Ngana 31:1-31
31 Mambu mamfunu ma Lemuele wa Ntinu, mana ngudi andi kavova muna kunlonga:+
2 E mwan’a me, adieyi mfwete kuvovesa,Adieyi, e mwan’a vumu kiame,Adieyi, e mwan’a nsilu miame?+
3 Kuvani ngolo zaku kwa akento ko,+Ngatu landa nzila zifwasanga atinu.+
4 E Lemuele, ke diambote ko kwa atinu,Ke diambote ko kwa atinu o nua e vinyuNgatu ayadi bavova vo: “Ameyi malavu mame?”+
5 Kimana balembi nua yo vilakana nsiku miasikidiswaYo bendomona e nzengo za asukami.
6 Vana e vinyu kwa awana bekwendanga ku lufwasu+Ye vinyu kwa awana bakendalala.+
7 Yambula banua yo vilakana usukami wau;Yambula balembi yindula diaka e mpasi zau.
8 Vovela awana ke balendi vova ko;Tanina e diambu dia awonso se befwa.+
9 Ubavovela yo fundisila kuna unsongi;Zenga diambu dia munkondwa nsadisi ye nsukami.+
א [Alefa]
10 O nkento angangu,* nani olenda kunsolola?+
E ntalu andi ilutidi kikilu makolado.*
ב [Bete]
11 O ntim’a nkaz’andi ukumbundanga e vuvu,Kakondelo lekwa kia ntalu ko.
ג [Ngimele]
12 Okunsendanga muna wete, ke mu mbi ko,Muna lumbu yawonso ya zingu kiandi.
ד [Dalete]
13 Obakanga mika mia mameme ye lino;Una ye kiese kia sala muna moko mandi.+
ה [He]
14 Una nze nzaza za nkiti,+Zikuntwasilanga madia tuka kuna fulu kianda.
ו [Wau]
15 Osikamanga una kwakinu o fuku,Ovananga esi nzo andi madiaYo vana kunku kwa ntaudi zandi za mankento.+
ז [Zayine]
16 Obakidi e nzengo za vua mpatu, osumbidi yo;Okunini mpatu a vinyu muna mfutu wa salu kiandi.*
ח [Hete]
17 Okubamene muna salu kiangolo*+Yo siamisa moko mandi.
ט [Tete]
18 Omwene vo e kinkita kiandi nluta kitwasanga;E mwind’andi ke uzimanga ko muna fuku.
י [Yoda]
19 Moko mandi masimbidi nti wa zekela e vusu,O moko mandi masimbidi mbutu.*+
כ [Kafe]
20 Oyalanga moko mandi kwa munkondwa nsadisi,Yo ziulwila nsukami o moko.+
ל [Lamede]
21 Ke tokanenanga esi nzo andi ko vava mvul’ampembe inokanga,Kadi esi nzo andi awonso nlele mia nsungi a kiozi bevuatanga.*
מ [Meme]
22 Ovanganga nlele mia mfulu.
E mvuatu miandi mia lino ye mika mia se kia nduwa.
נ [Nune]
23 Nkaz’andi otomene zayakana muna mavitu ma mbanza,+Muna kevuandanga ye mbuta za nsi.
ס [Sameke]
24 Mvuatu mia* lino ketunganga yo tekaYo teka mponda kw’akiti.
ע [Ayine]
25 Ovuete nkuma yo wete,Otalanga kuna ntwala ye vuvu kiasikila.*
פ [Pe]
26 Oziwidi nu’andi muna ngangu;+O nsiku a wete* wina vana lubini lwandi.
צ [Tsade]
27 Otoma talanga e salu kia esi nzo andi,Ke dianga madia ma kimolo ko.+
ק [Kofe]
28 O wan’andi batelamene, banyikidi vo nkwa kiese;O nkaz’andi otelamene, unsanisini.
ר [Rese]
29 Vena ye akento ayingi ambote,Kansi, ngeye osundidi yau awonso.
ש [Sine]
30 O wete ulenda kala wa luvunu, ovienga kulenda vioka,+Kansi o nkento ovuminanga Yave osanisinua.+
ת [Tau]
31 Yambula kasendwa mu kuma kia mavangu mandi,*+E salu yandi yansanisina muna mavitu ma mbanza.+
Mvovo vana yand'a lukaya
^ Yovo “nkento ambote.”
^ Tala Nsas’a Mvovo.
^ Yovo “muna nluta miandi.” Mvovo wa sina: “muna mbongo a moko mandi.”
^ Mvovo wa sina: “Ovuete ngolo muna luketo lwandi.”
^ E mbutu i nti wasadilwanga muna zekela e vusu, i sia vo, wavangila nsinga ye lino.
^ Mvovo wa sina: “bekundakesanga.”
^ Yovo “Yinkutu ya.”
^ Yovo “Osevanga e lumbu ilanda.”
^ Yovo “Luludiku lwambote; Nsiku a zola.”
^ Mvovo wa sina: “Umvana mbongo a moko mandi.”
