Maniongo ma Yeremiya 5:1-22
5 E Yave, sungamena dina ditubwididi.
Tala, wamona luvezo lweto.+
2 E vua dieto dikitukidi se dia nzenza, e nzo zeto se za nzenza.+
3 Tukitukidi wan’a nsona bakondwa mase; e ngudi zeto bena nze akento afwilw’akala.+
4 Tufwete futa e nzimbu muna nua maza meto,+ e nkuni i zeto kansi batutekele zo.
5 Awana batulakamene bafinamene;Tuyoyele, ke tuna ye vundu ko.+
6 Tulambwidi moko kuna Engipito+ ye kuna Asuri+ kimana twavua madia mafwana.
7 Mase meto ana basumuka bafwa kala, kansi yeto tufutanga muna bi wau.
8 Owau tuyadilu kwa ntaudi; kavena muntu ko kutuvevola vana moko mau.
9 Tusianga mioyo mieto mu vonza muna vua madia,+ muna kuma kia nsosolo muna makanga.
10 O nkanda eto a nitu uyandukidi nze soka dia tiya muna kuma kia mpasi za nzala.+
11 Akento muna Zione balekwa mu kingolo,* kumosi ye mienze mia mbanza za Yuda.+
12 Amfumu bazembelekwa muna moko mau,+ akuluntu ke bazitiswa ko.+
13 O matoko banete nikinua kia moko, aleke benatanga nkuni batele sakuba.
14 Akuluntu ke bena diaka ko vana vitu dia mbanza;+ matoko ke besikanga diaka miziki ko.+
15 E kiese ke kina diaka ko mu ntima mieto; o makinu meto makitukidi se kifwidi.+
16 E kolowa ibwidi vana ntu mieto. Tâtu kwa yeto, kadi tusumukini!
17 Muna kuma kiaki, e ntima mieto miyelele,+Muna kuma kia mambu mama o meso meto makobokele.+
18 Muna kuma kia Mongo a Zione usidi e nkatu;+ owau e mfwenge bekangalelanga mo.
19 Vo i ngeye, e Yave, una vana kunda kiaku yakwele mvu.
E kunda kiaku kia mbandu ke mbandu.+
20 Ekuma utuvilakene yakwele mvu yo kutubembola mu kolo kiandá?+
21 E Yave, utuvutula kwa ngeye, oyeto tuvutuka kwa ngeye vana vau.+
Kitula e lumbu yeto nze ina ya nz’ankulu.+
22 Kansi, ongeye utubembwele emvimba.
Wakinu kutufungila kikilu makasi.+
Mvovo vana yand'a lukaya
^ Yovo “bafusulwiswa e nsoni.”
