Maniongo ma Yeremiya 2:1-22
א [Alefe]
2 Ekwe mpila kafukidi mwan’ankento a Zione o Yave ye tuti dia makasi mandi!
Otubidi wete wa Isaele ova nza tuka kuna zulu.+
Kayindwidi nsikinu’a tambi yandi ko+ muna lumbu kia kasi diandi.
ב [Bete]
2 Kondwa kwa nkenda, Yave ofwasidi fulu yawonso yazingila ya Yakobo.
Muna makasi mandi, obangwidi mavata mangolo ma mwan’ankento a Yuda.+
Nzambi obwisidi kintinu ye akuluntu andi vana ntoto mu kubafunzula.+
ג [Ngimele]
3 Muna nsita za makasi mandi i kasukisidi e ngolo zawonso* za Isaele.
Okatwidi koko kwandi kwalunene vava mbeni kafinamene,+O makasi mandi makwamanana yoka Yakobo nze tiya tubomonanga yawonso ina izungidi.+
ד [Dalete]
4 Ofumbikidi* e mfumb’andi nze mbeni; koko kwandi kwalunene kukubamene muna nonga nze ntantu;+Ovondele awonso ana bazolakana vana meso meto.+
Opongwele nsita za makasi mandi+ muna saba kia mwan’ankento a Zione nze tiya.+
ה [He]
5 Yave okitukidi nze mbeni;+Ofwasidi Isaele.
Obangwidi nzo zandi zawonso zandá;Ofwasidi mavata mandi mawonso mangolo.
Owokese dilu yo maniongo ma mwan’ankento a Yuda.
ו [Wau]
6 Obwisidi e sudi kiandi+ nze nsampa muna mpatu.
Osukisi nkinzi andi.+
O Yave ovilakese nkinzi ye lumbu kia vundu muna Zione,Muna nsita za makasi mandi obembwele ntinu yo nganga.+
ז [Zayine]
7 Yave obembwele ziku diandi;Ovezele nzo andi avauka.+
Oyekwele yaka ya nzo zandi zangolo vana moko ma mbeni.+
Batumbwidi ndinga muna nzo a Yave,+ nze muna lumbu kia nkinzi.
ח [Hete]
8 Yave obakidi e nzengo zafwasa e yaka kia mwan’ankento a Zione.+
Olambwidi o nsing’andi a tezela.+
Kavutwidi koko kwandi manima ko muna fwasakesa.
Odidisi kundubulu ye yaka.
Iyoyele kumosi.
ט [Tete]
9 O mavitu mandi mabwidi vana ntoto.+
Ofwasidi yo tolola e mbindi zandi.
O ntinu ye akuluntu andi bena muna zula.+
Ke muna nsiku* ko; e ngunza zandi nkutu ke besolola mona-meso kia Yave ko.+
י [Yode]
10 Akuluntu a mwan’ankento a Zione bavuende ova ntoto, babutamene kwau.+
Basidi e mbundukutu vana ntu yo vuata ngoto.+
E mienze mia Yerusaleme bayenzekele ntu vana ntoto.
כ [Kafe]
11 Meso mame mayoyele muna betomona mansanga.+
E vumu kiame* mubulukuta kina.
E kimoyo kiame kitiamukini* ova ntoto, muna kuma kia lufwasu lwa mwan’ankento* a nkangu ame,+Muna kuma kia yingiana-ngiana ye nsedia befwanga mfune muna ntanda* mia mbanza.+
ל [Lamede]
12 Beyuvulanga kwa ngudi zau vo: “Akweyi kwina madia ye vinyu?”+
Ekolo bebwanga e mfune muna ntanda* mia mbanza,Ekolo mioyo miau milalanga vana moko ma ngudi zau.
מ [Meme]
13 Nki ndenda sila umbangi,Yovo nki ndenda kutezanisa, e mwenze wa mwan’ankento a Yerusaleme?
Nki ndenda kutezanesena muna kufiaulwisa, ongeye mwenze wa mwan’ankento a Zione?
Kadi e mput’aku yanene nze kalunga.+ Nani olenda kuwuka?+
נ [Nune]
14 E mona-meso bamwenen’e ngunza zaku, yaluvunu ye yampavala,+Ke basenzekele bi waku ko, ediadi diadi kusadisa walembi kwenda muna kinkole,+Kansi, bakwamanene kuzayisa e mona-meso yaluvunu ye yampavala.+
ס [Sameke]
15 Awonso beviokanga muna nzila, basikidi makonzo kuna luvezo.+
Besikanga mumpiozi mu sivika+ yo nikuna o ntu muna kuma kia mwan’ankento a Yerusaleme, oku vo:
“Nga eyayi i mbanza ina bayikila vo: ‘Iviokele o wete, i luyangalalu lwa nza yawonso’?”+
פ [Pe]
16 E mbeni zaku zawonso bàziulwidi o nua.
Besikanga mumpiozi yo kwetesa o meno, oku vo: “Tuminini.+
Ekiaki i lumbu twavingi-langa!+ Kilweke; tumwene kio!”+
ע [Ayine]
17 Yave ovangidi dina kakana;+ olungisi dina kavova,+Dina kakanikina kuna nz’ankulu.+
Obangwidi lembi fwa e nkenda.+
Oyambwidi vo mbeni kayangalala mu kuma kiaku; ozangwidi nkum’a* mbeni zaku.
צ [Tsade]
18 O ntim’au ukazidi Yave, e yaka kia mwan’ankento a Zione.
Yambula mansanga makukula nze nkoko fuku yo mwini.
Kuvundi ko ngatu vundisa o meso maku.*
ק [Kofe]
19 Telama! Kaza o fuku, kuna lubantiku lwa ngingila.
Pongola ntim’aku nze maza vana vena Yave.
Zangula moko maku kuna kena muna mioyo mia yingiana-ngiana yaku,Ana befwanga mfune muna konko* ya nzila zawonso.+
ר [Rese]
20 E Yave, mona yo tala ndiona wamwesesa e mpasi zayingi.
Nga akento bafwete dia mbongo au, o wan’au bena yo vimpi?+
E nganga ye ngunza, nga bafwete vondelwa muna nzo avauka a Yave?+
ש [Sime]
21 O toko ye nunu bafwidi, bayalalele muna nzila.+
E ndumba zame* yo matoko mame babwidi muna nsosolo.+
Ubavondele muna lumbu kia kasi diaku; ovondele lembi fwa e nkenda.+
ת [Tau]
22 Obokele sumbula ina izietele, vika sia vo lumbu kia nkinzi.+
Muna lumbu kia makasi ma Yave, ke vakedi ona watina ko ngatu sala o moyo;+Ana yawuta* yo sansa, o mbeni ame ubafukisi emvimba.+
Mvovo vana yand'a lukaya
^ Mvovo wa sina: “e mpoka zawonso.”
^ Yovo “Odiete.”
^ Yovo “luludiku.”
^ Nanga o mvovo wau nkenda ye ngemba uyikanga.
^ Yanzala kiakutakenanga nkangu mu teka, sumba lekwa yo tela mambu.
^ Yovo “E kati diame ditiamukini.”
^ Mvovo wa sina: “ndia miame.”
^ Yanzala kiakutakenanga nkangu mu teka, sumba lekwa yo tela mambu.
^ Mvovo wa sina: “mpoka za.”
^ Mvovo wa sina: “mwan’a disu diaku.”
^ Mvovo wa sina: “kuna ntu mia nzila zawonso.”
^ Mvovo wa sina: “mienze miame.”
^ Yovo “Bawutuka yo vimpi.”
