Nsiku 33:1-29
33 Ezazi i nsambu kayikidi o Mose wa muntu a Nzambi aludi kwa Aneyisaele vitila lufwa lwandi.+
2 Mose ovovele vo:
“Yave—wizidi tuka kuna Sinai,+Okezimini vana bena tuka kuna Seyire.
Okezimini muna nkembo tuka kuna zunga kia miongo kia Parani,+Okedi kumosi ye mafunda ye mafunda m’avauki,*+O makesa mandi makedi kuna koko kwandi kwalunene.+
3 Ozolele nkangu andi;+Avauki awonso a nkangu vana koko kwaku bena.+
Bavuende vana malu maku;+Bayantikidi wá e mvovo miaku.+
4 (Mose utuvene nkanikinu, nsiku,+Se vua dia nkutakani a Yakobo.)+
5 Oyandi okitukidi se ntinu muna Yesurune,*+Vava e ntu mia nkangu bakutakene,+Kumosi ye makanda mawonso ma Isaele.+
6 Yambula Rubeni kakal’o moyo, kalembi fwa,+Yambula lutangu lwa wantu andi lwalembi kuluka.”+
7 Oyikidi e nsambu ezi mu kuma kia Yuda:+
“E Yave, wá e nding’a Yuda,+Umvutula kwa nkangu andi.
O moko mandi matanini* kina kavuidi,Unsadisa mu nuana ye atantu andi.”+
8 Mu kuma kia Levi, ovovele vo:+
“E Tumimi aku* ye Urimi aku+ ivuilu kwa ndiona okusonga e kwikizi,+Ndiona watonta kuna Masa.+
Ongeye wayantika tantana yandi vana maza ma Meriba,+
9 O muntu ona wavovesa se diandi yo ngudi andi vo: ‘Kikubazitisanga ko.’
Kasungamene kana nkutu mpangi zandi ko,+Ovezele o wan’a yandi kibeni.
Kadi balemvokele e diambu diaku,Yo lunda e kangu diaku.+
10 Yambula balongela Yakobo muna nzengo zaku za mfundisa+O Isaele muna Nsiku aku.+
Yambula bayoka e ndumbu se lekwa kia nsunga kuna kwa ngeye*+Yo lukau lwamvimba vana ziku diaku.+
11 E Yave, sambula e ngolo zandi,Yo yangalela e salu kia moko mandi.
Tolola o malu ma* awana bekuntelamenanga,Kimana awana bekumenganga balembi kuntelamena diaka.”
12 Mu kuma kia Benyamini ovovele vo:+
“Yambula ndiona wazolakana kwa Yave kazingila mu luvuvamu vana ndambu andi;Ekolo kekutanina lumbu kiamvimba,Oyandi ozingila vana kati kwa mavembo mandi.”
13 Mu kuma kia Yosefe ovovele vo:+
“Yambula e nsi andi yasambulwa kwa Yave+Ye lekwa ya zulu isundidi o wete,Ye dime* yo maza ma nto kuna nsi a ntoto,+
14 Ye lekwa isundidi o wete imeneswanga kwa mwini
Ye lekwa yisundidi o wete ivaikanga konso ngonde,+
15 Ye lekwa yisundidi o wete itukanga muna miongo miankulu*+Ye lekwa yisundidi o wete ya kundubulu ya mvu ke mvu,
16 Ye lekwa yisundidi o weteya ntoto ye ina izele ova ntoto,+Ye dienga dia Ndiona wamoneka vana mvanga.+
Yambula yawonso yayi iza vana ntu a Yosefe,
Vana mbat’a ntu a ndiona wasolwa vana vena e mpangi zandi.+
17 O nkembo andi nze wa mwan’antete a ngombe a koko,E mpoka zandi i mpoka za ngombe amfuta.
Muna mpoka zazi i kenungunuina* e nkanguYau awonso kumosi, yakuna nsuk’a nza.
Oyau i yazi ya mafunda ma makesa ma Eferaime,+Oyau i mafunda ma makesa ma Manase.”
18 Mu kuma kia Zebulune ovovele vo:+
“E Zebulune, yangalala muna mpaik’aku,Vo i ngeye, Yisakare, muna saba yaku.+
19 Oyau bebokela e nkangu kuna mongo.
I kûna bekelela yimenga ya unsongi.
Kadi bevola ulolo wa umvuama muna* mbuYe tusalu twaswekama muna senge.”
20 Mu kuma kia Ngadi ovovele vo:+
“Wasambulwa ndiona owokesanga e zunga kia Ngadi.+
Oyandi obubamene mo nga nkosi,Okubamene mu bukuta o koko, elo, e mbat’a ntu a bulu kabakidi.
21 Oyandi okuyisolela e kunku kiantete+Kadi i kûna kulundilwanga e kunku kia munsia-nsiku.+
Ana bena vo ntu muna nkangu bekutakana.
Oyandi olunganisa unsongi wa Yave,Ye nzengo zandi za mfundisa mu kuma kia Isaele.”
22 Mu kuma kia Dani ovovele vo:+
“O Dani i mwan’a nkosi.+
Otakuka tuka kuna Basani.”+
23 Mu kuma kia Nafetali ovovele vo:+
“O Nafetali oyangalele mu kuma kia dienga dia Yave.
Ozele ye nsambu zandi.
Vua kwaku e weste ye sude.”
24 Mu kuma kia Asere ovovele vo:+
“O Asere osambwilu mu wuta wana.
Yambula kavua e dienga dia mpangi zandi,Kavunga* malu mandi muna mazi.
25 E sengwa ye nsongo i bindikilu ya mavitu maku,+Mu luvuvamu okala e lumbu yaku yawonso.*
26 Ke vena ona ofwanane yo Nzambi aludi+ a Yesurune+ koOna okangalelanga mu mvalu kuna zulu muna kusadisaOna okangalelanga mu mvalu muna matuti muna nene wandi.+
27 Nzambi i tininu tuka muna tandu yankulu,+Moko mandi ma mvu ke mvu mena oku nsi aku.+
Oyinga e mbeni ova ntadisi aku,+Ovova vo: ‘Ubafwasa!’+
28 Isaele mu luvuvamu izingila,E nto a Yakobo ikala yau mosi kakaMuna nsi ina ye mbwaza ye vinyu ampa,+E zulu diandi disonsa dime.*+
29 E Isaele, u nkwa kiese!+
Nani ofwanane yaku,+Nkangu utaninuanga kwa Yave,+Wa ngubu aku a lutaninu+Ye nsosolo aku anene?
E mbeni zaku bekuyisakidika mu kuma kia wonga ova ntadisi aku,+Ongeye odiata vana nima zau.”*
Mvovo vana yand'a lukaya
^ Yovo “yazi ya mafunda ma avauki.”
^ Ina ye nsasa vo: “Muntu Ansongi,” zina dia luzitu dia Isaele.
^ Yovo “manuanini.”
^ Mu sono kiaki, o mvovo “aku” ye “okusonga,” Nzambi uyikanga.
^ Mvovo wa sina: “muna nzunu aku.”
^ Yovo “luketo lwa.”
^ Yovo “lowa.”
^ Nanga, “miongo mia este.”
^ Yovo “ketudila.”
^ Mvovo wa sina: “befienta e kimvuama kia.”
^ Yovo “Kasukula.”
^ Mvovo wa sina: “wauna una e lumbu yaku i ukala e ngolo zaku.”
^ Yovo “lowa.”
^ Nanga, “mabata.”
