Ngana 12:1-28
12 Ndiona ozolele longi, zayi kazolele,+Kansi ndiona omenganga lusembo, zowa kwandi.*+
2 Muntu ambote dienga ketambula kwa Yave,Kansi nkwa makani mambi okuntumba.+
3 Kavena muntu ko ovuila luvuvamu muna umpumbulu,+Kansi ansongi ke bevuzwa ko.
4 O nkento ambote i kolowa kwa nkaz’andi,+Kansi o nkento ovanganga mambu mansoni una nze kimbevo kiwolesanga e visi yandi.+
5 E ngindu z’ansongi zambote,Kansi luludiku lwa yimpumbulu i luvunu.
6 E mvovo mia yimpumbulu mina nze mbeni oswekamene muna bungula menga,*+Kansi e nua mia ansongi mikubavuluza.+
7 Vava yimpumbulu bebwiswanga, ke bekalanga diaka ko,Kansi e nzo y’ansongi sikila isikila.+
8 O muntu ovovelanga kuna lulungalalu sanisinua kesanisinuanga,+Kansi o nkwa ntim’a bendomoka vezwa ke vezwa.+
9 Disundidi o wete mu kala mpasi muntu yo kala ye ntaudiKe mu kuyitundidika ko yo kondwa madia.*+
10 O nsongi olunga-lunganga twelezi yandi,+Kansi, e nkenda za kimpumbulu za nsoki.
11 Ndiona ovatanga ntoto andi, okala ye ulolo wa madia,+Kansi ndiona ovavanga lekwa yakondwa mfunu, munkondwa-ngindu.*
12 E kimpumbulu oketokelanga ina bebakanga akwandi yimpumbulu,Kansi, mwanzi ansongi mbongo uyimanga.
13 E kimpumbulu obakamenanga muna moko kiandi kiambi,+Kansi nsongi ovukanga muna mpasi.
14 Muna mbongo a mvovo miandi,* o muntu i keyangalela edi diambote,+Yo vua nsendo muna salu kia moko mandi.
15 E nzil’a zowa yambote muna meso mandi,+Kansi o nkwa ngangu owanga e longi.*+
16 O zowa ovaikisanga e kasi diandi vana vau,*+Kansi nlungaladi ke landanga mafingu ko.*
17 E mbangi akwikizi ludi* kevovanga,Kansi, mbangi aluvunu, luvunu kevovanga.
18 O vova lembi yindula dina nze muntu osukwanga nsosolo,Kansi lubini lwa nkwa ngangu wuka luwukanga.+
19 E befo ivovanga ludi isikila yamu mvu ya mvu,+Kansi o lubini luvovanga luvunu, mu fikolo kaka luzinga.+
20 O luvunu luna muna ntima mia awana bekananga e mbi,Kansi awana besiamisanga* luvuvamu bena ye kiese.+
21 Kavena mpasi ko zilwakila ansongi,+Kansi, e yimpumbulu mpasi zayingi bemona.+
22 E befo ya luvunu yangemi kuna kwa Yave,+Kansi akwa kwikizi okubayangalelanga.
23 O nlungaladi olundanga mana kazeye,Kansi ntim’a zowa usenzekanga kizowa kiandi.+
24 O koko kwa nkwa fululu kuyala,+Kansi o moko ma molo salu yangolo mesala.+
25 E ntokani zasaka ziyoyesanga* ntim’a muntu,+Kansi, e diambu diambote dimwesanga wo e kiese.+
26 O nsongi otoma talanga madilu mandi,Kansi, e nzil’a yimpumbulu ikubavengomona.
27 O molo ke lakamanga bulu ko,+Kansi e fululu i lusalu lwantalu kwa muntu.
28 E nzil’a unsongi ifilanga ku moyo;+Muna mayendelo mama ke muna lufwa ko.
Mvovo vana yand'a lukaya
^ Yovo “ke yindulanga ko.”
^ Mvovo wa sina: “nkondelel’a menga.”
^ Mvovo wa sina: “mbolo.”
^ Mvovo wa sina: “munkondwa-ntima.”
^ Mvovo wa sina: “mbongo a nu’andi.”
^ Yovo “luludiku.”
^ Yovo “muna lumbu kiakina.”
^ Mvovo wa sina: “mafingu kefukanga.”
^ Yovo “mambu mansongi.”
^ Mvovo wa sina: “aludiki a.”
^ Yovo “zikunkendeleka.”
