Mavangu ma Zintumwa 11:1-30
11 Antumwa ye ampangi ana bakala muna Yuda bawá vo wantu a zula batambulwidi mpe e diambu dia Nzambi.
2 Petelo vava katomboka kuna Yerusaleme, awana batatidilanga nsiku wa zengwa+ bayantika tantana yandi,
3 oku vo: “Okotele muna nzo za mindembi zengwa yo dia yau.”
4 Muna diadi, Petelo ubasasidi mawonso, oku vo:
5 “Ekolo yasambidinge muna mbanz’a Yafo, mbwene muna mona-meso, lekwa kikulumukanga nze nlele wampwena wa lino, kikulumwinu muna nsuka zau yá tuka kuna zulu, kikulumukini kwa mono.+
6 Ntomene kio tala, mbwene bulu ya malu mayá ya ntoto, bulu ya mfuta, vangwa iyatatanga ye nuni za zulu.
7 Ngwidi mpe ndinga impovese vo: ‘E Petelo, telama, vonda wadia!’
8 Kansi mvutwidi vo: ‘Kilendi ko, e Mfumu, e kuma kadi mu nu’ame ke mwakotele nkutu lekwa kiafunzuka ko ngatu lekwa kiasafuka.’
9 Muna nkumbu una wazole, e ndinga itukidi kuna zulu ivutwidi vo: ‘Yambula yikila vo yafunzuka e lekwa ina Nzambi kavelelese.’
10 Ediadi nkumbu tatu diavangama, yawonso yatombolwa diaka kuna zulu.
11 Kansi, muna ntangwa yayina vakedi diaka wantu tatu batelamene vana nzo ina twakala, batuka kuna Kaisaria, batuminu kwa mono.+
12 I bosi o mwanda umpovese vo ngienda yau, lembi katikisa. Kansi mpangi sambanu awaya mpe bakwenda yame, twakota muna nzo a muntu ndiona.
13 “Utusamunuini una kamwena mbasi yatelama muna nzo andi yo kumvovesa vo: ‘Tuma wantu kuna Yafo, benda bokela Simone ona oyikilwanga vo Petelo,+
14 yandi okuzayisa mambu mana ovuluzilwa kumosi mpe y’esi nzo aku awonso.’
15 Kansi vava ngiantikidi vova, o mwand’avelela ukulumukini muna yau wauna wakulumukina mpe kwa yeto kuna lubantiku.+
16 Muna diadi, yasungamena e mvovo mia Mfumu, vava kavova vo: ‘Yoane muna maza kavubila,+ kansi oyeno nuvubila muna mwand’avelela.’+
17 Dianu vo, wau vo Nzambi ubavene lukau lwangovo luna kavana mpe kwa yeto twakwikila muna Mfumu Yesu Kristu, omono i nani yakakidila Nzambi e?”*+
18 Vava bawidi mambu mama, bayambwidi fila e mpaka,* bakembelele Nzambi, oku vo: “Nzambi ovene mpe lau dia viluka o ntima kwa wantu a zula kimana bavua o moyo.”+
19 Awana bamwangana+ mu kuma kia lubangamu lwavaika muna diambu dia Setefano, bayenda yakuna Fenisia, Kupero ye Antiokia, kansi kwa Ayuda kaka bazayisanga diambu dia Nzambi.+
20 Kansi, akaka muna esi Kupero ye Kurene bayiza kuna Antiokia, bayantika mokena y’awana bevovanga Kingerekia, babasamunuini e nsangu zambote za Mfumu Yesu.
21 Vana ntandu, o koko kwa Yave* kukedi yau, ndong’ayingi bakituka se minkwikizi yo vutuka kwa Mfumu.+
22 E nsangu zau zilweke muna matu ma nkutakani muna Yerusaleme, batumini Banaba+ yakuna Antiokia.
23 Vava kalwaka, omwene nsambu za Nzambi, oyangalele yo kasakesa awonso basikila muna Mfumu yo ntima mosi;+
24 kadi muntu ambote kakala, wazala yo mwand’avelela yo lukwikilu. Ndonga bakwikila muna Mfumu.+
25 I bosi, wele kuna Taso, wele vavi Saulu.+
26 Vava kansolwele, untwese kuna Antiokia. Mvu amvimba balungana yau muna nkutakani, balongele ndong’ayingi. Muna Antiokia i muna alongoki bayikilwa mu nkumbu antete vo Akristu muna lutumu lwa Nzambi.+
27 Muna lumbu yayina, mukulumukini ngunza+ zatuka kuna Yerusaleme, bezidi kuna Antiokia.
28 Mosi muna yau nkumbu andi Angabo,+ otelamene, osakwidi muna mwanda vo mvengele angolo ukala muna nza yawonso,+ una wakala muna tandu kia Kelodio.
29 Muna kuma kiaki, alongoki babakidi e nzengo vo konso muntu kavana kina kalendele,+ kimana batwika lusadisu+ kw’ampangi bena muna Yuda;
30 i wau bavanga, batwikidi lusadisu kwa akuluntu muna moko ma Banaba yo Saulu.+
