Zasoneka Maku 8:1-38
8 Muna lumbu yayina, vakedi diaka ndong’ayingi, ke bakedi yo madia ko. Muna kuma kiaki, obokele alongoki andi, ubavovese vo:
2 “Nkenda ngina zau mu kuma kia ndonga,+ kadi lumbu tatu se bena yame, ke bena ye lekwa kia dia ko.+
3 Avo ibasindikidi ye nzala muna nzo zau, mfune bebwa muna nzila, akaka muna yau kwandá batukidi.”
4 Kansi, alongoki andi bamvutwidi vo: “Ovava va makanga, akweyi tubakila e mbolo zafwana ziyukutisa ndonga yayi?”
5 Muna kuma kiaki, ubayuvuidi vo: “Mbolo kwa nuna zau?” Bamvutwidi vo: “Nsambwadi.”+
6 Ovovese e ndonga bafonga vana ntoto. I bosi, obongele mbolo zau nsambwadi, ovutwidi matondo, obukunuini zo, ovene zo kw’alongoki, bakayanese zo kwa ndonga.+
7 Bakedi mpe ye nzonzi zakete, osambwidi zo, ubavovese mpe vo bakayanesa zo.
8 Badidi yo yukuta, bakutikidi e nkesona zina zasuva, yitunga nsambwadi yanene yazala.+
9 Tezo kia 4.000 ma wanam’akala bakala vo. I bosi, ubasindikidi.
10 Vana vau okotele muna nzaza ye alongoki andi, bele kuna zunga kia Damanuta.+
11 Kwakuna, Afarisi bayantikidi kumfidisa e mpaka, muna kuntonta banlombele kabasonga e sinsu kituka kuna zulu.+
12 Ovumukini kikilu yo vova vo: “Ekuma mbandu yayi ivavilanga e sinsu?+ Kieleka inuvovese vo, kana sinsu kimosi ke kisongwa kwa mbandu yayi ko.”+
13 Muna kuma kiaki, ubasisidi, okotele diaka muna nzaza, osaukidi kuna simu diankaka.
14 Kansi, bavilakene nata e mbolo, ke bakedi ye madia ko muna nzaza, nanga mbolo mosi kaka.+
15 Otomene kubalukisa, oku vo: “Nulungalala; nuyikenga ye mfuna ya Afarisi ye mfuna ya Erodi.”+
16 Bayantikidi tantana wau ke bena ye mbolo ko.
17 Vava kabakwidi wo, ubavovese vo: “Ekuma nutantanenanga wau ke nuna ye mbolo ko? Yamu wau ke nuzeye wo kaka ko yo lembi bakula e? Nga e ntima mieno miakangama kaka yo lembi bakula e?
18 ‘Nuna yo meso; yeno ke numoni, nuna mpe yo matu, yeno ke nuwe.’ Nga ke nusungamene ko
19 vava yadikila 5.000 ma akala muna mbolo zitanu,+ yitunga kwa ya nkesona nuakutika?” Bamvutwidi vo: “Kumi ye zole.”+
20 “Vava yadikila 4.000 ma akala muna mbolo nsambwadi, yitunga kwa yanene ya nkesona nuakutika?” Bamvutwidi vo: “Nsambwadi.”+
21 Ubavovese vo: “Yamu wau ke nubakwidi ko e?”
22 Balweke kuna Betesaida. Bantwasidi mpofo mosi, bandodokele vo kamviakana.+
23 Osimbidi e mpofo muna koko, unète kuna mbazi a vata. Vava katawidi o mete muna meso mandi,+ untensekele moko, unyuvuidi vo: “Nki omwene?”
24 Osengwele meso, ovovele vo: “Wantu mbwene, bena nga nti, kansi bediatanga.”
25 Untensekele diaka e moko muna meso, otomene mona. O meso mandi mavutukidi una makala, otomene mona e lekwa yawonso.
26 Unsindikidi kuna nzo, oku vo: “Kukoti mu vata ko.”
27 Yesu ye alongoki andi bele muna mavata ma Kaisaria-Filipi, muna nzila oyantikidi yuvula alongoki andi, oku vo: “O wantu nani bekungikilanga?”+
28 Bamvovese vo: “Yoane wa Mvubi,+ kansi ankaka vo, Eliya,+ ankaka mpe vo, mosi muna angunza.”
29 I bosi, ubayuvuidi vo: “Oyeno, nani nukungikilanga?” Petelo umvutwidi vo: “Ongeye u Kristu.”+
30 Otomene kubakanikina vo ke bazayisi dio kwa muntu ko.+
31 Oyantikidi kubalonga vo, o Mwan’a muntu kafwete mweswa e mpasi zayingi yo bembolwa kw’akuluntu, kwa nganga zambuta ye asoneki+ yo vondwa yo fuluka muna lumbu kiatatu.+
32 Otomene wo kubakiesesela. Kansi Petelo unète vana ndambu, oyantikidi kunsemba.+
33 Dianu vo, ovilukidi, otadidi alongoki andi, osembele Petelo, oku vo: “Viluka oku nim’ame, e Satana! kadi kuna ye ngindu za Nzambi ko, za wantu kaka.”+
34 Obokele e ndonga kumosi ye alongoki andi, ubavovese vo: “Konso ona ozolele kwiza ndandi, yambula kayivanina o nkalu yo nata nti andi ampasi* yo kwamanana kundanda.+
35 Kadi konso ona ozolele vuluza o moyo andi, vidisa kevidisa wo, kansi konso ona ovidisa o moyo andi mu kuma kiame ye mu kuma kia nsangu zambote, vuluza kevuluza wo.+
36 Ozevo, nkia mfunu dikala kwa muntu avo obakidi e nza yawonso yo vidisa o moyo andi?+
37 Nkia lekwa kalenda vana o muntu vana fulu kia moyo andi?+
38 Kadi konso ona okumbwena e nsoni ye mambu mame vana vena mbandu yayi ya minta-zumba,* yasumuka, o Mwan’a muntu mpe okumwena e nsoni+ vava kekwiza ye mbasi zandi zavelela muna nkembo a Se diandi.”+
