Zasoneka Matai 7:1-29
7 “Nuyambula fundisa+ kimana nualembi fundiswa;
2 kadi muna mfundisa ina nufundisila i nufundisilwa mpe,+ muna nzongo una nuzongela i nuzongelwa mpe.+
3 Ozevo, aweyi omwenene titi kina muna disu dia mpangi aku, kansi kumwene mwangu una mu disu diaku ko?+
4 Aweyi olenda vovesela mpangi aku vo: ‘Yambula yakatula e titi kina mu disu diaku,’ ekolo mu disu dia ngeye kibeni muna yo mwangu?
5 Mpuki! Teka katula o mwangu una mu disu diaku, i bosi otoma mona una olenda katulwila e titi kina muna disu dia mpangi aku.
6 “Ke nuvani lekwa yavauka kwa mbwa ko, ngatu tuba pelola zeno vana vena e ngulu+ kimana zalembi diatakeswa kuna nsi a kole yau yo viluka, zanutatika.
7 “Nukwamanana lomba, ozevo nuvewa;+ nukwamanana vava, ozevo nusolola; nukwamanana dodela, ozevo nuziulwilwa;+
8 kadi konso ona olombanga ovewa,+ konso ona ovavanga osolola, konso ona ododelanga, oziulwilwa.
9 Ozevo, nani vovo nuina, avo mwan’andi unlombele mbolo, kamvana e tadi?
10 Avo unlombele mbizi a maza, kamvana e nioka e?
11 Ozevo, avo oyeno nuna vo nu wantu ambi, nuzeye vana o tukau twambote kwa wan’eno, nga o Se dieno wina kuna zulu ke luta vana lekwa yambote ko+ kwa awana bekunlombanga?+
12 “Ozevo, mawonso nuzolele vo wantu banuvanga, i mau mpe nufwete vanga kwa yau.+ Kieleka, ediadi i dilongwanga muna Nsiku ye kwa Angunza.+
13 “Nukotela muna mwelo ambatakani,+ kadi o mwelo ampwena ye nzila asanzuka ku lufwasu ifilanga, ndonga bena ana bekotelanga mo;
14 kuna diak’e sambu, o mwelo ambatakani ye nzila yamfinangani ku moyo ifilanga, akete kaka bena ana besololanga yo.+
15 “Nukeba mu kuma kia ngunza zaluvunu+ zina zikwiza kwa yeno ye mvuatu mia mameme,+ kansi muna kati mevua mansita.+
16 Muna mbongo au i nukubazayila. Nga wantu balenda vela uva muna nti mia nsende yovo bundu ya nsanda muna nkeka za mfinda e?+
17 Diau dimosi mpe, konso nti ambote, mbongo ambote uyimanga, kansi konso nti ambi, mbongo ambi uyimanga.+
18 O nti ambote ke ulendi yima mbongo ambi ko, ngatu nti ambi wayima mbongo ambote.+
19 Konso nti ke uyimanga mbongo ambote ko, keswa ukeswanga yo tubwa vana tiya.+
20 Kieleka, muna mbongo au i nuzayila wantu awaya.+
21 “Ke awonso ko bekumpovesa vo, ‘E Mfumu, e Mfumu,’ i bekota muna Kintinu kia zulu, kansi awana kaka bevanganga luzolo lwa Se diame wina kuna zulu.+
22 Ndonga bekumpovesa muna lumbu kiakina vo: ‘E Mfumu, e Mfumu,+ nga ke yeto ko twasakulwila muna nkumbu aku ye muna nkumbu aku twavaikisila nkuya ye muna nkumbu aku twavangila mavangu mayingi mankuma e?’+
23 I bosi, ikubavovesa vo: ‘Kinuzeye nkutu ko! Nukatuka ova ngina, yeno akwa mavangu ma umpumbulu!’+
24 “I kuma vo, konso ona owidi mambu mame mama yo sadila mo, olenda tezaneswa yo nkwa ngangu ona otungidi e nzo andi vana nsenzele.+
25 E mvula inokene, e kizalu kizidi ye tembwa kinikukini yo wandama muna nzo, kansi ke ibwidi ko, kadi e nkubilwa yatoma siamiswa vana nsenzele.
26 Kuna diak’e sambu, konso ona owidi mambu mame mama yo lembi mo sadila, olenda tezaneswa ye zowa dia muntu otungidi e nzo andi vana senge.+
27 E mvula inokene, e kizalu kizidi ye tembwa kinikukini yo wandama muna nzo,+ e nzo ibwidi yo banguka emvimba.”
28 Vava Yesu kamene vova o mambu mama, e ndonga isivikidi e mpil’andi ya longela,+
29 kadi wabalonga nze nkwa wisa,*+ ke nze asoneki au ko.
Mvovo vana yand'a lukaya
^ I sia vo, mana kabalonganga kwa Nzambi matuka.
