Nekemiya 6:1-19
6 Vava Sambalati yo Tobiya+ yo Ngeseme wa Nyaraba+ ye mbeni zeto zankaka bazayiswa vo mbanisi tungulula e yaka,+ ke mwasala diaka mpwasi ko (kana una vo e ntangwa yayina kiasia yelo muna mavitu ko),+
2 vana vau, Sambalati yo Ngeseme bantwikidi nsangu, oku vo: “Wiza twawanana kuna mavata ma Ndimb’a Ono.”+ Kansi mbi bakana kumpanga.
3 Ozevo, ntumini anati a nsangu babavovesa vo: “Salu kianene ngina kiau, kilendi kulumuka ko. Ekuma mfwete sisila e salu yakulumuka oku nuina?”
4 Bantwikidi nsamu wau umosi mu nkumbu yá, konso ntangwa mvutu zau zimosi yabavutulanga.
5 Sambalati untumini selo kiandi ye nsamu wau umosi muna nkumbu una watanu yo nkanda wayalumuka vana moko.
6 Mwasonama vo: “Diwakane muna zula, o Ngeseme+ mpe ovovele dio vo ngeye ye Ayuda, kolama nuzolele.+ I dianu nutungulwilanga e yaka; mun’owu wa nsangu zazi ongeye zolele kituka ntinu au.
7 Watumbika mpe angunza basamuna mu kuma kiaku muna Yerusaleme yawonso vo: ‘Ntinu una mwamu Yuda.’ O mambu mama zayiswa mezayiswa kwa ntinu. I dianu vo, wiza twamokenena diambu diadi.”
8 Imvutwidi vo: “Mana ovovele ke mavangamene ko; ngeye kibeni osokele mo.”*
9 Kadi awonso bavavanga kutumwesa wonga, oku vo: “O moko mau yoya meyoya muna salu, ke kifokoka ko.”+ Owau, e Nzambi, kumika moko mame.+
10 I bosi, ngiele ku nzo a Semaya wa mwan’a Delaya wa mwan’a Metabele, ona wakibindikila muna nzo. Ovovele vo: “Tusikidisa e ntangwa kimana twawanana muna nzo a Nzambi aludi, muna tempelo, twazika yelo ya tempelo, kadi vonda bekwiza kuvonda. Mu fuku bekwiza kuvonda.”
11 Mpovele vo: “O muntu nze mono, nga tina ketinanga e? O muntu nze mono, nga olenda kota muna tempelo yo vuluka?+ Kikota mo ko.”
12 I bosi, mbakwidi wo vo ke Nzambi ko wantuma, kansi Tobiya yo Sambalati+ bamfuta kimana kasakula diambu diadi mu kuma kiame.
13 Wafutwa muna kumbwesa wonga ye kunsumukisa, kimana bakala ye kuma kia yivisa e nkumbu ame yo kumpeza.
14 E Nzambi ame, kuvilakani Tobiya+ yo Sambalati ko ye mavangu mau yo Noadeya wa ngunza ankento ye ngunza zankaka, ana bavavanga kumbwesesa o wonga.
15 E yaka kiamana tungwa kina kia 25 kia ngonde a Elule,* muna lumbu 52.
16 E mbeni zeto zawonso vava bawá wo, e zula yawonso ina yatuzunga vava bamona kio, bamwene kikilu nsoni,*+ babakwidi vo e salu kiaki mu lusadisu lwa Nzambi eto kisadilu.
17 Muna lumbu yayina, azitu+ a Yuda, batwika nkanda miayingi kuna kwa Tobiya, o Tobiya mpe wabavana e mvutu.
18 Ayingi muna Yuda bandila e ndofi vo ku sambu diandi bekala, kadi nzitu a Sekaneya wa mwan’a Araki+ kakala, mwan’andi Yokanane wabonga mwan’a Mesulame+ wa mwan’a Berekeya se nkaz’andi.
19 Banzayisanga mpe mavangu mandi mambote, basamunanga mpe mambu mame kwa yandi. I bosi Tobiya wantwikilanga nkanda kimana kambwesesa o wonga.+
Mvovo vana yand'a lukaya
^ Mvovo wa sina: “mu ntim’aku matukidi.”
^ Mvovo wa sina: “bakulukidi kikilu vana meso ma yau kibeni.”
