Maniongo ma Yeremiya 1:1-22
א [Alefe]*
1 Ekwe mpila kasadidi yandi mosi kaka, e mbanza yakala ye ulolo wa nkangu!+
Ekwe mpila ikitukidi nze nkento wafwilwa yakala, e mbanza yakala yo ulolo wa wantu muna zula!+
Ndiona wakala se ntinu ankento muna mvivu, obundwinu muna salu yangolo!+
ב [Bete]
2 Obokomokene ye dilu muna fuku,+ o mansanga makukwidi vana mabundi mandi,Kavena muntu ko okumfiaulwisa muna azodi andi awonso.+
Akundi andi awonso banyekwele;+ bakitukidi se mbeni zandi.
ג [Ngimele]
3 O Yuda wele muna kinkole+ muna mpasi ye ubundu.+
Kafwete zingilanga vana vena e zula;+ kasolwele fulu kia vundila ko.
Awonso ana banlakamene bambakidi vava kakedi muna lukendalalu.
ד [Dalete]
4 E nzila za Zione mudila zina, kadi ke kukwiza muntu ko kuna nkinzi.+
Mavitu mandi mawonso masidi e nkatu;+ e nganga zandi mu buma zina.
E mienze miandi* mu dila mina; oyandi mu mpasi kikilu kena.
ה [He]
5 E mbeni zandi bakitukidi se mfumu zandi;* e mbeni zandi ke bena ye ntokani ko.+
Kadi Yave untwasidi e mpasi mu kuma kia ulolo wa masumu mandi.+
E yingiana-ngiana yandi baneto muna kinkole vana ndose atantu andi.+
ו [Wau]
6 O wete wawonso ukatukidi muna mwan’ankento a Zione.+
E mfumu zandi bena nze nkayi ke zisolwele madilu ko,Bekangalanga kondwa ngolo vana ndose a nlakami.
ז [Zayine]
7 Muna lumbu ya mpasi zandi ye kondwa kwa nzo, Yerusaleme osungameneE lekwa yawonso yantalu kakala yau muna lumbu ya nz’ankulu.+
Vava nkangu andi ubwidi vana moko ma mbeni zandi, ke vakedi ona okunsadisa ko,+Mbeni zandi bamwene, basevele* e mbwa ina kabwidi.+
ח [Hete]
8 Yerusaleme osumukini kikilu.+
Muna kuma kiaki, okitukidi se lekwa kiangemi.
Awonso ana bekunzitisanga, owau bamvezele, kadi bamwene kinkonga kiandi.+
Okunganga+ yo vavuka ye nsoni.
ט [Tete]
9 O funzuka kwandi kwina muna mansaya mandi.
Ke yindulanga lumbu yandi ina kuntwala ko.+
Obwidi vambala kianene; kena ye mfiaulwisi ko.
E Yave, tala e mpasi zame, kadi o mbeni uyitundidikidi.+
י [Yode]
10 O ntantu olambwidi moko muna lusalu lwandi lwawonso.+
Kadi omwene zula ikotele muna nzo andi avauka,+Awana wakanikina vo ke bakoti muna nkutakani aku ko.
כ [Kafe]
11 O nkangu andi wawonso uvumukanga; madia bevavanga.+
Bavene lekwa yau yantalu muna madia, kimana bakala kaka moyo.*
E Yave, tala yo mona kadi nkitukidi se nkento* wakondwa mfunu.
ל [Lamede]
12 E yeno awonso nuviokanga muna nzila, nga ediadi ke dina mfunu ko e?
Nutala yo mona!
Nga vena ye mpasi zifwanane ye mpasi zina yavangwa,Zina Yave kambwesese muna lumbu kia nsita za makasi mandi e?+
מ [Meme]
13 Tuka kuna zulu, otwikidi tiya muna visi yame,+ tuzinisi e visi yame yawonso.
Oyalumwini e konde muna malu mame; umputulwisi manima muna kingolo.
Unkitwidi se nkento wabembolwa.
Ngielele lumbu kiamvimba.
נ [Nune]
14 O masumu mame makangwa nze vangu, makangwa kwa moko mandi.
Mazingilu muna nsingu ame, e ngolo zame zisukidi.
Yave ungiekwele vana moko ma awana kilendi sunda ko.+
ס [Sameke]
15 Yave ovaikisi makesa mawonso makedi ova ngina.+
Okutakese ndonga omu mono kimana yakosomona matoko mame.+
Yave odiatakese mwenze wa mwan’ankento a Yuda muna kaminu dia vinyu.+
ע [Ayine]
16 Mudila ngina mu kuma kia mambu mama;+ mansanga makukwidi mu meso mame.
Kadi ona ofwete kumfiaulwisa yovo kunkumika,* umpavukidi.
O wan’ame mu kinsona bena, kadi mbeni osundidi.
פ [Pe]
17 O Zione oyalumwini moko mandi;+ ke vena ona okumfiaulwisa ko.
Yave okanikini vo Yakobo kanuaniswa kwa mbeni zawonso zina zinzungidi.+
Vana bena Yerusaleme ikitukidi se lekwa kiasafu.+
צ [Tsade]
18 Yave wansongi,+ kadi nkolamene nkanikinu miandi.+
Nuwá, yeno nkangu miawonso, nutala e mpasi zame.
E ndumba zame* ye matoko mame bele kuna kinkole.+
ק [Kofe]
19 Mbokele azodi ame, kansi bampunginikini.+
E nganga zame ye akuluntu ame bafwidi muna mbanza,Ekolo bavavidi madia kimana bakwamanana zinga.*+
ר [Rese]
20 Tala, e Yave, kadi mu mpasi kikilu ngina.
E vumu kiame* mu bulukuta kina.
O ntim’ame uyangamene, kadi nkolamene kikilu.+
Kuna mbazi o nsosolo mu vonda una;+ omu nzo una nze lufwa.
ש [Sime]
21 O wantu bawidi bumu kiame; ke vena ona okumfiaulwisa ko.
E mbeni zame zawonso bawidi e mpasi zame.
Bayangalele wau vo ngeye otwese zo.+
Kansi, vava bekituka nze mono,+ ongeye otwasa e lumbu kina wazayisa.+
ת [Tau]
22 Yambula o bi wau wawonso walwaka koko wina, ubatumba e tumbu kiangolo,+Nze una untumbidi muna kuma kia makuzuka mame mawonso.
Kadi e bumu kiame kisakidi, o ntim’ame uyelele.
Mvovo vana yand'a lukaya
^ E kapu kia 1-4 i mbembo zasonamena muna ndandani za sono ya Kiyibere.
^ Yovo “ndumba zandi.”
^ Mvovo wa sina: “ntu miandi.”
^ Yovo “bayangalele.”
^ Nkento ndioyo, Yerusaleme kesunzulanga.
^ Yovo “muna vutulwisa o moyo.”
^ Yovo “yovo vutulwisa moyo ame.”
^ Mvovo wa sina: “E mienze miame.”
^ Yovo “bavutulwisa o moyo.”
^ Mvovo wa sina: “ndia miame.”
