Nkunga 18:1-50
Kuna kwa ntwadisi a nkunga. Nkung’a Davidi wa selo kia Yave, una kayimbidila Yave muna lumbu kina Yave kamvuluza vana moko ma mbeni zandi zawonso ye vana koko kwa Saulu, oku vo:+
18 Izolele, e Yave, wa ngolo zame.+
2 Yave i tadi diame ye swekameno diame diangolo ye mvuluzi ame.+
Nzambi ame i tadi diame,+ kwa yandi ntinini,E ngubu ame ye mpok’ame* a luvuluzu* ye tininu diame diasikila.*+
3 Mbokele Yave ona ofwene kembelwa,Kampuluza muna mbeni zame.+
4 E nsinga mia lufwa minzingalakene;+O wantu akondwa mfunu bambwesese o wonga nze kizalu.+
5 E nsinga mia Ziami* minzingalakene;E ntambu mia lufwa mimbakidi.+
6 Muna mpasi zame mbokele Yave,Ndombele lusadisu kwa Nzambi ame.
Owidi e nding’ame tuka muna tempelo andi,+
E kazu kiame kilweke muna matu mandi.+
7 E ntoto uyantikidi nikuka yo zakama;+E nkubilwa za miongo ziwudikidiYo zakama kadi ofungidi o makasi.+
8 Muna mazunu mandi mwavaika mwisi,Muna nu’andi mwavaika tiya twa mbomoni;+
Makala ma tiya mavaika muna yandi malemanga.
9 Wafumbika e zulu yo kulumuka,+E tombe kiangolo kikilu kikedi kuna nsi a tambi yandi.+
10 Wizidi tilumuka vana ntandu a nkelubi;+Wizidi tilumuka nswalu muna mave ma mbasi.*+
11 Ukifukidi e tombe,+Kinzungidi nga saba,Maza mandombe ye matuti malomboka.+
12 Tuka muna ntemo wina vana kena,Ye muna matuti muvaikidi mvul’a matadi ye makala ma tiya.
13 I bosi Yave oyantikidi talumuka kuna zulu;+O Mpungu-nene owisisi nding’andi+Onokese mvul’a matadi ye makala ma tiya.
14 Onongene nzanza zandi, ubamwanganese;+Ovaikisi nsemo andi, ubakotese muna mavuanga.+
15 Masina ma nkoko mamonekene;+E nkubilwa za ntoto zisenzamene muna lusembo lwaku, e Yave,Ye mpemo a mazunu maku.+
16 Olambwidi koko kwandi tuka kuna ntandu;Umbongele ye kuntombola muna nsi a maza.+
17 Umpulwizi vana moko ma mbeni ame angolo,+Vana moko m’awana bambenga, ana bansundae ngolo.+
18 Bandwanisa muna lumbu kia mpasi zame,+Kansi o Yave wansadisa.
19 Wampaikisa yo kundata vana fulu kiavuvama;*Wampuluza kadi wangiangalela.+
20 Yave wansenda muna kuma kia unsongi wame;+Wamputulwila muna kuma kia moko mame makondwa-kuma.*+
21 Kadi ilundanga nzila za Yave,Kivangidi vilwa wa yambula Nzambi ame ko.
22 E nzengo zandi zawonso zina ova ndose ame;Kivengomoka muna nsiku miandi ko.
23 Kikala ye tumbu ko vana ndose andi,+Ikuyikenga muna mbi.+
24 Yambula Yave kansenda muna kuma kia unsongi wame,+Wau nkondelo kuma vana ndose andi.+
25 Kuna kwa nkwa kwikizi, okuyisonga vo u nkwa kwikizi;+Kuna kwa munkondwa-kuma, okuyisonga vo wakondwa-kuma;+
26 Kuna kwa mveledi, okuyisonga vo u mveledi,+Kuna kwa mbendomoki, okuyisonga vo u nkwa ngangu.+
27 Kadi ovuluza alembami,*+Kansi, akwa lulendo* okubakulula.+
28 Kadi ngeye okwikanga mwinda ame, e Yave;Nzambi ame ona okitulanga e tombe kiame se ntemo.+
29 Muna lusadisu lwaku, ndenda nuana ye buka kia asanzi;+Muna ngolo za Nzambi ndenda manta e yaka.+
30 E nzil’a Nzambi aludi yalunga;+E diambu dia Yave diavelela.*+
Yandi i ngubu kwa awonso betininanga kwa yandi.+
31 Nani i Nzambi avo ke Yave kaka ko e?+
Nani i tadi avo ke Nzambi eto kaka ko e?+
32 O Nzambi aludi okunkumikanga,+Yo singika e nzil’ame.+
33 Okitwidi malu mame nga ma nkayi;Untelamese muna fulu yazanguka.+
34 Okundonganga nuana e vita;Moko mame malenda fumbika mfumba wa nsongo.
35 Umpene ngubu aku ya luvuluzu,+Koko kwaku kwalunene kunsadisi,
Lulembamu lwaku luntundidikidi.+
36 Osanzwidi e nzil’a tambi yame;E tambi yame ke isielomoka ko.+
37 Lakama ilakama mbeni zame, yabafwasa;Kivutuka ko yavana ikubafukisa emvimba.
38 Ikubakosomona kimana balembi telama diaka;+Ikubadiatakesa kuna nsi a tambi yame.
39 Okumpana ngolo za nuanina e vita;Obwisa mbeni zame vana ndose ame.+
40 Oyambula vo mbeni zame bantina;*Sukisa isukisa* awana bambengene.+
41 Bakazidi, kansi ke vena muntu ko okubavuluza;Bakazidi nkutu kwa Yave, kansi kabatambulwidi ko.
42 Ikubafusakesa nga mbundukutu inatwanga kwa tembwa;Ikubaveta kuna mbazi nga nteke muna nzila.
43 Okumpuluza muna makumbu ma nkangu.+
Okuntumbika se ntu vana vena e zula;+O nkangu una kizeye ko ukunsadila.+
44 Vava bewa kaka e nsangu mu kuma kiame, bekundemvokela;Anzenza bekwiza oku ngina ye wonga.+
45 Anzenza ke bekala diaka ye unkabu ko;*Bevaika ye wonga muna matininu mau.
46 Yave i Nzambi amoyo! Yambula e Tadi diame diakembelwa!+
Yambula Nzambi a luvuluzu lwame katundidikwa.+
47 Nzambi aludi okundandila e kunda;+Oyambula vo nkangu miandemvokela.
48 Umpulwizi vana moko ma mbeni zame akwa nganzi;Untundidikidi vana vena awana bekundwanisanga;+Umpulwizi vana moko ma nkwa nsoki.
49 I dianu vo, ikukembelela vana vena zula, e Yave,+Yo yimbidila nkumbu aku.+
50 Ovangidi mavangu manene muna vuluza ntinu andi;+Osonganga walakazi kwa kuswa kiandi,+Kwa Davidi ye mbongo andi yakwele mvu.+
Mvovo vana yand'a lukaya
^ Tala Nsas’a Mvovo.
^ Yovo “mvuluzi ame a nkuma.”
^ Yovo “tininu diame diazanguka.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Mvovo wa sina: “mave ma mwanda.”
^ Yovo “fulu kiasanzuka.”
^ Yovo “velela kwa moko mame.”
^ Yovo “mimbona-mpasi.”
^ Yovo “meso ma lulendo.”
^ Yovo “diatontwa vana tiya.”
^ Yovo “okumpana nima za mbeni zame.”
^ Mvovo wa sina: “Ikaka nua mia.”
^ Yovo “belala.”
