Nakumi 1:1-15
1 Ezazi i nsangu mu kuma kia Ninive:+ Nkand’a mona-meso kia Nakumi* wa musi Elekosi:
2 Yave wa Nzambi nlandi a kunda ye ovavanga vo wantu basambila kaka yandi;+Yave nlandi a kunda ye wakubama mu songa makasi mandi.+
Yave olandanga atantu andi e kunda,
Olundilanga mbeni zandi o makasi.
3 Yave ke funganga makasi mu nzaki ko,+ kana una vo ovuidi nkuma wayingi,+Kansi, ke disongele ko vo Yave ke vana tumbu ko.+
E nzil’andi ina muna tembwa ye kimbongela kia lufwasu,
O matuti i mbundukutu a tambi yandi.+
4 O sembanga kalunga+ yo yumisa ko;Oyumisanga nkoko miawonso.+
E Basani ye Kamele ilengele,+E mvuma za Lebanone zilengele.
5 E miongo mizakamene mu kuma kiandi,E kundubulu izelokele.+
O ntoto uzakama vana ndose andi,Kumosi ye awonso bezingilanga vo.+
6 Nani olenda zizidila e nsita zandi?+
Nani olenda zizidila o makasi mandi?+
Makasi mandi meyoka nze tiya,Matadi mekosomonua mu kuma kiandi.
7 Yave wambote,+ swekameno diangolo muna lumbu kia mpasi.+
Ozeye* awana betininanga kwa yandi.+
8 Ofukisa e mvimba e fulu kiandi* muna kizalu,E tombe kibukamena e mbeni zandi.
9 Nkia mbi nukana o vanga kwa Yave?
Okufwasa e mvimba.
E mpasi ke zikwiza mu nkumbu a zole ko.+
10 Bazingalakene nze nsende,Yo kolwa nze nduvu za malavu;*Kansi, bomonua bebomonua nze titi yayuma.
11 Omo ngeye muvaika mosi okana vanga Yave e mbi,Ovana malongi mambi.
12 I wau wuwu kavovele o Yave:
“Kana una vo ndonga bena ye akwa nkuma,Befukiswa, bevila e mvimba.*
Mono imwesese* e mpasi, kansi kikumwesa diaka mpasi ko.
13 Itolola vangu kiau kina bakangidi omu ngeye,+Izatuna e ngonzi zaku mu tini yole.
14 Owu kavovele o Yave mu kuma kiaku,*‘E nkumbu aku ke iwakana diaka ko.
Ifukisa e teke yavalwa y’eyi yasengwa* muna nzo* za nzambi zaku.
Ikukubikila e ziami, kadi kuna mfunu ko.’
15 Tala vana miongo, o malu ma ndiona otwasanga e nsangu zambote,Ndiona osamunanga luvuvamu, olweke vana miongo.+
E Yuda, kembela e nkinzi miaku,+ lungisa e ndofi zaku,Kadi omo ngeye ke muviokela diaka kimpumbulu ko.
Fwaswa kefwaswa e mvimba.”
Mvovo vana yand'a lukaya
^ Ina ye nsasa vo: “Mfiaulwisi.”
^ Yovo “Olunga-lunganga.”
^ I sia vo, Ninive.
^ Yovo “malavu ma witi.”
^ Nanga, “vava keviokela mo.”
^ I sia vo, Yuda.
^ I sia vo, Asuria.
^ Yovo “teke yazunzwa.”
^ Yovo “tempelo.”
