Luvaiku 15:1-27
15 Muna ntangwa yayina, Mose yo Aneyisaele bayimbididi Yave o nkunga owu:+
“Yambula yayimbidila Yave, kadi otomene tundidikwa.+
Otubidi e mvalu ye akwa mvalu muna mbu.+
2 O YA* i ngolo yo nkum’ame, wau kakitukidi mvuluzi ame.+
Ndioyo i Nzambi ame, ikunkembela;+ Nzambi a se diame,+ ikuntundidika.+
3 Yave kesa diankuma dia vita.+ Yave i nkumbu andi.+
4 Otubidi makalu ma vita ma Faro ye vu kiandi muna mbu,+Makesa mandi mankuma madimukini muna Mbu Ambwaki.+
5 Mavuku ma mbu mabafukidi; badimukini yamuna nsi nga tadi.+
6 O koko kwaku kwalunene, e Yave, kwazala yo nkuma;+O koko kwaku kwalunene, e Yave, kulenda kosomona mbeni.
7 Muna nene wa tunda diaku olenda bwisa awana bekutelamenanga;+Otwikidi o tiya twa makasi maku, tubazinisi nga minga.
8 Muna fulumwinu kia nzunu aku, o maza makundakene;Maza matelamene nga yaka.
Vana kati kwa mbu, mavuku maningamene.
9 O mbeni ovovele vo: ‘Ikubalakama! Ikubabaka!
Ikayanesa e sanzu yavana iyangalala!*
Ivola nsosolo ame! O koko kwame kukubafwasa!’+
10 Ovemwene muna fulumwinu kiaku, o mbu ubafukidi;+Badimukini nga mbodi muna maza mayingi.
11 Nani muna zinzambi ofwanane yaku, e Yave?+
Nani osundidi o vauka nze ngeye?+
Ngeye, Ona ovuminuanga muna nkunga mia nkembo, ngeye, Ona ovanganga masivi.+
12 Olambwidi o koko kwaku kwalunene, o ntoto ubaminini.+
13 Muna walakazi* waku, ofilanga nkangu una wakûla;+Muna nkum’aku, okubafila yakuna fulu kiaku kiavauka ozingilanga.
14 O wantu bewá;+ bezakama;E zakazaka diyala* ana bezingilanga muna Felesetia.
15 Muna ntangwa yayina, e mfumu za makanda ma Edome zizakama,O wonga uyala e mfumu zankuma za luyalu za* Moabe.+
Esi Kenani awonso bekendalala.+
16 O wonga ye zakamu dikubabwila.+
Mu kuma kia nene wa koko kwaku, ke belenda nikuka ko nga tadiYavana o nkangu aku uvioka, e Yave,Yavana o nkangu una wakûla+ uvioka.+
17 Ongeye okubanata yo kubakuna vana mongo a vua diaku,+E fulu kina wayikubikila mu zingila, e Yave,E fulu kiavauka, e Yave, kina wasikidisa muna moko maku.
18 Yave oyala se ntinu yakwele mvu.+
19 Vava e mvalu, makalu ma vita ye akwa mvalu mia Faro bakotele muna mbu,+Yave ovutwidi maza ma mbu muna yau,+Kansi, o nkangu a Isaele ukangalele vana ntoto ayuma vana kati kwa mbu.”+
20 I bosi, Mireyame wa ngunz’ankento, wa nsang’a Arone, obongele fingoma-ngoma vana koko, akento awonso banlende ye yingoma-ngoma yo makinu.
21 Mireyame ovutudinge kwa wan’amakala muna nkunga vo:
“Yimbidila Yave, kadi otomene tundidikwa.+
Otubidi e mvalu ye akwa mvalu muna mbu.”+
22 I bosi, Mose onete Isaele tuka kuna Mbu Ambwaki, bele muna makanga ma Sure, badiete lumbu tatu muna makanga, kansi ke basolwele maza ko.
23 Balweke kuna Mara,*+ kansi ke balendele nua maza ma Mara ko, kadi mandudi makala. Ikuma kayikila e fulu kiokio vo Mara.
24 O nkangu uyantikidi yidimina Mose,+ oku vo: “Nki tunua?”
25 Mose obokele kwa Yave,+ o Yave unsongele nti. Vava Mose katubidi wo muna maza, o maza makitukidi se mambote mu nua.*
I kûna o Nzambi kabasikidisidi e nsiku ye mbandu isadisa muna mfundisa, i kûna kabatontele.+
26 Nzambi ovovele vo: “Avo owila e nding’a mono Yave wa Nzambi aku ye sungididi kiawonso, wavanga owu wa nsongi vana meso mame, wasia e sungididi muna nkanikinu yo lunda e nsiku miame miawonso,+ kikutwasila kana kimbevo kimosi ko muna ina yatwasila esi Engipito,+ kadi mono i Yave, ona okuwukanga.”+
27 I bosi, balweke kuna Elime, kuna kwakala nto 12 za maza yo 70 lwa maba. Muna kuma kiaki, basikidisi e ndo vana ndambu a maza.
Mvovo vana yand'a lukaya
^ “YA” i mpila yankufi ya yikila e nkumbu Yave.
^ Yovo “yavana o moyo ame uyangalala.”
^ Mvovo wa Kiyibere una ye nsasa vo: “zola ye walakazi ulembi suka.” Tala Nsas’a Mvovo. “Zola kulembi suka.”
^ Mvovo wa sina: “E nsongo miyala.”
^ Yovo “nyadi mia ntim’a mbadi mia.”
^ Ina ye nsasa vo: “Ndudi.”
^ Mvovo wa sina: “se manzenzo.”
