Ntalu 17:1-13
-
Nkau a Arone usavukidi yo kituka se sinsu (1-13)
17 Yave ovovese Mose vo:
2 “Vova kwa Aneyisaele yo tambula kwa yau nkau mosi-mosi muna konso nzo a se, kwa mfumu a konso nzo a se,+ e nkau miawonso mikala 12. Soneka e nkumbu a konso muntu muna nkau andi.
3 Ofwete soneka e nkumbu ya Arone muna nkau a Levi, kadi vena ye nkau mosi kaka mu kuma kia ndiona una vo ntu muna konso nzo a se.
4 Tula e nkau muna saba kia wananina vana ntwal’a Nkel’a Kimbangi,+ vana ikuyisunzulwilanga kwa yeno+ ntangwa zawonso.
5 O nkau a muntu ona isola+ usavuka, ifokola e ngidima beyidimanga Aneyisaele mu kuma kiame+ ye mu kuma kieno.”+
6 Muna kuma kiaki, Mose ovovese Aneyisaele. E mfumu zau zawonso bamvene e nkau—nkau 12, nkau mosi muna konso mfumu a nzo a se—o nkau a Arone ukedi vana kati kwa nkau miau.
7 I bosi, Mose osidi e nkau vana ndose a Yave muna saba kia Kimbangi.
8 Muna lumbu kialanda, vava Mose kakotele muna saba kia Kimbangi, tala, o nkau a Arone, owu wasunzulanga e nzo a Levi, usavukidi, uvaikisi e ntu, mvuma yo wuta bundu yabwaka ya nti wa amande.
9 I bosi, Mose otwese kwa nkangu awonso a Isaele e nkau miawonso mikedi vana ndose a Yave. Oyau batadidi mio, konso muntu obongele o nkau andi.
10 I bosi, Yave ovovese Mose vo: “Vutula o nkau a Arone+ vana ntwal’a nkel’a Kimbangi kimana walundwa se sinsu+ kwa wan’a ukolami,+ e ngidima zau mu kuma kiame zafokoka, kimana balembi fwa.”
11 Vana vau, Mose ovangidi una Yave kankanikini. I una kikilu kavangidi.
12 I bosi, Aneyisaele bavovese Mose vo: “Owau fwa tufwa, fuka kieleka tufuka, yeto awonso fuka tufuka!
13 Konso muntu nkutu ofinama e saba kia Yave fwa kefwa!+ Nga yeto awonso mpila yayi tufwila e?”+
