Nkunga 30:1-12
-
Lukendalalu lukitukidi se kiese
-
E dienga dia Nzambi diakwele mvu (5)
-
Nkunga. Nkung’a sunzulwila e nzo. Nkung’a Davidi.
30 Ikutundidika, e Yave, kadi untelamese;*Kuyambwidi ko vo mbeni zame bayangalala mu kuma kia mpasi zame.+
2 E Yave wa Nzambi ame, kwa ngeye nkazidi wansadisa, ongeye ungukidi.+
3 E Yave, ngeye untombwele muna Ziami.*+
Oyambwidi vo yakala moyo; untanini yalembi bwa muna wulu.*+
4 Nuyimbidila Yave, yeno minkwikizi miandi,+Nuvutula matondo muna nkumbu andi avauka.*+
5 Kadi makasi mandi ma kolo kiandwelo,+Kansi, ovua e dienga diandi, dia zingu kiawonso.+
E dilu kilenda lwaka o fuku, kansi muna mene-mene, kiese.+
6 Vava yakala muna luvuvamu, yavova vo:
“Kilendi nikunua ko.”*
7 E Yave, vava yakala ye dienga diaku, wansiamisa nze mongo.+
Kansi vava wasweka e ndose aku, yamona wonga.+
8 E Yave, kwa ngeye yabokelanga;+Kwa Yave yadodokelanga.
9 Nkia nluta mikala muna lufwa lwame,* avo nkulumukini muna wulu?*+
Nga ntoto ukukembelela?+ Nga usamuna e ziku kiaku e?+
10 Wá, e Yave, unsonga e dienga.+
E Yave, kala nsadisi ame.+
11 Okitwidi dilu kiame se makinu;Okatwidi ngoto ame, umvuikidi kiese,
12 Kimana omono* yayimbidila nkembo aku, vana fulu kia dingalala.
E Yave wa Nzambi ame, ikukembelela yakwele mvu.
Mvovo vana yand'a lukaya
^ Yovo “unzangwidi.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “ziami.”
^ Mvovo wa sina: “luyindulu lwa vauka kwandi.”
^ Yovo “kilendi bwiswa ko.”
^ Mvovo wa sina: “menga mame.”
^ Yovo “ziami.”
^ Yovo “o zitu wame.”
