Kuna kwa Esi Ngalatia 1:1-24
1 Mono Paulu wa ntumwa inusonekene. Ke muntu ko wantumbika se ntumwa, kansi Yesu Kristu wantubika+ kumosi yo Nzambi wa Se dieto,+ ona wamfula muna mafwa.
2 Elo, mono Paulo ye mpangi zawonso bena yame, tusonekene nkanda wau, kuna kwa nkutakani za Ngalatia:
3 Yambula nuakala ye nsambu yo luvuvamu lutukidi kwa Nzambi wa Se dieto yo Mfumu Yesu Kristu.
4 Yandi kibeni wakivana mu kuma kia masumu meto+ kimana katuvuluza muna nza yayi yambi*+ muna luzolo lwa Nzambi eto yo Se dieto,+
5 kuna kwa yandi nkembo yamu mvu ya mvu. Amen.
6 Nsivikidi kikilu wau nubembolanga mu nzaki Ndiona wanubokela muna nsambu za Kristu yo landa nsangu zankaka zambote.+
7 Ke disongele ko vo vena ye nsangu zankaka zambote; kansi vena ye akaka bekunutokanesanga,+ bazolele bendomona e nsangu zambote mu kuma kia Kristu.
8 Avo mosi muna yeto yovo mbasi otukidi kuna zulu unuzayisi nsangu zankaka zambote ke zina twanuzayisa ko, yambula kasibwa.
9 Nze una tutekele vova, owau mpovele wo diaka vo, konso ndiona okunusamunuina nsangu zankaka zambote, ke zina nuatambula ko, yambula kasibwa.
10 Nga dienga dia wantu ivavanga yovo dia Nzambi? Yovo, wantu ivavanga yangidika? Avo yakinu yangidika wantu, ki ntaudi a Kristu ko.
11 Ampangi, nzolele nuazaya wo vo e nsangu zambote zina yanusamunuina ke zatuka kwa wantu ko;+
12 kadi kiatambula zo kwa muntu ko ngatu longwa zo, kansi mu lusengomono lwa Yesu Kristu zayizila.
13 Kieleka, nuawa una wakala e kadilu kiame muna Kiyuda,+ kuna nsita zawonso yabangikanga e nkutakani a Nzambi yo fwantakesa yo;+
14 yatoma nungunukanga muna nsambila ya Kiyuda lutila nkutu wantu ayingi a ntel’ame muna nsi ame, kadi yakala yo vema kwayingi muna tusansu twa mase mame.+
15 Kansi, Nzambi ona wayambula vo yawutuka* yo kumbokela muna nkenda zandi,+ wamona vo diambote
16 kasengomona Mwan’andi muna mono kimana yasamuna e nsangu zambote mu kuma kiandi kwa esi zula,+ kiayuvula konso muntu* ko vana vau;
17 ngatu tomboka kuna Yerusaleme kw’awana bakala se antumwa vitila mono, kansi yayenda kuna Arabia, i bosi yavutuka kuna Damaseke.+
18 I bosi, vava kiavioka mvu ntatu, yatomboka kuna Yerusaleme+ mu kingula Kefa,*+ lumbu 15 yakala yandi.
19 Kansi, kiamonana ye ntumwa zankaka ko, Yakobo kaka+ wa mpangi a Mfumu.
20 Vo i mambu mana inusonekene owau, mpovele vana ndose a Nzambi vo kivunini ko.
21 I bosi yayenda muna zunga ya Suria ye Kilikia.+
22 Kansi, kiazayakana ko muna nkutakani za Kristu muna Yuda.
23 Edi kaka bawanga: “O muntu ona wateka kutubangika,+ owau mu samuna kena e nsangu zambote mu kuma kia lukwikilu luna kavavanga fwasa.”+
24 Muna kuma kiaki, bayantika kembelela Nzambi mu kuma kiame.
Mvovo vana yand'a lukaya
^ Yovo “tandu kiaki kiambi.” Tala Nsas’a Mvovo.
^ Mvovo wa sina: “wampaula tuka muna luwutuku lwame.”
^ Mvovo wa sina: “nitu yo menga.”
^ Oyikilwanga mpe vo Petelo.
