Ngana 9:1-18
9 E ngangu zakieleka zitungidi e nzo andi;Zivadidi malunzi mandi nsambwadi.
2 Zikubikidi mbizi ayingi;*Yo sanganisa vinyu andi;Ziyadidi mpe meza mandi.
3 Zitumini ntaudi zandi za akentoKimana bakaza muna fulu yazangama ya mbanza, oku vo:+
4 “Ona wina vo munkondwa ngangu, yambula keza ovava.”
Ovovele kwa munkondwa-ngangu* vo:
5 “Nuiza, nuadia mbolo ameYo nua vinyu ina nsanganisi.
6 Nuyambula uzowa weno, nuazinga;+Nuenda kuntwala muna nzil’a umbakuzi.+
7 Ndiona olonga mvezi, nsoni kekuyitwasila,+Ona osingika kimpumbulu, mpasi kekuyitwasila.
8 Kusembi mvezi ko, kadi okumenga.+
Singika nkwa ngangu, kadi okuzola.+
9 Longa o nkwa ngangu, kadi e ngangu zandi ziwokela.+
Longa o nkwa unsongi, o zayi wandi uwokela.
10 O vumi wa Yave i lubantiku lwa ngangu,+Ozaya o Mvauki+ i umbakuzi.
11 Kadi muna mono, e lumbu yaku yayingi ikala,+E mvu mia zingu kiaku mikudikilwa.
12 Avo okitukidi nkwa ngangu, okala ye ngangu muna wete dia ngeye kibeni,Kansi avo u mvezi, ngeye mosi obaka e mfwilu.
13 O nkento azowa nkwa mavuanga.+
O tunga kazeye diambu ko.
14 Ovuende vana mwelo a nzo andi,Vana kunda, vana fulu kiazangama muna mbanza,+
15 Obokelanga minduti a nzila,Ana bena muna nzila zau:
16 “Ndiona wina vo munkondwa-ngangu,* yambula keza ovava.”
Ovovele kwa minkondwa-zayi* vo:+
17 “E maza ma yiya, mazenza,O madia mediwanga kuna kinsweki, mantomo.”+
18 Kansi kazeye wo ko vo e nzo andi yazala yo mafwa,E nzenza zandi bena muna masina ma Ziami.*+
Mvovo vana yand'a lukaya
^ Mvovo wa sina: “Ovondele mbizi zandi.”
^ Mvovo wa sina: “minkondwa-ntima.”
^ Mvovo wa sina: “munkondwa-ntima.”
^ Mvovo wa sina: “minkondwa-ntima.”
^ Yovo “Seol,” i sia vo, ziami ya wantu awonso. Tala Nsas’a Mvovo.
