Nkunga 138:1-8
Nkung’a Davidi.
138 Ikukembelela yo ntim’ame wawonso.+
Vana ntadisi a nzambi zankaka,Ikuyimbidila nkunga.*
2 Ikuvumbamena vana ndose a tempelo* aku avauka,+Ikembelela nkumbu aku+Muna kuma kia walakazi ye ziku kiaku.
Kadi otundidikidi diambu diaku ye nkumbu aku vana ntandu a lekwa yawonso.*
3 E lumbu kina yabokela, ongeye wamputula;+
Wampana unkabu* yo kunkumika.+
4 Atinu awonso a nza bekukembelela, e Yave,+Kadi bewá e nsilu mia nua aku.
5 Beyimbidila oma ma nzila za Yave,Kadi o nkembo a Yave wanene.+
6 Kana una vo Yave wazanguka, otalanga nlembami,+Kansi, o nkwa umvuania kuna vala kanzayidi.+
7 Kana nkutu vava idiatila vana kati kwa vonza, ongeye okunzingisa.+
Olambulanga koko kwaku muna kakidila makasi ma mbeni zame;O koko kwaku kwalunene kukumpuluza.
8 Yave olungisa mawonso muna wete diame.
E Yave, o walakazi waku wakwele mvu;+Kubembola salu ya moko maku ko.+
Mvovo vana yand'a lukaya
^ Nanga, “Muna kolamena nzambi zankaka, ikuyimbidila nkunga.”
^ Yovo “nzo.”
^ Nanga, “otundidikidi mvovo aku vana ntandu a nkumbu aku yawonso.”
^ Yovo “wavana moyo ame unkabu.”
