Nsiku 32:1-52
32 “Tamb’o matu, e zulu, omono ivova,Yambula e nza yawá e mvovo mia nu’ame.
2 E longi diame dinoka nze mvula;E mvovo miame misotoka nze dime,*Nze mawanga ma mvula vana titiNze mvul’a ngolo vana mvudi.
3 Kadi izayisa e nkumbu a Yave.+
Oyeno nkangu, nuvovela o nene wa Nzambi eto!+
4 E Tadi, mavangu mandi malunga,+Kadi e nzila zandi zawonso zansongi.+
Nzambi akwikizi,+ ona okondelo vilwa;+Wansongi yo singama.+
5 Oyau i bavanga mambu mambi.+
Ke wan’au ko, e mbi ya yau kibeni.+
Oyau mbandu yatekomoka yo bendomoka!+
6 E nkangu a uzowa, wakondwa e ngangu,+Nga i wau nufwete tondela Yave?+
Nga ke yandi ko i Se diaku ona wavana o moyo,+Ona wavanga yo toma kusikidisa?
7 Sungamena e lumbu yankulu;Badika e mvu mia mbandu zavioka.
Yuvula se diaku, oyandi okuzayisa;+Akuluntu aku, oyau bekusamunuina.
8 O Mpungu-nene vava kavana kwa konso zula e vua diandi,+Vava kavambula wan’a Adami,* muntu yo nkwandi,+Wasikidisa mingilu mia nkangu+Mun’owu wa lutangu lwa wan’a Isaele.+
9 Kadi o nkangu a Yave i kunku kiandi;+O Yakobo i vua diandi.+
10 Oyandi wansolola muna nsi ya makanga+Mu makanga makondwa lekwa, mazala yo mazu ma bulu.+
Wanwonzakana muna kuntanina, wanlunga-lunga,+Wanlunga-lunga nze mwan’a disu diandi.+
11 Wauna e ngo-zulu inikunuinanga e nzialw’andi,Yo vuvila vana ntandu a wan’andi,Yo yalumuna mave mandi muna kubabaka,Yo kubanatina muna nsala zau,+
12 Yave kaka wamfilanga;*+Kana nzambi mosi anzenza kakala yandi ko.+
13 Wandiatisila muna mvalu vana fulu yazanguka ya ntoto,+Kimana kadia e mbongo a mpatu.+
Wandikila wiki watuka muna tadiYo mazi matuka muna tadi diangolo,
14 Manteka ma ngombe ye kimvumina kia mameme,Kumosi ye mameme masundidi o wete,*Ye mameme ma makoko ma Basani ye nkombo,Kumosi ye witi usundidi o wete;+Ye wanua vinyu yatuka muna menga* ma uva.
15 Vava Yesurune* kavonga, owende mfumu andi e kinsi.
Ongeye ovongele, okumamene yo diasama e vumu.+
I bosi, obembwele Nzambi, ona wamvanga,+Ovezele Tadi dia luvuluku lwandi.
16 Bamfungisa o makasi mu kuma kia nzambi za nzenza;+
Bankendeleka mu kuma kia lekwa yangemi.+
17 Bakelanga yimenga kwa nkuya, ke kwa Nzambi ko,+Kwa nzambi zina ke bazaya ko,Ezi zampa, zina zivaikidi ke kolo ko,Kwa nzambi zina akulu eno ke bazaya ko.
18 Ovilaken’e Tadi,+ una vo i se diaku,Kusungamene Nzambi ko ona wawuta.+
19 Vava Yave kamwene wo, ubabembwele+Kadi o wan’andi amakala yo wan’andi amakento bamfungisa makasi.
20 Muna kuma kiaki wavova vo: ‘Ikubasweka e ndose ame;+Imona kana aweyi besukila.
Kadi oyau mbandu yabendomoka,+Wana bakondwa e kwikizi.+
21 Bamfungisa makasi* muna lekwa ina vo ke nzambi ko;+Bankendeleka mu kuma kia teke yau yakondwa mfunu.+
Muna kuma kiaki, isadila awana bena vo ke nkangu ko mu kubamwesa e nsongo;+Isadila zula kia uzowa mu kubafungisa makasi.+
22 Kadi makasi mame makwikidi tiya+Tuna tuyoka yamuna nsi a Ziami,*+Tubomona o ntoto ye mbongo andiYo zinisa e nkubilwa za miongo.
23 Iwokesa e sumbula yau;Muna yau ifokolwela e nzanza zame.
24 Betovoka mu kuma kia nzala+Bediwa kwa ngianduk’angolo ye lufwasu lwampasi.+
Ikubatwikila meno ma bulu yansisi+Ye manga mia lekwa izanzalanga vana mbundukutu a ntoto.
25 Kuna mbazi, o nsosolo uvonda o wan’aku;+Muna kati, mukala nzakamu+Mu kuma kia toko yo mwenze,Kingiana-ngiana yo nkwa nsuki zampembe.+
26 Yadi vova vo: “Ikubamwanganesa;Isukisa luyindulu lwau vana vena wantu,”
27 Kansi, kivovele wo ko kadi wonga mbwene wa dina e mbeni zame badi vova,+Kadi e mbeni zame ke badi wo bakula ko.+
Badi vova vo: “Mu ngolo zeto tusundidi;+Ke Yave ko ovangidi mambu mama mawonso.”
