Ntalu 19:1-22
-
Ngombe ambwaki yo maza ma luveleleso (1-22)
19 Yave ovovese diaka Mose yo Arone vo:
2 “Owau i nsiku kakanikini o Yave: ‘Zayisa Aneyisaele vo batwasila ngombe mosi ankento yalunga yambwaki, ina yakondwa e fu+ muna nitu ye ke isidi siwa vangu ko.
3 Nuvana yo kwa Elaza wa nganga, oyandi onata yo kuna mbazi a ndo, e ngombe ivondelwa vana ntadisi andi.
4 O Elaza wa nganga ovunga nlembo andi muna menga ma ngombe yo zaza mo nkumbu nsambwadi kuna ndambu a mwelo a saba kia wananina.+
5 I bosi, e ngombe ankento iyokelwa vana ntadisi andi. O nkand’andi yo nsuni andi yo menga mandi kumosi ye mvindu andi vumu iyokwa.+
6 O nganga obonga nti a nsedele ye nti a isopo+ ye nsinga mia mbwaki akongola,* otuba yo vana tiya tuyokelwa e ngombe ankento.
7 O nganga osukula e mvuatu miandi yo yowela* muna maza, i bosi olenda kwandi kota muna ndo; kansi okala wafunzuka yamuna nkokela.
8 “‘Ndiona oyokel’e ngombe ankento osukula e mvuatu miandi muna maza yo yowela* muna maza, okala wafunzuka yamuna nkokela.
9 “‘O muntu una vo wavelela, okutika o ntoto ampolo+ a ngombe ankento yo lunda wo kuna mbazi a ndo vana fulu kiavelela, ufwete lundwa kwa nkangu a Isaele muna kubika o maza mesadilwa mu kuma kia luveleleso.+ Olwalu lukau lwa sumu.
10 Ndiona okutikidi o ntoto ampolo a ngombe ankento osukula e mvuatu miandi, okala wafunzuka yamuna nkokela.
“‘Owau ukala se nkanikinu a mvu ke mvu+ kwa Aneyisaele ye kwa nzenza ozingilanga vana kati kwau.
11 Konso ona osimba muntu afwa,* okala wafunzuka mu lumbu nsambwadi.+
12 O muntu ndioyo kafwete kuyivelelesela muna maza muna lumbu kiatatu, muna lumbu kiansambwadi okala wavelela. Kansi, avo kayivelelese ko muna lumbu kiatatu, muna lumbu kiansambwadi kekala wavelela ko.
13 Konso ndiona oviakane muntu afwa* yo lembi kuyivelelesa, saba kia Yave kasafwidi,+ o muntu ndioyo kafwete vondwa muna Isaele.+ Kadi kazazilu maza ma luveleleso ko,+ wakinu kaka wafunzuka. E mfunzuk’andi yakinu muna yandi.
14 “‘Owau i nsiku nusadila avo muntu ofwididi muna saba: Konso muntu okota muna saba ye konso muntu owanukini muna saba okala wafunzuka mu lumbu nsambwadi.
15 Konso kinzu kiaziuka, kikondwa fukwa kiakangidilwa, kikituka kiafunzuka.+
16 Konso muntu una mu nzanza oviakane muntu ovondelo mu nsosolo yovo vimbu yovo visi kia muntu yovo ziami, okala wafunzuka mu lumbu nsambwadi.+
17 Mu kuma kia muntu ofunzukidi, bafwete bonga ntoto ampolo a bulu kia lukau lwa sumu kina kiayokwa, besia wo muna kinzu yo tula wo maza mabongelo muna maza mekukulanga.
18 I bosi, muntu avelela+ obonga nti a isopo,+ ovunga wo muna maza yo zaza mo muna saba, muna yinzu yawonso, muna wantu* bena mo ye kwa ndiona osimba visi, yovo osimba muntu ovondelo yovo vimbu yovo ziami.
19 Muna lumbu kiatatu ye muna lumbu kiansambwadi, o muntu avelela ozaza maza kwa ndiona wafunzuka, muna lumbu kiansambwadi+ okumvelelesa muna sumu; i bosi, osukula e mvuatu miandi yo yowela muna maza, muna nkokela okituka wavelela.
20 “‘Kansi o muntu wafunzuka, ona olembi kuyivelelesa, o muntu ndioyo kafwete vondwa muna nkutakani,+ kadi nzo avauk’a Yave kasafwidi. O maza ma luveleleso ke mazazilu muna yandi ko, muna kuma kiaki wafunzuka.
21 “‘Owau ukala se nkanikinu wa mvu ke mvu kwa yau: O muntu ozaza o maza ma luveleleso+ kafwete sukula e mvuatu miandi, o muntu osimba maza ma luveleleso okala wafunzuka yamuna nkokela.
22 Konso lekwa kiviakanua kwa muntu afunzuka kikituka kiafunzuka, o muntu oviakane kio okala wafunzuka yamuna nkokela.’”+
Mvovo vana yand'a lukaya
^ Yovo “mbwaki-mbwaki.”
^ Mvovo wa sina: “sukula e nitu andi.”
^ Mvovo wa sina: “sukula e nitu andi.”
^ Yovo “osimba e vimbu dia konso moyo a muntu.” Tala Nsas’a Mvovo.
^ Yovo “oviakana e vimbu dia konso moyo a muntu.” Tala Nsas’a Mvovo.
^ Yovo “mioyo.”
