Kabakuke 3:1-19
3 Sambu kia Kabakuke wa ngunza, muna mbembo:*
2 E Yave, ngwidi nsamu aku.
Nsivikidi mavangu maku, e Yave.
Vanga mo diaka mu kati kwa mvu*Zayisa mo mu kati kwa mvu.*
Kuvilakana kutufwila nkenda ko muna mpasi.+
3 Nzambi wizidi tuka kuna Temane,O Mvauki otukidi kuna Mongo a Parani.+ (Sela)*
O nkembo andi ufukidi e zulu;+O ntoto uzele ye nkembo andi.
4 O nkembo andi ukedi nze ntemo.+
Nsemo zole zikezimini tuka vana koko kwandi,Vana vaswekamene o nkum’andi.
5 Kuna ndose andi kuvitidi e vuku,+E ngianduka yangolo inlende kuna nima.
6 Otelamene yo zakamesa o ntoto.+
Ozakamese zula muna ntala mosi.+
E miongo mia mvu ya mvu mikosomokene,E kundubulu yankulu ivumbamene.+
E nzila za nz’ankulu i zandi.
7 Mbwene mpasi za Saba ya Kusani.
E nlele mia saba ya Midiani mizakamene.+
8 E Yave, nga nkoko ofungidi makasi?
Nga nkoko ofwemene?
Yovo kalunga ofungidi makasi e?+
Kadi wendele vana mvalu miaku;+Makalu maku ma vita, masundidi.*+
9 Ovaikisi o mfumb’aku kimana wanonga.
O lubamba* lukubikilu mu kuma kia ndofi. (Sela)
Ovambwidi o ntoto muna nkoko.
10 E miongo mibakamene ndunzi wau mimwene.+
E mvula ya miandazi ye tembwa kiangolo iviokele.
E maza masina matatwidi e ndinga.+
Mazangwidi moko kuna zulu.
11 E ntangwa ye ngonde baningamene vana fulu kiau kiazanguka.+
E nzanza zaku zikwendanga nga nsemo.+
E dionga diaku diankezimi nga miandazi.
12 Odiatidi ova ntoto kuna makasi.
Odiatakese e zula muna nganzi.
13 Ovaikidi muna vuluza nkangu aku, wavuluza kuswa kiaku.
Okosomwene mfumu* a nzo a kimpumbulu.
Yasenzekwa tuka muna nkubilwa yakuna nludi.* (Sela)
14 Otobwele e ntu mia makesa mandi muna nuaninua yandi*Vava bezidi nze kimbongela muna kumbwanganesa.
Bayangalele vempola o mbangami kuna kinsweki.
15 Odiatidi muna kalunga ye mvalu miaku,Muna maza manene.
16 Ngwidi yo zakama;*E befo yame izakamene mu kuma kia zú dia ndinga.
E visi yame ibotomokene;+Malu mame mazakamene.
Kansi, ivingila e lumbu kiampasi kuna luvuvamu,+Kadi kilwakila nkangu ukutunuanisanga.
17 Kana nkutu o nsanda ke usavukidi ko,Muna nsing’a vinyu ke muna bundu ko;Kana nkutu mbongo a olive ifungidi,E mpatu ke ziyimini madia ko;Kana nkutu mameme mafokokele muna mpaka,E ngombe nkatu muna madikilu;
18 Kansi, omono iyangalala muna Yave;Imwena Nzambi a luvuluzu lwame e kiese.+
19 O Mfumu Yave i ngolo zame;+Okitula malu mame nze ma nkayiOkundiatisila muna fulu yazanguka.+
Mvovo vana yand'a lukaya
^ Yovo “nkung’a mafwa.”
^ Nanga, “omu lumbu yeto.”
^ Nanga, “omu lumbu yeto.”
^ Tala Nsas’a Mvovo.
^ Yovo “i luvuluzu.”
^ Nanga, “E nzanza.”
^ Mvovo wa sina: “ntu.”
^ Mvovo wa sina: “nsingu.”
^ Mvovo wa sina: “mbamba zandi.”
^ Mvovo wa sina: “e vumu kiame kizakamene.”
