Kuna kwa Esi Efeso 3:1-21
3 Muna kuma kiaki, omono Paulu wa mbakami+ a Kristu Yesu muna wete dieno, oyeno esi zula—
2 nuawa mambu ma uselo+ wa nsambu za Nzambi una yavewa muna wete dieno,
3 ye mpila yazayisilwa e mbumb’avauka muna lusengomono, wauna yateka kunusonekena mambu makete.
4 Dianu vo, vava nutanga mo, nulenda zaya umbakuzi wame wa mbumb’avauka+ a Kristu.
5 Muna mbandu zankaka, e mbumba yayi ke yazayiswa kwa wan’a wantu ko wauna isengomweno kwa ntumwa zandi zavelela ye angunza muna mwanda,+
6 i sia vo, esi zula tutambula yau e vua, muna Kristu Yesu ye muna nsangu zambote, tukala se yîkwa muna nitu mosi+ ye tutambula yau nsilu.
7 Yakitulwa se selo kia mbumb’avauka mun’owu wa lukau lwa nsambu za Nzambi zina yavewa muna nkum’andi.+
8 Mono, ngina vo i wansuka muna avauki awonso,+ yavewa e nsambu zazi+ kimana yasamuna kwa zula e nsangu zambote za umvuama wa Kristu ulembi tangakana,
9 yasadisa wantu awonso bamona una usengomwenanga e mbumb’avauka+ ina yaswekama tuka kuna nz’ankulu muna Nzambi, ona wavanga e lekwa yawonso.
10 Ediadi diavangama kimana muna lusadisu lwa nkutakani,+ e ngangu za mpila mu mpila za Nzambi zazayakana kwa tuyalu y’akwa wisa muna mazulu.+
11 Mun’owu wa kani dia mvu ya mvu dina kakana muna Kristu Yesu+ wa Mfumu eto,
12 muna ndiona twinina ye unkabu wa vova yo finama Nzambi+ kondwa kwa wonga, mun’owu wa lukwikilu lweto muna Kristu.
13 Dianu vo, inudodokele nualembi vutuka manima mu kuma kia mpasi zame muna wete dieno, e kuma kadi i nkembo kwa yeno.+
14 Kiaki i kuma mfukamene vana ndose a Se,
15 ona una vo i tuku dia nkumbu za makanda mawonso tuka kuna zulu ye va ntoto.
16 Isambanga kimana kanuzadisa yo nkembo andi, e kiwuntu kieno kia kati+ kiakumama muna nkum’a mwand’andi,
17 kimana muna lukwikilu lweno, Kristu kakala muna ntima mieno muna zola.+ Nuasimama e mianzi+ yo sikila muna nkubilwa+
18 kumosi ye avauki awonso, nuatoma zaya owu wina o yalumuka, lambuka, lá yo sina,
19 nuazaya o zola kwa Kristu+ kuna kuviokele o zayi, kimana nuazadiswa ye fu yawonso ya Nzambi.
20 Mun’owu wa nkum’andi una usalanga mu yeto,+ Nzambi olenda vanga mayingi lutila nkutu mawonso tulombanga yovo yindula,+
21 dianu vo, yambula kakembelwa muna nkutakani, muna Kristu Yesu, muna mbandu zawonso yamu mvu ya mvu. Amen.
