Nkunga 64:1-10
-
Taninua mu kuma ki’awana bamvuandidi e mfulu kuna kinsweki
-
“Nzambi okubanonga” (7)
-
Kuna kwa ntwadisi a nkunga. Nkung’a Davidi.
64 E Nzambi, wá nding’ame, avo idodokele.+
Tanina moyo ame muna vita zampasi za mbeni zame.
2 Untanina muna yimpumbulu bamvuandidi e mfulu kuna nsweki,+Muna ndonga ya mimpanga mambi.
3 Balengele tubini twau nze nsosolo;Batubidi mvovo miambi nze maswanga,
4 Muna maswekameno mau banongene munkondwa-kuma;Banongene kuna kinsalukisa, yau kebamoni wonga.
5 Batatamene makani mau mambi;*Bavovele una belekela ntambu miau.
Bavovele vo: “Nani omona mio?”+
6 Bavavidi ndekwa zampa za vangila mambu mambi;Basokele makani mambi kuna kinsweki;+E ngindu ye ntim’a konso muntu ke ufimpakana ko.
7 Kansi Nzambi okubanonga e nzanza;+Ku kinsalukisa belwekelwa.
8 Tubini twau tukubatwasila lufwasu;+Awonso bemona wo, benikuna ntu miau.
9 Ozevo, wantu awonso bemona wonga,Besamuna mana Nzambi kavangidi,
Bebakula mavangu mandi.+
10 O nsongi omwena kiese muna Yave, otinina kwa yandi;+Awonso akwa ntima miansongi beyangalala.*
Mvovo vana yand'a lukaya
^ Yovo “Bekasakesanga muntu yo nkwandi muna vanga mbi.”
^ Yovo “bekuyisana.”
