Nkunga 46:1-11
Kuna kwa ntwadisi a nkunga. Nkung’a wan’a Kora.+ Muna ngimbila ya Alamote.*
46 Nzambi i tininu dieto yo nkuma,+Yandi i nsadisi muna ntangw’ampasi.+
2 I dianu vo kimona wonga ko kana nkutu vo o ntoto uvilukidiKana nkutu e miongo miwongomokene muna sina dia kalunga.+
3 Avo maza ma kalunga makumbidi yo vaikisa fulu-fulu,+E miongo mizakamene muna ndikuk’andi. (Sela)
4 Vena ye nkoko una vo e nsuku miandi mimwesanga mbanz’a Nzambi e kiese,+Saba kianene kiavauka kia Mpungu-nene.
5 Nzambi una muna mbanza;+ ke ilendi fwaswa ko.
Nzambi osadisa yo muna nkielelo a kuma.+
6 E zula ikotele mu mvuanga, yimfumu ibwisilu;Nzambi otatwidi nding’andi, o ntoto uzelokele.+
7 Yave a vu una yeto;+O Nzambi a Yakobo i tininu dieto diasikila.* (Sela)
8 Nuiza nuatala salu ya Yave,Una kevangilanga mambu masivi ova ntoto.
9 Osukisanga e vita muna nza yawonso.+
Yo tolola mfumba yo bukuna e dionga;Oyokanga makalu ma* vita vana tiya.
10 Nukitambika, nuazaya wo vo mono i Nzambi.
Itundidikwa vana vena e zula;+Itundidikwa muna nza.+
11 Yave a vu una yeto;+O Nzambi a Yakobo i tininu diasikila kwa yeto.+ (Sela)
