Ntalu 1:1-54
1 I bosi, muna lumbu kiantete kia ngonde yanzole, muna mvu wanzole tuka bavaikila muna nsi ya Engipito,+ Yave ovovese Mose muna saba kia wananina+ muna makanga ma Sinai+ vo:
2 “Soneka+ o nkangu awonso a Isaele,* mosi-mosi, mun’owu wa vumu yau, mun’owu wa nzo za mase mau yo soneka e nkumbu za wan’amakala awonso.
3 Ongeye yo Arone nubasoneka mun’owu wa buka yau,* awonso bena ye mvu 20 yovo vioka,+ ana bafwana sala se makesa muna vu kia Isaele.
4 “Nubonga mwan’ayakala mosi muna konso kanda; konso muntu kafwete kala ntu muna nzo a se diandi.+
5 Ezazi i nkumbu za wantu bekala yeno: muna kanda dia Rubeni, nubonga Elisu+ wa mwan’a Sedeu;
6 muna kanda dia Simeone, nubonga Selumiele+ wa mwan’a Surisadai;
7 muna kanda dia Yuda, nubonga Nakesone+ wa mwan’a Aminadabi;
8 muna kanda dia Yisakare, nubonga Netanele+ wa mwan’a Suare;
9 muna kanda dia Zebulune, nubonga Eliabe+ wa mwan’a Kelone;
10 muna wan’a Yosefe: muna kanda dia Eferaime,+ nubonga Elisama wa mwan’a Amiudi; muna kanda dia Manase, nubonga Ngamaliele wa mwan’a Pedasu;
11 muna kanda dia Benyamini, nubonga Abidani+ wa mwan’a Ngidoni;
12 muna kanda dia Dani, nubonga Akieze+ wa mwan’a Amisadai;
13 muna kanda dia Asere, nubonga Pangiele+ wa mwan’a Okerane;
14 muna kanda dia Ngadi, nubonga Eleyasafe+ wa mwan’a Dewele;
15 muna kanda dia Nafetali, nubonga Akira+ wa mwan’a Enane.
16 Awaya i wantu babokelo vana vena nkangu. Yau i mfumu+ za makanda ma mase mau, i ntu mia mafunda ye mafunda ma Isaele.”+
17 Muna kuma kiaki, Mose yo Arone babongele wantu awaya ana basolelo kwa Nzambi.
18 Bakutakese nkangu awonso muna lumbu kiantete kia ngonde yanzole, kimana o wan’amakala a mvu 20 yovo vioka+ basonekwa mosi-mosi mun’owu wa nkumbu, vumu ye nzo za mase mau,
19 wauna o Yave kakanikina Mose. Osonekene nkumbu zau ekolo bakala muna makanga ma Sinai.+
20 O wan’a Rubeni, o wan’a mwan’antete a Isaele,+ basonekeno mun’owu wa nkumbu zau, vumu yau ye nzo za mase mau. Wan’amakala awonso a mvu 20 yovo vioka, ana bafwana sala se makesa muna vu, batangilu mosi-mosi.
21 O lutangu lw’awana basonekeno muna kanda dia Rubeni, 46.500.
22 O wan’a Simeone,+ basonekeno mun’owu wa nkumbu zau, vumu yau ye nzo za mase mau. Wan’amakala awonso a mvu 20 yovo vioka, ana bafwana sala se makesa muna vu, batangilu mosi-mosi.
23 O lutangu lw’awana basonekeno muna kanda dia Simeone, 59.300.
24 O wan’a Ngadi,+ basonekeno mun’owu wa nkumbu zau, vumu yau ye nzo za mase mau. Wan’amakala awonso a mvu 20 yovo vioka, ana bafwana sala se makesa muna vu, batangilu.
25 O lutangu lw’awana basonekeno muna kanda dia Ngadi, 45.650.
26 O wan’a Yuda,+ basonekeno mun’owu wa nkumbu zau, vumu yau ye nzo za mase mau. Wan’amakala awonso a mvu 20 yovo vioka, ana bafwana sala se makesa muna vu, batangilu.
27 O lutangu lw’awana basonekeno muna kanda dia Yuda, 74.600.
28 O wan’a Yisakare,+ basonekeno mun’owu wa nkumbu zau, vumu yau ye nzo za mase mau. Wan’amakala awonso a mvu 20 yovo vioka, ana bafwana sala se makesa muna vu, batangilu.
29 O lutangu lw’awana basonekeno muna kanda dia Yisakare, 54.400.
30 O wan’a Zebulune,+ basonekeno mun’owu wa nkumbu zau, vumu yau ye nzo za mase mau. Wan’amakala awonso a mvu 20 yovo vioka, ana bafwana sala se makesa muna vu, batangilu.
