Ntalu 25:1-18
25 Ekolo Isaele kazingilanga kuna Sitimi,+ o wan’amakala bayantikidi tá e zumba yo wan’amakento a Moabe.+
2 Akento babokelese wan’amakala benda kuna yimenga ya nzambi zau,+ o wan’amakala bayantikidi dia yo vumbamena nzambi zau.+
3 Muna mpila yayi, Isaele oyantikidi sambila* Bale-Peo.+ Yave ofungidi Isaele o makasi.
4 Yave ovovese Mose vo: “Bonga afidi awonso a* nkangu wau, ubayengeleka vana ntadisi a Yave muna mwini,* kimana o makasi ma Yave mavengomoka muna Isaele.”
5 I bosi, Mose ovovese afundisi a Isaele vo:+ “Konso muntu mu yeno kafwete vonda wantu andi ana bayikamene nsambil’a* Bale-Peo.”+
6 Kansi, muna ntangwa yayina, mosi muna Aneyisaele otwese nkento a musi Midiani vana vena mpangi zandi,+ vana meso ma Mose ye nkangu awonso a Aneyisaele, ekolo badidilanga vana mwelo a saba kia wananina.
7 O Finekase+ wa mwan’a Elaza, wa mwan’a Arone wa nganga vava kamwene wo, vana vau otelamene vana kati kwa nkangu, obongele e dionga.*
8 Olende musi Isaele muna nzo a ngoto, ubatobwele yau awole, otobwele yakala wa musi Isaele yo nkento muna kikento kiandi. Muna kuma kiaki, e vuku kina kibwididi Aneyisaele kifokokele.+
9 O lutangu lwa awana bafwidi muna vuku, 24.000.+
10 I bosi, Yave ovovese Mose vo:
11 “Finekase+ wa mwan’a Elaza, wa mwan’a Arone wa nganga, ovengomwene makasi mame muna nkangu a Isaele, wau vo kayambulwidi konso vangu ko diakondwa kwikizi kwa mono vana bena.+ Kiaki i kuma kifukisidi Aneyisaele ko, ekolo ivavanga vo basambila kaka mono.+
12 Muna kuma kiaki, umvovesa vo: ‘Nkangidi yandi e kangu diame dia luvuvamu.
13 Dikala se kangu dia kinganga dia mvu ke mvu kwa yandi ye kwa mbongo ikulandila,+ kadi kayambulwidi vangu diakondwa kwikizi ko mu kuma kia Nzambi andi,+ olombele luyambulwilu lwa masumu mu kuma kia nkangu a Isaele.’”
14 Kinga, e nkumbu a musi Isaele ona ovondelo kumosi yo nkento a musi Midiani, Zimere wa mwan’a Salu, mfumu a nzo a Anesimeone.
15 E nkumbu a nkento a musi Midiani ona ovondelo, Kozebi wa mwan’ankento a Suro;+ o Suro yandi wakala mfumu a makanda ma nzo a se muna Midiani.+
16 Kuna kwalanda, Yave ovovese Mose vo:
17 “Bangika Anemidiani yo kubavonda,+
18 kadi bakunubangika muna mavangu mau ma umpuki kuna Peo+ ye dina Kozebi wa nsang’au, wa mwan’ankento a mfumu a Midiani kavanga, ona wavondwa+ muna lumbu kia vuku kina kiabwa mu kuma kia dina diavangama kuna Peo.”+
Mvovo vana yand'a lukaya
^ Yovo “Isaele oyikanene yo.”
^ Mvovo wa sina: “ntu miawonso muna.”
^ Mvovo wa sina: “vana ntadisi a mwini.”
^ Yovo “bayikanene yo.”
^ Yovo “swanga.”