Ntalu 26:1-65
-
Makanda ma Isaele masonekeno mu nkumbu wanzole (1-65)
26 Vava vuku kiafokoka,+ Yave ovovese Mose yo Elaza wa mwan’a Arone wa nganga vo:
2 “Soneka nkangu wawonso wa Isaele, ana bena ye mvu 20 yovo vioka, mun’owu wa nzo za mase mau, tanga awonso ana balenda sala se makesa muna vu kia Isaele.”+
3 Muna kuma kiaki, Mose yo Elaza+ wa nganga bavovese nkangu muna makanga ma Moabe,+ muna nlambu a Yodani, vana ndambu a Yeriko+ vo:
4 “Nusoneka awonso bena ye mvu 20 yovo vioka, wauna Yave kakanikini Mose.”+
O wan’a Isaele ana bavaika muna nsi ya Engipito i awaya:
5 Rubeni,+ wa mwan’antete a Isaele; o wan’a Rubeni:+ muna Kanoke, vumu kia Anekanoke; muna Palu, vumu kia Anepalu;
6 muna Keserone, vumu kia Anekeserone; muna Kami, vumu kia Anekami.
7 Eyayi i vumu ya Anerubeni, o lutangu lwa wan’au amakala ana basonekwa, 43.730.+
8 O mwan’a Palu, Eliabe.
9 O wan’a Eliabe: Nemuele, Datani yo Abirami. O Datani yo Abirami yau basolwa vana vena nkangu, ana bakolamena Mose+ yo Arone kumosi ye buka kia Kora,+ vava bakolamena Yave.+
10 I bosi, o ntoto uziukidi* yo kubamina. Vo i Kora, ofwidi kumosi ye awana banyikama vava o tiya twazinisa 250 ma wantu.+ Bakitukidi se mbandu a lulukisu.+
11 Kansi, o wan’a Kora ke bafwa ko.+
12 O wan’a Simeone+ mun’owu wa vumu yau, i awaya: muna Nemuele, vumu kia Anenemuele; muna Yamini, vumu kia Aneyamini; muna Yakini, vumu kia Aneyakini;
13 muna Zera, vumu kia Anezera; muna Saulu, vumu kia Anesaulu.
14 Eyayi i vumu ya Anesimeone: 22.200.+
15 O wan’a Ngadi+ mun’owu wa vumu yau, i awaya: muna Sefone, vumu kia Anesefone; muna Kangi, vumu kia Anekangi; muna Suni, vumu kia Anesuni;
16 muna Ozeni, vumu kia Aneyozeni; muna Eri, vumu kia Aneyeri;
17 muna Arodi, vumu kia Aneyarodi; muna Areli, vumu kia Aneyareli.
18 Eyayi i vumu ya wan’a Ngadi, o lutangu lwa wan’au amakala ana basonekwa, 40.500.+
19 O wan’a Yuda:+ Ere yo Orenane.+ Kansi, Ere yo Orenane bafwila muna nsi ya Kenani.+
20 O wan’a Yuda mun’owu wa vumu yau, i awaya: muna Sela,+ vumu kia Anesela; muna Perese,+ vumu kia Aneperese; muna Zera,+ vumu kia Anezera.
21 O wan’a Perese: muna Keserone,+ vumu kia Anekeserone; muna Kamule,+ vumu kia Anekamule.
22 Eyayi i vumu ya Yuda, o lutangu lwa wan’au amakala ana basonekwa, 76.500.+
23 O wan’a Yisakare+ mun’owu wa vumu yau, i awaya: muna Tola,+ vumu kia Anetola; muna Puva, vumu kia Anepuva;
24 muna Yasubi, vumu kia Aneyasubi; muna Simerone, vumu kia Anesimerone.
25 Eyayi i vumu ya Yisakare, o lutangu lwa wan’au amakala ana basonekwa, 64.300.+
26 O wan’a Zebulune+ mun’owu wa vumu yau, i awaya: muna Serede, vumu kia Aneserede; muna Elone, vumu kia Aneyelone; muna Yakelele, vumu kia Aneyakelele.
27 Eyayi i vumu ya Anezebulune, o lutangu lwa wan’au amakala ana basonekwa, 60.500.+
28 O wan’a Yosefe+ mun’owu wa vumu yau, i awaya: Manase yo Eferaime.+
29 O wan’a Manase:+ muna Makire,+ vumu kia Anemakire; o Makire owutidi Ngiladi; muna Ngiladi,+ vumu kia Anengiladi.
30 Awaya i wan’a Ngiladi: muna Yezere, vumu kia Aneyezere; muna Keleke, vumu kia Anekeleke;
31 muna Aseriele, vumu kia Aneyaseriele; muna Sekeme, vumu kia Anesekeme;
32 muna Semida, vumu kia Anesemida; muna Kefe, vumu kia Anekefe.
33 O Selofekade wa mwan’a Kefe kawuta wan’amakala ko,+ wan’amakento kaka kawuta, e nkumbu za wan’amakento a Selofekade:+ Makela, Noa, Kongela, Mileka yo Tiresa.
34 Eyayi i vumu ya Manase, o lutangu lwa wan’au amakala ana basonekwa, 52.700.+
35 Awaya i wan’a Eferaime+ mun’owu wa vumu yau: muna Sutelaki,+ vumu kia Anesutelaki; muna Beke, vumu kia Anebeke; muna Takani, vumu kia Anetakani.