31 O lutangu lw’awana basonekeno muna kanda dia Zebulune, 57.400.
32 O wan’a Yosefe muna vumu kia Eferaime,+ basonekeno mun’owu wa nkumbu zau, vumu yau ye nzo za mase mau. Wan’amakala awonso a mvu 20 yovo vioka, ana bafwana sala se makesa muna vu, batangilu.
33 O lutangu lw’awana basonekeno muna kanda dia Eferaime, 40.500.
34 O wan’a Manase,+ basonekeno mun’owu wa nkumbu zau, vumu yau ye nzo za mase mau. Wan’amakala awonso a mvu 20 yovo vioka, ana bafwana sala se makesa muna vu, batangilu.
35 O lutangu lw’awana basonekeno muna kanda dia Manase, 32.200.
36 O wan’a Benyamini,+ basonekeno mun’owu wa nkumbu zau, vumu yau ye nzo za mase mau. Wan’amakala awonso a mvu 20 yovo vioka, ana bafwana sala se makesa muna vu, batangilu.
37 O lutangu lw’awana basonekeno muna kanda dia Benyamini, 35.400.
38 O wan’a Dani,+ basonekeno mun’owu wa nkumbu zau, vumu yau ye nzo za mase mau. Wan’amakala awonso a mvu 20 yovo vioka, ana bafwana sala se makesa muna vu, batangilu.
39 O lutangu lw’awana basonekeno muna kanda dia Dani, 62.700.
40 O wan’a Asere,+ basonekeno mun’owu wa nkumbu zau, vumu yau ye nzo za mase mau. Wan’amakala awonso a mvu 20 yovo vioka, ana bafwana sala se makesa muna vu, batangilu.
41 O lutangu lw’awana basonekeno muna kanda dia Asere, 41.500.
42 O wan’a Nafetali,+ basonekeno mun’owu wa nkumbu zau, vumu yau ye nzo za mase mau. Wan’amakala awonso a mvu 20 yovo vioka, ana bafwana sala se makesa muna vu, batangilu.
43 O lutangu lw’awana basonekeno muna kanda dia Nafetali, 53.400.
44 I yau awaya basonekeno kwa Mose, Arone ye mfumu 12 za Isaele, konso mfumu osunzwidi e nzo a se diandi.
45 Aneyisaele awonso a mvu 20 yovo vioka, ana bafwana sala se makesa muna vu, basonekeno mun’owu wa nzo za mase mau.
46 O lutangu lwa wantu awonso basonekeno, 603.550.+
47 Kansi, Anelevi+ ke basonekeno kumosi yo yau ko mun’owu wa kanda dia mase mau.+
48 Kadi Yave wavovesa Mose vo:
49 “Kusoneki kanda dia Levi ko, kusie lutangu lwau muna lutangu lwa Aneyisaele ankaka ko.+
50 Vana kwa Anelevi e salu kia lunga-lunga e saba kia Kimbangi+ ye salanganu yandi yawonso ye lekwa yawonso ya saba.+ Benata e saba ye salanganu yandi yawonso,+ besadila muna saba,+ besikidisa e ndo zau muna kinzieta kia saba.+
51 Konso ntangwa kinatwa e saba, Anelevi bafwete kio bangula;+ avo saba se kitelameswa, Anelevi bafwete kio telamesa; konso muntu* ona kavewa nswa ko ofinama, kafwete vondwa.+
52 “Konso Nyisaele kafwete simika e nzo andi a ngoto muna ndo andi, konso muntu mun’owu wa buka kiandi kia makanda tatu,*+ mun’owu wa buka yau.*
53 Anelevi bafwete sikidisa e ndo muna kinzieta kia saba kia Kimbangi, kimana yalembi fungila nkangu a Isaele makasi;+ Anelevi bekala ye kiyekwa kia lunga-lunga e* saba kia Kimbangi.”+
54 O nkangu a Isaele uvangidi mawonso mana Yave kakanikina Mose. I una kikilu bavangidi.
Mvovo vana yand'a lukaya
^ Mvovo wa sina: “wan’a Isaele.”
^ Mvovo wa sina: “mun’owu wa vu yau.”
^ Mvovo wa sina: “konso nzenza,” i sia vo, muntu una vo ke Nlevi ko.
^ Yovo “wa dimbu kiandi.”
^ Mvovo wa sina: “mun’owu wa vu yau.”
^ Yovo “kia lunda e; kia sala e salu kiau muna.”
