Lusengomono kwa Yoane 20:1-15
20 Mbwene mbasi okulumukini tuka kuna zulu, wina ye nsabi za mbilu+ ye luvambu lwampwena vana koko kwandi.
2 Obakidi e ngobodi,+ nioka ankulu-nkulu,+ una vo i Nkadi ampemba+ ye Satana,+ unkangididi muna 1.000 dia mvu.
3 Untubidi muna mbilu,+ umbindikidi mûna yo sia e dimbu vana ntandu, kimana kalembi vukumuna diaka e zula yavana kilunga e 1.000 dia mvu. I bosi, ovaikiswa mu fikolo.+
4 Mbwene e kunda ya yimfumu, awana bafongele yo baveno e wisa kia fundisa. Mbwene mpe mioyo* mia awana bavondwa* mu kuma kia kimbangi wa Yesu ye mu kuma kia vova oma ma Nzambi ye awana balembi sambila e bulu kiansisi ye teke kiandi yo lembi siwa e dimbu vana mbunzu ye moko mau.+ Bena o moyo yo yala kumosi yo Kristu muna 1.000 dia mvu.+
5 (O mafwa mankaka+ ke mavutuka zinga ko yavana kialunga e 1.000 dia mvu.) O lwalu i lufuluku lwantete.+
6 Awana bekala muna lufuluku lwantete, akwa kiese ye avauki;+ muna yau o lufwa lwazole+ ke luna yo nkuma ko,+ bekala se nganga+ za Nzambi yo Kristu, beyala yandi muna 1.000 dia mvu.+
7 Vava kilunga e 1.000 dia mvu, Satana ovaikiswa muna pelezo,
8 ovaika kimana kavukumuna e zula muna konko yau yá ya nza, i sia vo, Ngonge yo Mangonge, kimana bakutakeswa muna vita. O lutangu lwau lukala nze senge dia kalunga.
9 Bekwenda muna nza yawonso yo zieta vana fulu kia aveledi ye mbanza azolwa. Kansi o tiya tukulumuka kuna zulu tukubavempola.+
10 O Nkadi ampemba ona wabavukumunanga otubilu vana yanga dia tiya ye lengo, kuna kwateka tubwa bulu kiansisi+ ye ngunz’a luvunu;+ bebangikwa* fuku yo mwini yamu mvu ya mvu.
11 Mbwene kunda kianene kiampembe ye Ndiona ofongele vo.+ O ntoto ye zulu ditinini vana ndose andi,+ ke vasolokele fulu ko mu kuma kiau.
12 Mbwene mafwa, anene ye andwelo, batelamene vana ndose a kunda, nkanda mizingumwinu. Kansi mbwene nkanda wankaka uzingumwinu; i nkand’a moyo.+ O mafwa mafundisilu muna mambu masonama muna nkanda mun’owu wa mavangu mau.+
13 O kalunga ovaikisi mafwa mena mo, o lufwa ye Ziami* ivaikisi mafwa mena mo, konso muntu ofundisilu mun’owu wa mavangu mandi.+
14 O lufwa ye Ziami* itubilu kuna yanga dia tiya.+ E yanga dia tiya+ lufwa lwazole disunzulanga.+
15 Vana ntandu, konso ona walembi sonama e nkumbu muna nkand’a moyo,+ otubilu vana yanga dia tiya.+
Mvovo vana yand'a lukaya
^ Tala Nsas’a Mvovo ye Lus. 6:9, mvovo vana yand’a lukaya.
^ Mvovo wa sina: “bavondelwa muna soka.”
^ Yovo “besiwa mu pelezo.”
^ Yovo “Hades,” i sia vo, ziami kia wantu awonso. Tala Nsas’a Mvovo.
^ Yovo “Hades,” i sia vo, ziami kia wantu awonso. Tala Nsas’a Mvovo.
