Mavangu ma Zintumwa 3:1-26
3 Petelo yo Yoane vava batombokelenge kuna tempelo muna ntangw’a sambu, muna ola ina yavua,*
2 bamwene muntu wanatwanga, mbevo a malu tuka kawutukila. Lumbu yawonso wasiwanga vana ndambu a vitu dia tempelo diayikilwanga vo Vitu Diambote, kimana kalomba tukau twa nkenda kwa awana bekotanga muna tempelo.
3 Vava kamwene Petelo yo Yoane bekotanga muna tempelo, ubalombele lukau lwa nkenda.
4 Kansi Petelo yo Yoane bantungunuini, i bosi Petelo ovovele vo: “Ututala.”
5 Ubatadidi ye vuvu kia tambula lekwa kwa yau.
6 Kansi, Petelo ovovele vo: “Kina ye palata ko ngatu wolo, kansi ikuvana kina ngina kiau. Muna nkumbu a Yesu Kristu wa musi Nazarete, diata!”+
7 Unsimbidi muna koko kwalunene, untelamese.+ Vana vau, e tambi ye yinkoso yandi yikumamene;+
8 otakukidi,+ oyantikidi diata, okotele yau muna tempelo, odiete yo takuka yo sanisina Nzambi.
9 Wantu awonso bamwene ekolo kediatanga yo sanisina Nzambi.
10 Bansungamena vo i muntu ndiona wavuandanga vana Vitu Diambote dia tempelo mu lomba tukau twa nkenda.+ Basivikidi kikilu mu kuma kia dina divangamene muna yandi.
11 Ekolo muntu ndioyo kasimbinini kaka Petelo yo Yoane, wantu awonso basivikidi kikilu, balundumukini kimana bawanana yau vana Veta kia Solomo.+
12 Petelo vava kamwene wo, ovovese nkangu vo: “Esi Isaele, ekuma nusivikilanga e diambu diadi? Ekuma nukututadilanga, vika sia vo mu nkuma wa yeto kibeni tudiatisidi muntu ndioyu yovo vumi weto kuna kwa Nzambi?
13 O Nzambi a Abarayama yo Isaki yo Yakobo,+ Nzambi a mase meto, okembese Selo kiandi,+ Yesu+ ona nuayekola+ yo bembola vana ndose a Pilato, kana una vo wazola kunyambula.
14 Elo, nuabembola mveledi ndioyo wa nsongi yo lomba kwa Pilato kanuyambulwila muntu wakala vo mvondi a wantu,+
15 nuavonda ndiona wasolwa mu vana moyo.*+ Kansi Nzambi wamfula muna mafwa, tu mbangi za diambu diadi.+
16 Muna nkumbu andi ye lukwikilu lweto muna nkumbu andi, i kakumamene muntu ndioyu numwene yo zaya. O lukwikilu lweto muna Yesu i luwukidi muntu ndioyu vana ndose a yeno awonso.
17 Ampangi, owau nzeye wo vo ku bubu nuavangila wo,+ wauna mpe wavanga mfumu zeno.+
18 Kansi muna mpila yayi, Nzambi olunganese mana kateka samuna muna nua mia ngunza zawonso vo: o Kristu mpasi kemona.+
19 “Dianu vo, nuvilukwa e ntima,+ nuvutuka kwa Nzambi,+ o masumu meno mavunzunua+ kimana yiza e nsungi ya vutulwisa moyo ituka kwa Yave,*
20 otuma mpe Kristu ona kanusolela, i sia vo, Yesu.
21 E zulu difwete kunsimbinina yavana ifwana e ntangwa yavutulwisa e lekwa yawonso una yakala, ina Nzambi kayika muna nua mia ngunza zandi zavelela kuna nz’ankulu.
22 Kieleka, Mose wavova vo: ‘Yave* wa Nzambi eno okunuvaikisila ngunza nze mono vana vena mpangi zeno.+ Nufwete winikina mawonso kekunuvovesa.+
23 Konso muntu olembi wila Ngunza ndioyo ofwaswa emvimba vana vena o nkangu.’+
24 Ngunza zawonso, tuka muna Samuele ye awana balanda, awonso ana basakula, basamuna mpe e lumbu yayi.+
25 Oyeno nu wan’angunza ye wana e kangu dina Nzambi kakanga yo mase meno,+ vava kavovesa Abarayama vo: ‘Muna mbongo aku i musambulwilwa makanda mawonso ova ntoto.’+
26 O Nzambi vava kasola Selo kiandi, kwa yeno kateka kuntuma+ kimana kanusambula muna vilula konso muntu muna mavangu mandi mambi.”
