Kangai 1:1-15
1 Muna mvu una wanzole wa luyalu lwa Dareyuse wa ntinu, muna ngonde ya sambanu, muna lumbu kiantete kia ngonde, Zerubabele+ wa mwan’a Saletiele wa nguvulu a Yuda yo Yosua wa ngang’ambuta, wa mwan’a Yosadake, batambwidi e diambu dia Yave muna Kangai*+ wa ngunza, oku vo:
2 “I wau wuwu kavovele o Yave a vu: ‘O nkangu wau uvovele vo: “E ntangwa yatunga* e nzo* a Yave ke yafwene ko.”’”+
3 E diambu dia Yave dizidi diaka muna Kangai+ wa ngunza, oku vo:
4 “Nga yayi i ntangwa ya zingila mu nzo zeno zambote-mbote ekolo e nzo yayi ikuyifwilanga?+
5 I wau wuwu kavovele o Yave a vu: ‘Nufimpa e nzila zeno.
6 Mbongo yayingi nukunanga, kansi yakete nukutikanga.+ Nudianga, yeno ke nuyukuti. Nunuanga, yeno ke numanisi e vuina. Nuvuatanga, yeno ke nuyanduki nitu. Ndiona osalanga olundilanga mfutu andi muna nkutu a mavundu.’”
7 “I wau wuwu kavovele o Yave a vu: ‘Nusia e sungididi* muna nzila zeno.’
8 “‘Nutomboka kuna mongo, nutwasa mabaya.+ Nutunga e nzo,+ omono yayangalela yo, kimana yakembelelwa,’+ u kavovele o Yave.”
9 “‘Nusidi e vuvu vo ulolo nutambula, kansi fiakete kaka nutambwidi; una nutwese yo oku nzo, imwangane wau mvemuene yo.+ Ekuma?’ u kavovele o Yave a vu. ‘E kuma kadi e nzo ame ikifwididi, ekolo konso muntu muna yeno kesianga e sungididi kia lunga-lunga e nzo ya yandi kibeni.+
10 Owau e zulu dikangamene, o ntoto uyambwidi yima mbongo.
11 Ntwikidi e kala vana ntoto, muna miongo, muna masa, muna vinyu yampa, muna mazi, muna mbongo imenanga mu ntoto, muna wantu, muna twelezi ye muna salu yawonso ya moko meno.’”
12 Zerubabele+ wa mwan’a Saletiele+ yo Yosua wa ngang’ambuta, wa mwan’a Yosadake+ ye nkangu wawonso, bawididi nding’a Yave wa Nzambi au ye mvovo mia Kangai wa ngunza, kadi Yave wa Nzambi au untumini; nkangu uyantikidi vumina Yave.
13 Ozevo, Kangai wa ntumw’a Yave olungisi kiyekwa kavewa kwa Yave, ozayisi nsangu zazi kwa nkangu vo: “‘Ngina yeno,’+ u kavovele o Yave.”
14 O Yave osikamese mwand’a+ Zerubabele wa mwan’a Saletiele wa nguvulu a Yuda+ yo Yosua+ wa mwan’a Yosadake wa ngang’ambuta yo ntim’a nkangu wawonso; bezidi, bayantikidi tunga nzo a Yave a vu wa Nzambi au,+
15 muna lumbu kia 24 kia ngonde ya sambanu muna mvu wanzole wa Dareyuse wa Ntinu.+
Mvovo vana yand'a lukaya
^ Ina ye nsasa vo: “Mu Nkinzi Kawutukila.”
^ Yovo “yatungulula.”
^ Yovo “tempelo.”
^ Mvovo wa sina: “Nusia e ntima.”
