Ntalu 34:1-29
34 Yave ovovese diaka Mose vo:
2 “Vana tuludiku twatu kwa Aneyisaele: ‘Vava nukota muna nsi ya Kenani,+ e nsi nutambula e se vua, nsi ya Kenani mun’owu wa mingulu miandi.+
3 “‘O mwingilu eno kuna sude utuka kuna makanga ma Zini, muna nlambu a Edome. Kuna este, o mwingilu eno a sude utuka kuna nsuk’a Mbu a Mungwa.*+
4 O mwingilu eno ubeloka yo viokela kuna sude a ntombok’a Akerabimi,+ ukwenda yakuna Zini, ufokokela kuna sude ya Kadese-banea.+ I bosi, ukwenda kuna Kasa-ada+ yo lwaka yakuna Asemone.
5 Tuka kuna Asemone, o mwingilu ubeloka kuna Ndimb’a Engipito, ufokokela kuna Mbu.*+
6 “‘O mwingilu eno kuna weste i Mbu Anene* yo nlambu. Owau ukala se mwingilu eno kuna weste.+
7 “‘Owau ukala se mwingilu eno kuna node: Nutenda o mwingilu eno tuka kuna Mbu Anene yavana Mongo a Ore.+
8 Tuka vana Mongo a Ore, nutenda o mwingilu yakuna Lebo-Kamati,*+ o mwingilu ufokokela kuna Sedade.+
9 O mwingilu ulwaka yakuna Ziferone, ufokokela kuna Kasare-enane.+ Owau ukala se mwingilu eno kuna node.
10 “‘I bosi, nutenda o mwingilu eno kuna este, tuka kuna Kasare-enane yakuna Sefame.
11 O mwingilu utuka kuna Sefame yakuna Rebela kuna este ya Aini, o mwingilu ukulumuka yo lwaka kuna simu dia este dia Mbu a Kinerete.*+
12 O mwingilu ukwenda yakuna Yodani, ufokokela kuna Mbu a Mungwa.+ Eyayi ikala se nsi eno+ ye mingilu mina muna kinzieta kiandi.’”
13 I bosi, Mose ovene luludiku kwa Aneyisaele vo: “Eyayi i nsi nukayanesa se vua dieno muna ntew’a nkas’a mienze,+ wauna o Yave kakanikina vo yavewa kwa makanda vua ye bula-kati kwa kanda dia Manase.
14 Kadi e kanda dia Anerubeni mun’owu wa nzo a se diau, e kanda dia Anengadi mun’owu wa nzo a se diau ye bula-kati kwa kanda dia Manase batambwidi kala e vua diau.+
15 O makanda mole ye bula-kati kwa kanda dia Manase batambwidi kala e vua diau kuna este ya zunga kia Yodani, vana ndambu a Yeriko, kuna kuvaikilanga e ntangwa.”+
16 Yave ovovese diaka Mose vo:
17 “Ezazi i nkumbu za wantu bekunukayanesena e nsi se vua: Elaza+ wa nganga yo Yosua+ wa mwan’a Nuni.
18 Nubonga mfumu mosi muna konso kanda muna kayanesa e nsi se vua dieno.+
19 Ezazi i nkumbu zau: muna kanda dia Yuda,+ Kalebe+ wa mwan’a Yefune;
20 muna kanda dia wan’a Simeone,+ Semuele wa mwan’a Amiudi;
21 muna kanda dia Benyamini,+ Elidade wa mwan’a Kiselone;
22 muna kanda dia wan’a Dani,+ mfumu mosi, Buki wa mwan’a Yongele;
23 muna wan’a Yosefe,+ muna kanda dia wan’a Manase,+ mfumu mosi, Kaniele wa mwan’a Efode;
24 muna kanda dia wan’a Eferaime,+ mfumu mosi, Kemuele wa mwan’a Sifetane;
25 muna kanda dia wan’a Zebulune,+ mfumu mosi, Elisafane wa mwan’a Panake;
26 muna kanda dia wan’a Yisakare,+ mfumu mosi, Palatiele wa mwan’a Azani;
27 muna kanda dia wan’a Asere,+ mfumu mosi, Akiudi wa mwan’a Selomi;
28 muna kanda dia wan’a Nafetali,+ mfumu mosi, Pedaele wa mwan’a Amiudi.”
29 Awaya i wantu ana Yave kakanikina vo bakayanesa e nsi kwa Aneyisaele muna nsi ya Kenani.+
Mvovo vana yand'a lukaya
^ I sia vo, Mbu Afwa.
^ I sia vo, Mbu Anene, Mediterrâneo.
^ I sia vo, Mediterrâneo.
^ Yovo “fula dia Kamati.”
^ I sia vo, yanga dia Ngenesarete yovo Mbu a Ngalili.
