Malaki 1:1-14
1 Nsamu:
Ediadi i diambu dia Yave kwa Isaele muna Malaki:*
2 “Inuzolele,”+ u kavovele o Yave.
Kansi, oyeno nuvovele vo: “Aweyi utuzolele?”
“Esau ke yandi ko i mpangi a Yakobo e?”+ u kavovele o Yave. “Kansi, nzolele Yakobo,
3 mbengene Esau;+ yakitula miongo miandi se mfuta,+ yavana e vua diandi kwa mbulu za makanga.”+
4 “Kanele vo Edome ovovele vo: ‘Tufukísu, kansi vutuka tuvutuka twatungulula e mbanza.’ Yave a vu ovovele: ‘Betunga kwau, kansi mono ibangula, beyikilwa vo “zunga kia umpumbulu” ye “nkangu wasibwa kwa Yave yakwele mvu.”+
5 Numona wo muna meso meno, i bosi nuvova vo: “Yambula Yave katundidikwa muna zunga kia Isaele.”’”
6 “‘O mwana ozitisanga se diandi,+ o ntaudi ozitisanga mfumu andi. Ozevo, avo i se,+ akweyi kwina o zitu una nufwete kunsonga?+ Avo i mfumu,* akweyi kwina o vumi* una nufwete kunsonga?’ u kavovele o Yave a vu kwa yeno anganga nuvezanga e nkumbu ame.+
“‘Oyeno nuvovele vo: “Oyeto aweyi tuvezele nkumbu aku?”’
7 “‘Muna tambika madia* mafunzuka vana ziku diame.’
“‘Oyeno nuvovele vo: “Aweyi tusafulwidi?”’
“‘Wau nuvovele vo: “Meza ma Yave+ makondwa mfunu.”
8 Vava nukelanga e bulu kia mpofo se kimenga, nuvovanga vo: “Ke diambi kwandi ko.” Vava nutambikanga bulu ya ntedingi ye mbevo, nuvovanga vo: “Ke diambi kwandi ko.”’”+
“Dodokolo, wenda yo tambika kio kwa nguvulu aku. Nga okuyangalela yovo kusonga e dienga?” u kavovele o Yave a vu.
9 “Do, owau nudodokela Nzambi, katusong’e dienga. Ye tukau twatu vana moko meno, nga otambula mosi muna yeno kuna ngemba?” u kavovele o Yave a vu.
10 “Nani muna yeno una ye luzolo lwa zika e yelo?*+ Kadi ke nukwikanga ziku diame ko lembi lomba mfutu.+ Kinuyangalele ko,” u kavovele o Yave a vu, “kiyangalelanga mpe tukau twa moko meno ko.”+
11 “Kadi tuka kuna mpaikilu a ntangwa yakuna ndimuk’andi,* e nkumbu ame yanene ikala muna zula.+ Muna fulu yawonso mu yokelwa e ndumbu yo kelwa yimenga muna nkumbu ame se lukau lwavauka; kadi e nkumbu ame yanene ikala muna zula,”+ u kavovele o Yave a vu.
12 “Kansi, oyeno nusafwidi yo+ wau nuvovele vo: ‘Meza ma Yave masafukidi, o tukau yo madia mandi ke mena mfunu ko.’+
13 Nuvovele mpe vo: ‘Tuyoyele!’ ke nuvuidi mo mfunu ko,” u kavovele o Yave a vu. “Nutwese bulu ina nuyibidi, ya ntedingi ye ya mbevo. Nutwasanga yo se tukau! Nga mfwete yo tambula vana moko meno e?”+ u kavovele o Yave.
14 “Wasibwa o nkwa umpuki una ye bulu kia koko kiamvimpi muna kambi diandi, kansi osidi nsilu, otambikidi bulu kiavanguka kwa Yave. Kadi i Ntinu anene kwame,”+ u kavovele o Yave a vu, “e nkumbu ame imwesa wonga muna zula.”+
Mvovo vana yand'a lukaya
^ Ina ye nsasa vo: “Nati a Nsangu Zame.”
^ Yovo “mfumu anene.”
^ Yovo “zitu.”
^ Mvovo wa sina: “mbolo.”
^ Nanga i salu kia zika mielo mia tempelo.
^ Yovo “kuna este yo weste.”
