Lusengomono kwa Yoane 15:1-8
15 Mbwene sinsu kiankaka kuna zulu, kianene ye kiasivi, mbasi nsambwadi+ zina ye vuku nsambwadi. Eyayi i vuku yansuka, kadi muna vuku yayi i mufokokele o makasi ma Nzambi.+
2 Mbwene lekwa kina nze mbu a pelo+ wasangwa ye tiya, awana basundidi+ bulu kiansisi ye teke kiandi+ ye lutangu lwa nkumbu andi,+ batelamene vana mbu a pelo, bena ye kokolo ya Nzambi.
3 Beyimbilanga nkung’a Mose+ wa ntaudi a Nzambi ye nkung’a Mwan’a meme,+ oku vo:
“O mavangu maku manene ye masivi,+ e Yave* wa Nzambi a Mpungu-ngolo.+ E nzila zaku zansongi ye ludi,+ e Ntinu a mvu ya mvu.+
4 Nani olembi kuvumina yo kembela e nkumbu aku, e Yave,* wau vo ngeye kaka i nkwa kwikizi?+ Kadi e zula yawonso ikwiza sambila vana ntadisi aku,+ e kuma kadi e nzengo zaku zansongi zisengomweno.”
5 I bosi mbwene nzo avauka ya saba kia umbangi+ kuna zulu iziwukidi,+
6 e mbasi nsambwadi zina ye vuku nsambwadi+ zivaikidi muna nzo avauka, zivuete nlele a lino wavelela ukezimanga, bazingidi mponda za wolo vana tulu yau.
7 Mosi muna vangwa yau yá yamoyo ovene kwa mbasi nsambwadi pidi ya wolo yazala yo makasi ma Nzambi,+ ona ozinganga yamu mvu ya mvu.
8 E nzo avauka izele yo mwisi mu kuma kia nkembo a Nzambi+ yo nkum’andi, ke vakedi mosi ko olendele kota muna nzo avauka yavana yafokoka e vuku nsambwadi+ ya mbasi nsambwadi.