36 Awaya i wan’a Sutelaki: muna Erane, vumu kia Aneyerane.
37 Eyayi i vumu ya wan’a Eferaime, o lutangu lwa wan’au amakala ana basonekwa, 32.500.+ Awaya i wan’a Yosefe mun’owu wa vumu yau.
38 O wan’a Benyamini+ mun’owu wa vumu yau, i awaya: muna Bela,+ vumu kia Anebela; muna Asebele, vumu kia Aneyasebele; muna Akirami, vumu kia Aneyakirami;
39 muna Sefufame, vumu kia Anesefufame; muna Kufami, vumu kia Anekufami.
40 O wan’a Bela: Arede yo Namani:+ muna Arede, vumu kia Aneyarede; muna Namani, vumu kia Anenamani.
41 Awaya i wan’a Benyamini mun’owu wa vumu yau, o lutangu lwa wan’au amakala ana basonekwa, 45.600.+
42 Awaya i wan’a Dani+ mun’owu wa vumu yau: muna Sukame, vumu kia Anesukame. Eyayi i vumu ya Dani mun’owu wa vumu yau.
43 E vumu yawonso ya Anesukame, o lutangu lwa wan’au amakala ana basonekwa, 64.400.+
44 O wan’a Asere+ mun’owu wa vumu yau, i awaya: muna Yimena, vumu kia Aneyimena; muna Yisevi, vumu kia Aneyisevi; muna Bereya, vumu kia Anebereya;
45 Muna wan’a Bereya: muna Kebe, vumu kia Anekebe; muna Malekiele, vumu kia Anemalekiele.
46 O mwan’ankento kawuta o Asere, nkumbu andi Sera.
47 Eyayi i vumu ya wan’a Asere, lutangu lwa wan’au amakala ana basonekwa, 53.400.+
48 O wan’a Nafetali+ mun’owu wa vumu yau, i awaya: muna Yakesele, vumu kia Aneyakesele; muna Nguni, vumu kia Anenguni;
49 muna Yesere, vumu kia Aneyesere; muna Sileme, vumu kia Anesileme.
50 Eyayi i vumu ya Nafetali mun’owu wa vumu yau, lutangu lwa wan’au amakala ana basonekwa, 45.400.+
51 O lutangu lwawonso lwa Aneyisaele ana basonekwa: 601.730.+
52 I bosi, Yave ovovese Mose vo:
53 “Nukayanesa e nsi se vua kwa wantu awaya mun’owu wa lutangu lwa nkumbu zau.*+
54 Muna buka yanene, nufwete kudikila e vua; muna buka yakete, nufwete katulula e vua.+ E vua dia konso buka difwete vaninua mun’owu wa lutangu lw’awana basonekeno.
55 Kansi, e nsi ifwete kayilwa muna ntew’a nkas’a mienze.+ Betambula e vua diau mun’owu wa nkumbu za makanda ma mase mau.
56 Konso vua dikayanisinua muna ntew’a nkas’a mienze yo vewa kwa buka yanene ye buka yakete.”
57 Awaya i basonekwa muna Anelevi+ mun’owu wa vumu yau: muna Ngeresone, vumu kia Anengeresone; muna Koate,+ vumu kia Anekoate; muna Merare, vumu kia Anemerare.
58 Eyayi i vumu ya Anelevi: e vumu kia Anelibene,+ vumu kia Anekeberone,+ vumu kia Anemakele,+ vumu kia Anemusi,+ vumu kia Anekora.+
Koate owutidi Amerame.+
59 E nkumbu a nkento a Amerame, Yokebede,+ wa mwan’ankento a Levi, ona kawutilwa kwa nkaz’andi kuna Engipito. Yokebede wawutila Amerame wana: Arone, Mose yo Mireyame wa nsang’au.+
60 I bosi, Arone owutidi Nadabi, Abiu, Elaza yo Itama.+
61 Kansi, o Nadabi yo Abiu bafwa wau basunzula tiya vana ndose a Yave tuna twalembi vaninua nswa.+
62 O lutangu lw’awana basonekwa, 23.000, yau awonso wan’amakala a kimbuta kia ngonde mosi yovo vioka.+ Oyau ke batangwa kumosi yo Aneyisaele ankaka ko,+ kadi ke bavewa vua ko vana vena Aneyisaele.+
63 Awaya i basonekwa kwa Mose yo Elaza wa nganga vava basoneka Aneyisaele muna makanga ma Moabe, muna nlambu a Yodani, vana ndambu a Yeriko.
64 Kansi, vana kati kwau ke vakala kana mosi ko wasonekwa kwa Mose yo Arone wa nganga vava kiasonekwa Aneyisaele muna makanga ma Sinai.+
65 Kadi o Yave wavova mu kuma kiau vo: “Muna makanga kikilu befwila.”+ Muna kuma kiaki, ke vasala kana mosi ko muna yau, Kalebe kaka wa mwan’a Yefune yo Yosua wa mwan’a Nuni.+
Mvovo vana yand'a lukaya
^ Mvovo wa sina: “uziudi o nu’andi.”
^ Yovo “mun’owu wa lutangu lwa nkumbu zisonekeno.”