28 Kadi oyau i zula kiakondwa umbakuzi,*Ke vena umbakuzi ko vana bena.+
29 Ekwe kele vo bakala akwa ngangu!+ Oyau badi dio badika.+
Badi yindula dina diadi kubabwila.+
30 Aweyi muntu mosi kadi lakamena 1.000,O nzole walakama 10.000?+
Ke dilendakana ko, nanga vo o Tadi diau kabateka+O Yave kabayekola kwa mbeni zau.
31 Kadi e tadi diau ke dina nze Tadi dieto ko,+Kana nkutu i mbeni zeto bazeye wo.+
32 Oyau bena nga nsing’a vinyu utukidi kuna SodomaMuna mpatu a Ngomora.+
E uva zau uva zampondi,E saki yau yandudi.+
33 E vinyu au i manga mia nioka,Manga miampondi mia mpidi.
34 Mavangu mau mawonso nkangidi mo e dimbuYo lunda mo muna malundilu ma nzo ame.+
35 Diame dia landa e kunda yo senda,+Muna ntangwa yasikidiswa, vava o kulu kwau kusielomoka,+
Kadi e lumbu kia vonza kiau kifinamene,O mambu mekubabwila mekwiza mu nzaki.’
36 Kadi Yave ofundisa o nkangu andi,+Ofwila selo yandi e nkenda+
Vava kemona vo nkum’au ukulukidi,Ona kaka okondelo lusadisu yo ntovoki basidi.
37 I bosi, ovova vo: ‘Akweyi zina e nzambi zau,+E tadi dina bavava tinina,
38 Ana badianga mazi ma yimenga yau,*Yo nua e vinyu ya tukau twau twangioka?+
Yambula batelama muna kunusadisa.
Yambula bakituka se fulu kieno kia tinina.
39 Owau nutala vo mono, elo, mono i Nzambi,*+Ke vena nzambi zankaka ko.+
Mono ivondanga, mono mpe ivananga moyo.+
Mono ilwekanga,+ mono mpe isasulanga,+Ke vena ona olenda vuluza muntu ko vana moko mame.+
40 Kadi nzangwidi koko kwame kuna zulu,Ndidi e ndofi, oku vo: “I nkal’ame kaka yakwele mvu,”+
41 Vava ilenga o nsosolo ame wa nkezimiYo kubika koko kwame mu fundisa,+
Landa ilanda e kunda kwa atantu ame+Yo vutulwila awana bekumbenganga.
42 Inuika e nzanza zame o menga yo kolwa,O nsosolo ame mbizi udia,Yo menga ma awana bavondelo ye ma abakami,Ye ntu mia mfumu za mbeni.’
43 Nuyangalala, yeno zula yo nkangu andi,+Kadi oyandi olanda e kunda kia menga ma selo yandi,+
Yo landa e kunda kwa atantu andi+
Yo lomba luyambulwilu lwa masumu ma* nsi a nkangu andi.”
44 I bosi, Mose wizidi yo tanga e mvovo miawonso mia nkunga wau vana vena nkangu,+ oyandi yo Oseya*+ wa mwan’a Nuni.
45 Vava Mose kamene yika e mvovo miami miawonso kwa Isaele yawonso,
46 ubavovese vo: “Nubadika e mvovo miawonso mia lulukisu mina ikunuzayisanga o unu,+ kimana nuakanikina wan’eno balemvokela e mvovo miawonso mia Nsiku wau.+
47 Kadi emiami ke mvovo miankatu ko kwa yeno, kansi i moyo eno,+ muna mvovo miami i nuzingila kolo kiayingi muna nsi ina nuvua vava nusauka Yodani.”
48 Muna lumbu kiau kimosi, Yave ovovese Mose vo:
49 “Tomboka ku mongo wau wa Abarimi,+ o Mongo a Nebo,+ owu wina mu nsi ya Moabe, mantalani ye Yeriko, tala e nsi ya Kenani ina ivana kwa Aneyisaele se vua.+
50 I bosi, ofwila kuna mongo una otomboka yo yikakeswa yo nkangu aku,* wauna Arone wa mpangi aku kafwila vana Mongo a Ore+ yo yikakeswa yo nkangu andi,
51 kadi yeno awole ke nuansonga kwikizi ko vana vena Aneyisaele vana maza ma Meriba+ ya Kadese muna makanga ma Zini, wau nualembi songa vana ntadisi a nkangu a Isaele vo mono yavauka.+
52 Kwandá omwena e nsi, kansi kukota ko muna nsi ivana kwa nkangu a Isaele.”+
Mvovo vana yand'a lukaya
^ Yovo “lowa.”
^ Nanga, “wantu.”
^ I sia vo, Yakobo.
^ Mvovo wa sina: “mameme ma mazi.”
^ Yovo “malavu ma nzenzo.”
^ Ina ye nsasa vo: “Muntu Ansongi,” zina dia luzitu dia Isaele.
^ Yovo “Bambweses’e nsongo.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Nanga, “zula ke kiwanga malongi ko.”
^ Yovo “yimenga yau isundidi o wete.”
^ Mvovo wa sina: “mono i yandi.”
^ Yovo “Yo velelesa e.”
^ I nkumbu a Yosua ya kingutukila. Oseya i mpila yankufi ya nkumbu Osaya, eyi ina ye nsasa vo: “Ovulwizu kwa YA; YA Ovulwizi.”
^ E mvovo miami lufwa miyikanga.
