Nkunga 147:1-20
147 Nukembelela YA!*
Kadi diambote dia yimbidila Nzambi eto;Diawete ye difwanukini muna kunkembelela!+
2 Yave otunga Yerusaleme;+Okutakesa nkangu a Isaele wamwangana.+
3 Osasulanga awana babudikwa e ntima;Owukanga mputa zau.
4 Ozeye lutangu lwa ntetembwa;Oyikilanga zawonso muna nkumbu.+
5 O Mfumu eto wanene, osundidi o nkuma;+Umbakuzi wandi ke una ye tezo ko.+
6 Yave otelamesa alembami,+Vo i yimbumpulu okubabwisa vana ntoto.
7 Nuyimbidila Yave yo matondo;Nuyimbidila Nzambi eto muna kokolo,
8 Ona ofukanga e zulu yo matuti,Ona onokesanga e mvula ova ntoto,+Yo menesa e titi+ muna miongo.
9 Ovananga madia kwa bulu,+Kwa wan’a ngono-ngono ana bekienganga ye nzala.+
10 Ke yangalelanga ngolo za mvalu ko;+Ngatu sivika malu mangolo ma muntu.+
11 Yave oyangalelanga ana bekumvuminanga,+Ana bebundanga walakazi wandi e vuvu.+
12 E Yerusaleme, sanisina Yave.
E Zione, kembelela Nzambi aku.
13 Osiamisa e mbindi za mavitu ma mbanz’aku;Osambula wan’aku bena yaku.
14 Otwasa luvuvamu muna mvivu aku;+Okuyukutisila muna wiki* isundidi o wete.+
15 Otwikidi nkanikinu andi ova ntoto;E mvovo andi nzaki ukwendanga.
16 Onokesanga e mvul’a mpembe nze vusu;+Omwanganesanga dime diakangama mu kuma kia kiozi nze ntoto ampolo.+
17 Onokesanga matadi ma mvula nze nkesona za mbolo.+
Nani olenda zizidila e kiozi kiandi?+
18 Otwikanga e diambu diandi, mazelokele.
Ovevomonanga tembwa kiandi,+ o maza mekukulanga.
19 Ozayisi diambu diandi kwa Yakobo,E mîna ye nzengo zandi kwa Isaele.+
20 Kavangidi wo kwa konso zula ko;+Ke bazeye oma ma nzengo zandi ko.
Nukembelela YA!*+
Mvovo vana yand'a lukaya
^ Yovo “Aleluya!” E “YA” i mpila yankufi ya yikila e nkumbu Yave.
^ E witi i mbwaza zivangilwanga e mfumfu a mbolo.
^ Yovo “Aleluya!” E “YA” i mpila yankufi ya yikila e nkumbu Yave.
