesu Kristu, kadi okutusambulanga muna nsambu zawonso za kimwanda muna mazulu, muna Kristu,+
4 e kuma kadi vitila nza yasemwa, watusola kimana twakala yandi* entwadi, twakala twavelela yo kondwa tona+ vana ndose andi muna zola.
5 Kadi wateka sikidisa+ vo twakitulwa se wan’andi+ muna Yesu Kristu, mun’owu wa luzolo ye kani diandi,+
6 kimana wantu bakembelela Nzambi wau kasadila Mwan’andi anzolwa+ katusonga wete wandi wayingi.+
7 Muna yandi i twavuluzilwa muna lukûlu, elo, muna menga mandi,+ twalolokwa masumu+ mun’owu wa umvuama wa nsambu zandi.
8 Muna nsambu zazi i katuwokesela ngangu zawonso yo umbakuzi,*
9 wau katuzayisa e mbumb’avauka+ ya luzolo lwandi. Mun’owu wa luzolo lwandi, wakisikidisila e kani,
10 muna kubika mambu muna ntangwa yasikidiswa, kimana kayikakesa diaka lekwa yawonso muna Kristu, e lekwa ina kuna zulu ye lekwa ina ova ntoto.+ Elo, e lekwa yawonso yayikakeswa muna yandi,
11 ndiona tuna entwadi, o Nzambi watusola twatambula e vua.+ Wateka kutusola mun’owu wa lukanu lwa ndiona ovanganga mawonso kakanini mun’owu wa luzolo lwandi,
12 kimana Nzambi kakembelelwa yo sanisinua muna yeto twavita bunda e vuvu muna Kristu.
13 Kansi, oyeno mpe nuabunda e vuvu muna yandi vava nuawa e diambu dia ludi, e nsangu zambote za luvuluzu lweno. Vava nuakwikila, nuasiwa e dimbu+ kia mwand’avelela una nuasilwa o nsilu muna yandi,
14 owu wateka vewa se lusikidisu* lwa vua dieto,+ ye kani dia vevola e vua dia Nzambi+ muna lusadisu lwa lukûlu,+ muna lusanisinu lwa nkembo andi.
15 Dianu vo, mono mpe tuka yawila lukwikilu lweno muna Mfumu Yesu yo zola nusonganga kwa avauki awonso,
16 kiyambulanga nkutu vutula matondo ko mu kuma kieno. Ikwamanananga kunuyika muna sambu yame,
17 kimana o Nzambi a Mfumu eto Yesu Kristu, wa Se dia nkembo, kanuvana mwand’a ngangu yo lusengomono, mun’owu wa zayi wasikila mu kuma kiandi.+
18 Watemona meso ma ntima mieno kimana nuazaya e vuvu kina kanubokelela, kina vo i nkembo a umvuama una kelundanga se vua di’avauki,+
19 Ekwe nene wa nkum’andi owu usundidi una muna yeto tukwikilanga!+ Mun’owu wa nene wa nkum’andi,
20 wafutumuna Kristu muna mafwa yo kumvuandisa kuna koko kwandi kwalunene+ kuna zulu,
21 vana ntandu a luyalu lwawonso, wisa, nkuma ye kimfumu ye nkumbu zawonso ziyikwanga,+ ke mu tandu* kiaki kaka ko, kansi ye kina kikwiza mpe.
22 Nzambi wasakidika mpe lekwa yawonso kuna nsi a tambi yandi+ yo kunkitula se ntu a lekwa yawonso muna nkutakani,+
23 ina vo i nitu andi,+ eyi yazadiswa kwa ndiona ozadisanga yawonso muna awonso.
Mvovo vana yand'a lukaya
^ I sia vo, yo Kristu.
^ Yovo “lulungalalu.”
^ Yovo “mfutu.”
^ Tala Nsas’a Mvovo.
