Ngana 3:1-35
3 E mwan’ame, kuvilakani malongi mame* ko,Lunda nkanikinu miame muna ntim’aku,
2 Kadi mikukudikila lumbu yayingiYe mvu mia zingu ye luvuvamu.+
3 Kuyambula ko vo walakazi* ye kwikizi kiasisa.+
Kanga kio muna nsingu aku;Soneka kio muna babu kia ntim’aku;+
4 Muna diadi, osolola dienga ye umbakuzi wafwanaVana meso ma Nzambi ye ma wantu.+
5 Bunda Yave e vuvu+ ye ntim’aku wawonso,Kubundi vuvu muna* umbakuzi wa ngeye kibeni ko.+
6 Untadila muna nzila zaku zawonso,+Yandi osingika e nzila zaku.+
7 Kubundi vuvu muna ngangu za ngeye kibeni ko.+
Vumina Yave, vengomoka muna mbi.
8 Ediadi dikala se nlongo muna nitu aku*Yo kumika visi yaku.
9 Zitisila Yave muna lekwa yaku yantalu,+Ye mbongo antete* ya nkutik’aku yawonso;*+
10 Ozevo, malundilu maku mezala,+Makaminu maku mesempoka ye vinyu yampa.
11 E mwan’ame, kubembola longi dia Yave ko,+Ngatu mwena lusembo lwandi e ngemi,+
12 Kadi Yave osembanga awana kezolanga,+Wauna se kevanganga kwa mwana ndiona kezolanga.+
13 Nkwa kiese o muntu osolwele ngangu+Yo muntu obakidi umbakuzi;
14 O baka ngangu disundidi wete ke mu palata ko,E nluta miandi misundidi wete ke mu nluta mia wolo ko.+
15 E ntalu andi isundidi ina ya makolado;*Ke vena lekwa ko oyangalelanga kilenda tezaneswa ye ngangu.
16 E zingu kianda kina vana koko kwandi kwalunene;E kimvuama yo nkembo una vana koko kwandi kwalumonso.
17 E nzila zandi, zambote,Mayendelo mandi mawonso ma luvuvamu.+
18 Yandi i nti a moyo kw’awana besimbinina zo,Awana betatidila zo beyikilwa vo akwa kiese.+
19 Yave mu ngangu kakubikila o ntoto.+
Mu umbakuzi katoma sikidisila e zulu.+
20 Muna zayi wandi o maza ma masina i mabulanenaYe matuti manokesa e lowa.+
21 E mwan’ame, kuyambula sia sungididi muna mambu mama ko.*
Tatidila ngangu za vimpi ye ndwenga;
22 Zikuvana moyoYo kala se nsanga muna nsingu aku;
23 Ozevo, i nkangala okangalela mu luvuvamu,Malu maku ke meta sakuba ko.+
24 Vava olavalala, kukala ye wonga ko,+Vava oleka, o tulu twaku twambote tukala.+
25 Kumona wonga wa konso diambu diansisi ko dikwizila kuna kinsalukisa,+Ngatu tembwa kiangolo kilwakila yimpumbulu.+
26 Kadi Yave okala se nto a vuvu kiaku;+Olunda kulu kwaku kwalembi bakama muna ntambu.+
27 Kuyambula vanga mbote ko kw’awana bafwanukini yo+Avo una ye lendo kia sadisa.*+
28 Kuvovesa nkwaku ko vo: “Ndá kwaku; vutuka mbazi, i bosi ikuvana kio,”Avo olenda kio kumvana owau.
29 Kukani vanga mbi kwa mfinangani aku ko+Ona ozingilanga yaku mu luvuvamu.
30 Kutantani yo muntu nkatu-nkatu ko+Avo kavangidi diambu diambi ko.+
31 Kumwena nkwa nsoki kimpala ko+Ngatu landa nzila zandi,
32 Kadi Yave omenganga mpuki,+Kansi okalanga se nkundi akola kw’ansongi.+
33 E sibu kia Yave kina muna nzo a kimpumbulu,+Kansi osambula nzo z’ansongi.+
34 Kadi ovezanga avezi,+Kansi ofwilanga alembami e nkenda.+
35 Akwa ngangu nkembo betambula,Kansi mazowa besanisinanga mambu metwasanga e nsoni.+
Mvovo vana yand'a lukaya
^ Yovo “nsiku ame.”
^ Mvovo wa Kiyibere una ye nsasa vo: “zola ye walakazi ulembi suka.” Tala Nsas’a Mvovo. “Zola kulembi suka.”
^ Mvovo wa sina: “Kuyekamena.”
^ Mvovo wa sina: “nkumba aku.”
^ Yovo “mfutu aku wawonso.”
^ Yovo “kunku kisundidi o wete.”
^ Tala Nsas’a Mvovo.
^ Kalukatisiku ko vo, i ngangu, umbakuzi yo zayi wa Nzambi uyikilu muna tini iviokele.
^ Yovo “Avo koko kwaku kulenda wo vanga.”
